याज्ञवल्क्य उवाच । (१।१)

भिक्षोर्धर्मं प्रवक्ष्यामि तं निबोधत सत्तमाः । (१।२)

वनाद्गृहाद्वा कृत्वेष्टिं सर्ववेदसदक्षिणाम् ॥ (१।३)

प्राजापत्यं तदन्ते ऽपि अग्निमारोप्य चात्मनि । (२।१)

सर्वभूतहितः शान्तस्त्रिदण्डी सकमण्डलुः ॥ (२।२)

सर्वारामं परिव्रज्य भिक्षार्थो ग्राममाश्रयेत् । (३।१)

अप्रमत्तश्चरेद्भैक्ष्यं सायाह्ने नाभिलक्षितः ॥ (३।२)

रोहिते भिक्षुकैर्ग्रामे यात्रामात्रम् अलोलुपः । (४।१)

भवेत्परमहंसो वा एकदण्डी यमादितः ॥ (४।२)

सिद्धयोगस् त्यजन् देहम् अमृतत्वमिहाप्नुयात् । (५।१)

दातातिथिप्रियो ज्ञानी गृही श्राद्धे ऽपि मुच्यते ॥ (५।२)

इति श्रीगारुडे महापुराणे पूर्वखण्डे प्रथमांशाख्ये आचारकाण्डे याज्ञवल्क्योक्तवानप्रस्थसंन्यासधर्मनिरूपणं नाम त्र्युत्तरशततमो ऽध्यायः ॥ (६।१)