ऋषि॑मना॒ य ऋ॑षि॒कृत्स्व॒र्षाः स॒हस्र॑णीथः पद॒वीः क॑वी॒नां ।
तृ॒तीयं॒ धाम॑ महि॒षः सिषा॑स॒न्त्सोमो॑ वि॒राज॒मनु॑ राजति॒ ष्टुप् ॥

ऋषिमना य ऋषिकृत् स्वर्षाः सहस्रणीथः पदवीः कवीनाम् |
तृतीयं धाम महिषः सिषासन् सोमो विराजम् अनु राजति ष्टुप् ||

ṛ́ṣimanā yá ṛṣikṛ́tsvarṣā́ḥ sahásraṇīthaḥ padavī́ḥ kavīnā́m ǀ
tṛtī́yam dhā́ma mahiṣáḥ síṣāsantsómo virā́jamánu rājati ṣṭúp ǁ

ṛṣimanā ya ṛṣikṛt svarṣāḥ sahasraṇīthaḥ padavīḥ kavīnām |
tṛtīyaṃ dhāma mahiṣaḥ siṣāsan somo virājam anu rājati ṣṭup ||

ऋषि॑ऽमनाः । यः । ऋ॒षि॒ऽकृत् । स्वः॒ऽसाः । स॒हस्र॑ऽनीथः । प॒द॒ऽवीः । क॒वी॒नाम् ।
तृ॒तीय॑म् । धाम॑ । म॒हि॒षः । सिसा॑सन् । सोमः॑ । वि॒ऽराज॑म् । अनु॑ । रा॒ज॒ति॒ । स्तुप् ॥

ऋषिऽमनाः । यः । ऋषिऽकृत् । स्वःऽसाः । सहस्रऽनीथः । पदऽवीः । कवीनाम् ।
तृतीयम् । धाम । महिषः । सिसासन् । सोमः । विऽराजम् । अनु । राजति । स्तुप् ॥

ṛ́ṣi-manāḥ ǀ yáḥ ǀ ṛṣi-kṛ́t ǀ svaḥ-sā́ḥ ǀ sahásra-nīthaḥ ǀ pada-vī́ḥ ǀ kavīnā́m ǀ
tṛtī́yam ǀ dhā́ma ǀ mahiṣáḥ ǀ sísāsan ǀ sómaḥ ǀ vi-rā́jam ǀ ánu ǀ rājati ǀ stúp ǁ

ṛṣi-manāḥ ǀ yaḥ ǀ ṛṣi-kṛt ǀ svaḥ-sāḥ ǀ sahasra-nīthaḥ ǀ pada-vīḥ ǀ kavīnām ǀ
tṛtīyam ǀ dhāma ǀ mahiṣaḥ ǀ sisāsan ǀ somaḥ ǀ vi-rājam ǀ anu ǀ rājati ǀ stup ǁ