ब्रह्मोवाच । (१।१)

रम्भातृतीयां वक्ष्ये च सौभाग्यश्रीसुतादिदाम् । (१।२)

मार्गशीर्षे सिते पक्षे तृतीयायामुपोषितः ॥ (१।३)

गौरीं यजेद् बिल्वपत्रैः कुशोदककरस्ततः । (२।१)

कदम्बादौ गिरिसुतां पौषे मरुबकैर्यजेत् ॥ (२।२)

कर्पूरादः कृसरदो मल्लिकादन्तकाष्ठकृत् । (३।१)

माघेषु भद्रां कल्हारैर्घृताशो मण्डकप्रदः ॥ (३।२)

गीतीमयं दन्तकाष्ठं फाल्गुने गोमतीं यजेत् । (४।१)

कुन्दैः कृत्वा दन्तकाष्ठं जीवाशः शष्कुलीप्रदः ॥ (४।२)

विशालाक्षीं दमनकैश्चैत्रे च कृसरप्रदः । (५।१)

दधिप्राशो दन्तकाष्ठं तगरं श्रीमुखीं यजेत् ॥ (५।२)

वैशाखे कर्णिकारैश्च अशोकाशो वटप्रदः । (६।१)

ज्येष्ठे नारायणीमर्चेच्छतपत्रैश्च खण्डदः । (६।२)

लवङ्गाशो भवेदेव आषाढे माधवीं यजेत् ॥ (६।३)

तिलाशो बिल्वपत्रैश्च क्षीरान्नवटकप्रदः । (७।१)

औदुम्बरं दन्तकाष्ठं तगर्याः श्रावणे श्रियम् ॥ (७।२)

दन्तकाष्ठं मल्लिकायाः क्षीरदो ह्युत्तमां यजेत् । (८।१)

पद्मैर्यजेद्भाद्रपदे शृङ्गदाशो गृडादिदः ॥ (८।२)

राजपुत्रीं चाश्वयुजे जपापुष्पैश्च जीरकम् । (९।१)

प्राशयेन्निशि नैवेद्यैः कृसरैः कार्तिके यजेत् ॥ (९।२)

जातीपुष्पैः पद्मजां च पञ्चगव्याशनो यजेत् । (१०।१)

घृतौदनं च वर्षान्ते सपत्नीकान्द्विजान्यजेत् ॥ (१०।२)

उमामहेश्वरं पूज्य प्रदद्याच्च गुडादिकम् । (११।१)

वस्त्रच्छत्रसुवर्णाद्यैः रात्रौ च कृतजागरः । (११।२)

गीतवाद्यैर् ददत् प्रतर्गवाद्यं सर्वम् आप्नुयात् ॥ (११।३)

इति श्रीगारुडे महापुराणे पूर्वखण्डे प्रथमांशाख्ये आचारकाण्डे रम्भातृतीयाव्रतं नाम विंशत्युत्तरशततमो ऽध्यायः ॥ (१२।१)