ब्रह्मोवाच । (१।१)

मार्गशीर्षे सिते पक्षे व्यासानङ्गत्रयोदशी । (१।२)

मल्लिकाजं दन्तकाष्ठं धुत्तूरैः पूजयेच्छिवम् ॥ (१।३)

अनङ्गायेति नैवेद्यं मधप्राश्याथ पौषके । (२।१)

योगेश्वरं पूजयेच्च बिल्वपत्रैः कदम्बजम् । (२।२)

दन्तकाष्ठं चन्दनादि नैवेद्यं कृसरादिकम् ॥ (२।३)

माघे नटेश्वरायार्च्य कुन्दैर्मौक्तिकमालया । (३।१)

प्लक्षेण दन्तकाष्ठं च नैवेद्यं पूरिका मुने ॥ (३।२)

वीरेश्वरं फाल्गुने तु पूजयेत्तु मरूबकैः । (४।१)

शर्कराशाकमण्डाश्च चूतजं दन्तधावनम् ॥ (४।२)

चैत्रे यजेत् सुरूपाय कर्पूरं प्राशयेन्निशि । (५।१)

दन्तधावनाटजं नैवेद्यं शष्कुलीं ददेत् ॥ (५।२)

पूजा दमनकः शम्भोर् वैशाखे ऽशोकपुष्पकैः । (६।१)

महारूपाय नैवेद्यं गुडभक्तं पुट्टबरम् ॥ (६।२)

दन्तकाष्ठं प्राशयेच्च ददेज् जातीफलं तथा । (७।१)

प्रद्युम्नं पूजयेज्ज्येष्ठे चम्पकैर्बिल्वजं दशेत् ॥ (७।२)

लवगारा तथाषढि उमामदति शासनः । (८।१)

अगुरुं दन्तकाष्ठं च तमपामार्गकैर्यजेत् ॥ (८।२)

श्रावणे करवीरं च शम्भवे शूलपाणये । (९।१)

गन्धाशनो घृताद्यैश्च करवीरजशोधनम् ॥ (९।२)

सद्योजातं भाद्रपदे बकुलैः पूपकैर्यजेत् । (१०।१)

गन्धर्वाशो मदनकमाश्विने च सुराधिपम् ॥ (१०।२)

चम्पकैः स्वर्णवायादोजिन्मोदकसंप्रदः । (११।१)

खादिरं दन्तकाष्ठं च कार्तिके रुद्रमर्चयेत् ॥ (११।२)

बदर्या दन्तकाष्ठं च मदनो दशमाशनः । (१२।१)

क्षीरशाकप्रदः पद्मैर् अब्दन्ते शिवमर्चयेत् ॥ (१२।२)

रतिमुक्तमनङ्गं च स्वर्णमण्डलसंस्थितम् । (१३।१)

गन्धाद्यैर्दशसाहस्रं तिलव्रीह्यादि होमयेत् ॥ (१३।२)

जागरं गीतवदित्रं प्रभित ऽभ्यर्च्य वेदयेत् । (१४।१)

द्विजाय शय्यां पात्रं च छत्रं वस्त्रमुपानहौ ॥ (१४।२)

गां द्विजं भोजयेद्भक्त्या कृतकृत्यो भवेन्नरः । (१५।१)

एतदुद्यापनं सर्वं व्रतेषु ध्येयम् ईदृशम् । (१५।२)

फलं च श्रीसुतारोग्यसौभाग्यस्वर्गतं भवेत् ॥ (१५।३)

इति श्रीगारुडे महापुराणे पूर्वखण्डे प्रथमांशाख्ये आचारकाण्डे ऽनङ्गत्रयोदशीव्रतं नाम सप्तदशोत्तरशततमो ऽध्यायः ॥ (१६।१)