1.2१.२मान्धाता चक्रवर्त्यासीदुपोष्यैकादशीं नृपः । (१।२)
māndhātā cakravartyāsīdupoṣyaikādaśīṃ nṛpaḥ |
1.3१.३एकादश्यां न भुञ्जीत पक्षयोर् उभयोर् अपि ॥ (१।३)
ekādaśyāṃ na bhuñjīta pakṣayor ubhayor api ||
2.1२.१दशम्येकादशीमिश्रा गान्धार्या समुपोषिता । (२।१)
daśamyekādaśīmiśrā gāndhāryā samupoṣitā |
2.2२.२तस्याः पुत्रशतं नष्टं तस्मात्तां परिवर्जयेत् ॥ (२।२)
tasyāḥ putraśataṃ naṣṭaṃ tasmāttāṃ parivarjayet ||
3.1३.१द्वादश्येकादशी यत्र तत्र संनिहितो हरिः । (३।१)
dvādaśyekādaśī yatra tatra saṃnihito hariḥ |
3.2३.२दशम्येकादशी यत्र तत्र संनिहितो ऽसुरः । (३।२)
daśamyekādaśī yatra tatra saṃnihito 'suraḥ |
3.3३.३बहुवाक्यविरोधेन सन्देहो जायते यदा ॥ (३।३)
bahuvākyavirodhena sandeho jāyate yadā ||
4.1४.१द्वादशी तु तदा ग्राह्या त्रयोदश्यां तु पारणम् । (४।१)
dvādaśī tu tadā grāhyā trayodaśyāṃ tu pāraṇam |
4.2४.२एकादशी कलापिस्याद् उपोष्या द्वादशी तथा ॥ (४।२)
ekādaśī kalāpisyād upoṣyā dvādaśī tathā ||
5.1५.१एकादशी द्वादशी च विशेषेण त्रयोदशी । (५।१)
ekādaśī dvādaśī ca viśeṣeṇa trayodaśī |
5.2५.२त्रिमिश्रा सा तिथिर्ग्राह्या सर्वपापहरा शुभा ॥ (५।२)
trimiśrā sā tithirgrāhyā sarvapāpaharā śubhā ||
6.1६.१एकादशीम् उपोष्यैव द्वादशीम् अथवा द्विज । (६।१)
ekādaśīm upoṣyaiva dvādaśīm athavā dvija |
6.2६.२त्रिमिश्रां चैव कुर्वीत न दशम्या युतां क्वचित् ॥ (६।२)
trimiśrāṃ caiva kurvīta na daśamyā yutāṃ kvacit ||
7.1७.१रात्रौ जागरणं कुर्वन्पुराणश्रवणं नृपः । (७।१)
rātrau jāgaraṇaṃ kurvanpurāṇaśravaṇaṃ nṛpaḥ |
7.2७.२गदाधरं पूजयंश्च उपोष्यैकादशीद्वयम् । (७।२)
gadādharaṃ pūjayaṃśca upoṣyaikādaśīdvayam |
7.3७.३रुक्माङ्गदो ययौ मोक्षमन्ये चैकादशीव्रतम् ॥ (७।३)
rukmāṅgado yayau mokṣamanye caikādaśīvratam ||
8.1८.१इति श्रीगारुडे महापुराणे पूर्वखण्डे प्रथमांशाख्ये आचारकाण्डे एकादशीमाहात्म्यं नाम पञ्चविंशत्युत्तरशततमो ऽध्यायः ॥ (८।१)
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ekādaśīmāhātmyaṃ nāma pañcaviṃśatyuttaraśatatamo 'dhyāyaḥ ||
Data courtesy of The Digital Corpus of Sanskrit.
