सूत उवाच । (१।१)

वक्ष्ये तत्परमं गुह्यं शिवोक्तं मन्त्रवृन्दकम् । (१।२)

पाशं धनुश्च चक्रं च मुद्ररं शूलपट्टिशम् ॥ (१।३)

एतैरेवायुधैर्युद्धे मन्त्रैः शत्रूञ्जयेन्नृपः । (२।१)

मन्त्रोद्धारः पद्मपात्रे आदिपूर्वादिके लिखेत् ॥ (२।२)

अष्टवर्गं चाष्टमं च ख्यातमीशानपत्रके । (३।१)

ॐकारो ब्रह्मबीजं स्याद्ध्रीङ्कारो विष्णुरेव च ॥ (३।२)

ह्रीङ्कारश्च शिवः शूले त्रिशाखे तु क्रमान्न्यसेत् । (४।१)

ॐ ह्रीं ह्रीं ॥ (४।२)

शूलं गृहीत्वा हस्तेनाभ्राम्य चाकाशसंमुखम् । (५।१)

तद्दर्शनान्द्रहा नागा दृष्ट्वा वा नाशमाप्नुयुः ॥ (५।२)

धूमारक्ते करं मध्ये ध्यात्वा खे चिन्तयेन्नरः । (६।१)

दुष्टा नागा ग्रहा मेघा विनश्यन्ति च राक्षसाः ॥ (६।२)

त्रिलोकान्रक्षयेन्मन्त्रो मर्त्यलोकस्य का कथा । (७।१)

ॐ जूं सूं हूं फट् ॥ (७।२)

खादिरान्कीलकानष्टौ क्षेत्रे संमन्त्र्य विन्यसेत् । (८।१)

न तत्र वज्रपातस्य स्फूर्जथ्वादेरुपद्रवः ॥ (८।२)

गरुडोक्तैर्महामन्त्रैः कीलकानष्ट मन्त्रयेत् । (९।१)

एकविंशतिवाराणि क्षेत्रे तु निखनेन्निशि ॥ (९।२)

विद्युन्मूषकवज्रादिसमुपद्रव एव च । (१०।१)

हरक्षमलवरयू बिन्दुयुक्तः सदाशिवः ॥ (१०।२)

ॐ ह्रां सदाशिवाय नमः । (११।१)

तर्जन्या विन्यसेत्पिण्डं दाडिमीकुसुमप्रभम् ॥ (११।२)

तस्यैव दर्शनाद्दुष्टा मेघविद्युद्दीपादयः । (१२।१)

राक्षसा भूतडाकिन्यः प्रद्रवन्ति दिशो दश ॥ (१२।२)

ॐ ह्रीं गणेशाय नमः । (१३।१)

स्तम्भनादिचक्राय नमः । (१३।२)

ॐ ऐं ब्रहयैन्त्रै लोक्यडामराय नमः ॥ (१३।३)

भैरवं पिण्डमाख्यातं विषपापग्रहापहम् । (१४।१)

क्षेत्रस्य रक्षणं भूतराक्षसादेः प्रमर्दनम् ॥ (१४।२)

ॐ नमः । (१५।१)

इन्द्रवज्रं करे ध्यात्वा दुष्टमेघादिवारणम् । (१५।२)

विषशत्रुगणा भूता नश्यन्ते वज्रमुद्रया ॥ (१५।३)

ॐ क्षुं नमः । (१६।१)

स्मरेत्पाशं वामहस्ते विषभूतादि नश्यति । (१६।२)

ॐ ह्रां नमः । (१६।३)

हरेदुच्चारणान्मन्त्रो विषमेघग्रहादिकान् ॥ (१६।४)

ध्यात्वा कृतान्तं च दहेच्छेदकास्त्रेण वै जगत् । (१७।१)

ॐ क्ष्णं नमः । (१७।२)

ध्यात्वा तु भैरवं कुर्यान्द्रहभूतविषापहम् ॥ (१७।३)

ॐ लसद्दिजिह्वाक्ष स्वाहा । (१८।१)

क्षेत्रादौ ग्रहभूतादिविषपक्षिनिवारणम् ॥ (१८।२)

ॐ क्ष्व नमः । (१९।१)

रक्तेन पटहे लिख्य शब्दात् त्रेसुर्ग्रहादयः । (१९।२)

ॐ मर मर मारय मारय स्वाहा । (१९।३)

ॐ हुं फट् स्वाहा ॥ (१९।४)

शूलं चाष्टशतैर् मन्त्र्य भ्रामणाच्छत्रुवृन्दहृत् । (२०।१)

ऊर्ध्वशक्तिनिपातेन अधः शक्तिं निकुञ्चयेत् ॥ (२०।२)

पूरके पूरिता मन्त्राः कुम्भकेन सुमन्त्रिताः । (२१।१)

प्रणवेनाप्यायितास्ते मनवस्तदुदीरिताः । (२१।२)

एवमाप्यायिता मन्त्रा भृत्यवत्फलदायकाः ॥ (२१।३)

इति श्रीगारुडे महापुराणे पूर्वखण्डे प्रथमांशाख्ये आचारकाण्डे विषादिहरमन्त्रवृन्दनिरूपणं नाम विंशो ऽध्यायः ॥ (२२।१)