पव॑मानो॒ व्य॑श्नवद्र॒श्मिभि॑र्वाज॒सात॑मः ।
दध॑त्स्तो॒त्रे सु॒वीर्यं॑ ॥

पवमानो व्य् अश्नवद् रश्मिभिर् वाजसातमः |
दधत् स्तोत्रे सुवीर्यम् ||

pávamāno vyáśnavadraśmíbhirvājasā́tamaḥ ǀ
dádhatstotré suvī́ryam ǁ

pavamāno vy aśnavad raśmibhir vājasātamaḥ |
dadhat stotre suvīryam ||

पव॑मानः । वि । अ॒श्न॒व॒त् । र॒श्मिऽभिः॑ । वा॒ज॒ऽसात॑मः ।
दध॑त् । स्तो॒त्रे । सु॒ऽवीर्य॑म् ॥

पवमानः । वि । अश्नवत् । रश्मिऽभिः । वाजऽसातमः ।
दधत् । स्तोत्रे । सुऽवीर्यम् ॥

pávamānaḥ ǀ ví ǀ aśnavat ǀ raśmí-bhiḥ ǀ vāja-sā́tamaḥ ǀ
dádhat ǀ stotré ǀ su-vī́ryam ǁ

pavamānaḥ ǀ vi ǀ aśnavat ǀ raśmi-bhiḥ ǀ vāja-sātamaḥ ǀ
dadhat ǀ stotre ǀ su-vīryam ǁ