रुद्र उवाच । (१।१)

पुनर्देवार्चनं ब्रूहि संक्षेपेण जनार्दन । (१।२)

सूर्यस्य विष्णुरूपस्य भुक्तिमुक्तिप्रदायकम् ॥ (१।३)

वासुदेव उवाच । (२।१)

शृणु सूर्यस्य रुद्र त्वं पुनर्वक्ष्यामि पूजनम् । (२।२)

ॐ उच्चैःश्रवसे नमः ॐ अरुणाय नमः । (२।३)

ॐ दण्डिने नमः । (२।४)

ॐ पिङ्गलाय नमः । (२।५)

एते द्वारे प्रपूज्या वै एभिर् मन्त्रैर् वृषध्वज ॥ (२।६)

ॐ अं प्रभूताय नमः । (३।१)

इमं तु पूजयेन्मध्ये प्रभूतामलसंज्ञकम् । (३।२)

ॐ अं विमलाय नमः । (३।३)

ॐ अं साराय नमः । (३।४)

ॐ अं आधाराय नमः । (३।५)

ॐ अं परममुखाय नमः । (३।६)

इत्याग्नेयादिकोणेषु पूज्या वै विमलादयः ॥ (३।७)

ॐ पद्माय नमः । (४।१)

ॐ कर्णिकायै नमः । (४।२)

मध्ये तु पूजयेद्रुद्र पूर्वादिषु तथैव च । (४।३)

दीप्ताद्याः पूजयेन्मध्ये पूजयेत्सर्वतोमुखीः । (४।४)

ॐ वां दीप्तायै नमः । (४।५)

ॐ वीं सूक्ष्मायै नमः । (४।६)

ॐ वूं औरूं भद्रायै नमः । (४।७)

ॐ वैं जयायै नमः । (४।८)

ॐ वौं विभूत्यै नमः । (४।९)

ॐ वं अघोरायै नमः । (४।१०)

ॐ वं वैद्युतायै नमः । (४।११)

ॐ वः विजयायै नमः । (४।१२)

ॐ रो सर्वतोमुख्यै नमः ॥ (४।१३)

ॐ अर्कासनाय नमः । (५।१)

ॐ ह्रां सूर्यमूर्तये नमः । (५।२)

एतास्तु पूजयेन्मध्ये ह्रन्मन्त्राञ्छृणु शङ्कर । (५।३)

ॐ हं सं खं खखोल्काय क्रां क्रीं सः स्वाहा सूर्यमूर्तये नमः । (५।४)

अनेनावाहनं कुर्यात्स्थापनं संनिधापनम् । (५।५)

सन्निरोपनमन्त्रेण सकलीकरणं तथा ॥ (५।६)

मुद्राया दर्शनं रुद्र मूलमन्त्रेण वा हर । (६।१)

तेजोरूपं रक्तवर्णं सितपद्मोपरि स्थितम् । (६।२)

एकचक्ररथारूढं द्विबाहुं धृतपङ्कजम् ॥ (६।३)

एवं ध्यायेत्सदा सूर्यं मूलमन्त्रं शृणुष्व च । (७।१)

ॐ ह्रां ह्रीं सः सूर्याय नमः ॥ (७।२)

वारत्रयं पद्ममुद्रां बिम्बमुद्रां च दर्शयेत् । (८।१)

ॐ आं हृदयाय नमः । (८।२)

ॐ अर्काय शिरसे स्वाहा । (८।३)

ॐ अः भूर्भुवः स्वः ज्वालिनि शिखायै वषट् । (८।४)

ॐ हुं कवचाय हुं । (८।५)

ॐ भां नेत्राभ्यां वौषट् । (८।६)

ॐ वः अस्त्राय फडिति ॥ (८।७)

आग्नेय्यामथवैशान्यां नैरृत्यामर्चयेद्धर । (९।१)

हृदयादि हि वायव्यां नेत्रं चान्तः प्रपूजयेत् ॥ (९।२)

दिस्वस्त्रं पूजयेद्रुद्र सोमं तु श्वेतवर्णकम् । (१०।१)

दले पूर्वे ऽर्चयेद्रुद्र बुधं चामीकरप्रभम् ॥ (१०।२)

दक्षिणे पूजयेद्रुद्र पतिवर्णं गुरुं यजेत् । (११।१)

पश्चिमे चैव भूतेशं उत्तरे भार्गवं सितम् ॥ (११।२)

रक्तमङ्गारकं चैव आग्नेये पूजयेद्धर । (१२।१)

शनैश्चरं कृष्णवर्णं नैरृत्यां दिशि पूजयेत् ॥ (१२।२)

राहुं वायव्यदेशे तु नन्द्यावर्तनिभं हर । (१३।१)

ऐशान्यां धूम्रवर्णं तु केतुं सम्परिपूजयेत् ॥ (१३।२)

एभिर्मन्त्रैर्महादेव तच्छृणुष्व च शङ्कर ॥ (१४।१)

ॐ स्ॐ सोमाय नमः । (१५।१)

ॐ बुं बुधाय नमः । (१५।२)

ॐ बृं बृहस्पतये नमः । (१५।३)

ॐ भं भार्गवाय नमः । (१५।४)

ॐ अं अङ्गारकाय नमः । (१५।५)

ॐ शं शनैश्चराय नमः । (१५।६)

ॐ रं राहवे नमः । (१५।७)

ॐ कं केतवे नम इति ॥ (१५।८)

पाद्यादीन्मूलमन्त्रेण दत्त्वा सूर्याय शङ्कर । (१६।१)

नैवेद्यान्ते धेनुमुद्रां दर्शयेत्साधकोत्तमः ॥ (१६।२)

जप्त्वा चाष्टसहस्रं तु तच्च तस्मै समर्पयेत् । (१७।१)

ऐशान्यां दिशि भूतेश तेजश्चण्डं तु पूजयेत् ॥ (१७।२)

ॐ तेजश्चण्डाय हुं फट् स्वधा स्वाहा पौषट् । (१८।१)

निर्माल्यं चार्पयेत्तस्मै ह्यर्घ्यं दद्यात्ततो हर ॥ (१८।२)

तिलतण्डुलसंयुक्तं रक्तचन्दनचर्चितम् । (१९।१)

गन्धोदकेन संमिश्रं पुष्पधूपसमन्वितम् ॥ (१९।२)

कृत्वा शिरसि तत्पात्रं जानुभ्यामवनिं गतः । (२०।१)

दर्घ्यं तु सूर्याय हृन्मन्त्रेण वृषध्वज ॥ (२०।२)

गणं गुरून्प्रपूज्याथ सर्वान् देवानन् प्रपूजयेत् । (२१।१)

ॐ गं गणपतये नमः । (२१।२)

ॐ अं गुरुभ्यो नमः ॥ (२१।३)

सूर्यस्य कथिता पूजा कृत्वैतां विष्णुलोकभाक् ॥ (२२।१)

इति श्रीगारुडे महापुराणे पूर्वखण्डे प्रथमांशाख्ये आचारकाण्डे सूर्यार्चनप्रकारो नामैकोनचत्वारिंशो ऽध्यायः ॥ (२३।१)