1.2१.२सप्ततिस्तु सहस्राणि भूम्युच्छ्रायो ऽपि कथ्यते । (१।२)
saptatistu sahasrāṇi bhūmyucchrāyo 'pi kathyate |
1.3१.३दशसाहस्रमेकैकं पातालं वृषभध्वज ॥ (१।३)
daśasāhasramekaikaṃ pātālaṃ vṛṣabhadhvaja ||
2.1२.१अतलं वितलं चैव नितलं च गभस्तिमत् । (२।१)
atalaṃ vitalaṃ caiva nitalaṃ ca gabhastimat |
2.2२.२महाख्यं सुतलं चाग्र्यं पातालं चापि सप्तमम् ॥ (२।२)
mahākhyaṃ sutalaṃ cāgryaṃ pātālaṃ cāpi saptamam ||
3.1३.१कृष्णा शुक्लारुणा पीता शर्करा शैलकाञ्चना । (३।१)
kṛṣṇā śuklāruṇā pītā śarkarā śailakāñcanā |
3.2३.२भूयस्तत्र दैतेया वसन्ति च भुजङ्गमाः ॥ (३।२)
bhūyastatra daiteyā vasanti ca bhujaṅgamāḥ ||
4.1४.१रौद्रे तु पुष्करद्वीपे नरकाः सन्ति ताञ्छृणु । (४।१)
raudre tu puṣkaradvīpe narakāḥ santi tāñchṛṇu |
4.2४.२रौरवः सूकरो रोधस्तालो विनशनस्तथा ॥ (४।२)
rauravaḥ sūkaro rodhastālo vinaśanastathā ||
5.1५.१महाज्वालस्तप्तकुम्भो लवणो ऽथि विमोहितः । (५।१)
mahājvālastaptakumbho lavaṇo 'thi vimohitaḥ |
5.2५.२रुधिराख्यो वैतरणी कृमिशः कृमिभोजनः ॥ (५।२)
rudhirākhyo vaitaraṇī kṛmiśaḥ kṛmibhojanaḥ ||
6.1६.१असिपत्त्रवनः कृष्णो नानाभक्षश्च दारुणः । (६।१)
asipattravanaḥ kṛṣṇo nānābhakṣaśca dāruṇaḥ |
6.2६.२तथा पूयवहः पापो वह्निज्वालस्त्वधःशिराः ॥ (६।२)
tathā pūyavahaḥ pāpo vahnijvālastvadhaḥśirāḥ ||
7.1७.१संदंशः कृष्णसूत्रश्च तमश्चावीचिरेव च । (७।१)
saṃdaṃśaḥ kṛṣṇasūtraśca tamaścāvīcireva ca |
7.2७.२श्वभोजनो ऽथाप्रतिष्ठोष्णवीचिर् नरकाः स्मृताः ॥ (७।२)
śvabhojano 'thāpratiṣṭhoṣṇavīcir narakāḥ smṛtāḥ ||
8.1८.१पापिनस्तेषु पच्यन्ते विषशस्त्राग्निदायिनः । (८।१)
pāpinasteṣu pacyante viṣaśastrāgnidāyinaḥ |
8.2८.२उपर्युपरि वै लोका रुद्र भूतादयः स्थिताः ॥ (८।२)
uparyupari vai lokā rudra bhūtādayaḥ sthitāḥ ||
9.1९.१वारिवह्न्यनिलाकाशैर्वृतं भूतादिना च तत् । (९।१)
vārivahnyanilākāśairvṛtaṃ bhūtādinā ca tat |
9.2९.२तदण्डं महता रुद्र प्रधानेन च वेष्टितम् ॥ (९।२)
tadaṇḍaṃ mahatā rudra pradhānena ca veṣṭitam ||
10.1१०.१अण्डं दशगुणं व्याप्तं नारायणः स्थितः ॥ (१०।१)
aṇḍaṃ daśaguṇaṃ vyāptaṃ nārāyaṇaḥ sthitaḥ ||
11.1११.१इति गारुडे महापुराणे पूर्वखण्डे प्रथमांशाख्ये आचारकाण्डे भुवनकोशगतापातलनरकादिनिरूपणं नाम सप्तपञ्चाशत्तमो ऽध्यायः ॥ (११।१)
iti gāruḍe mahāpurāṇe pūrvakhaṇḍe prathamāṃśākhye ācārakāṇḍe bhuvanakośagatāpātalanarakādinirūpaṇaṃ nāma saptapañcāśattamo 'dhyāyaḥ ||
Data courtesy of The Digital Corpus of Sanskrit.
