सूत उवाच । (१।१)

आदाय शेषस्तस्यान्त्रं बलस्य केलादिषु । (१।२)

चिक्षेप तत्र जायन्ते विद्रुमाः सुभहागुणाः ॥ (१।३)

तत्र प्रधानं शशलोहिताभं गुञ्जाजपापुष्पनिभं प्रदिष्टम् । (२।१)

सुनीलकं देवकरोमकं च स्थानानि तेषु प्रभवं सुरागम् ॥ (२।२)

अन्यत्र जातं च न तत्प्रधानं मूल्यं भवेच्छिल्पिविशेषयोगात् । (३।१)

प्रसन्नं कोमलं स्निग्धं सुरागं विद्रुमं हि तत् ॥ (३।२)

धनधान्यकरं लोके विषार्तिभयनाशनम् । (४।१)

परीक्षा पुलकस्योक्ता रुधिराक्षस्य वै मणेः । (४।२)

स्फटिकस्य विद्रुमस्य रत्नज्ञानाय शौनक ॥ (४।३)

इति श्रीगारुडे महापुराणे पूर्वखण्डे प्रथमांशाख्ये आचारकाण्डे विद्रुमपरीक्षणं नामाशीतितमो ऽध्यायः ॥ (५।१)