ब्रह्मोवाच । (१।१)

चातुर्मास्यव्रतान्यूचे एकादश्यां समाचरेत् । (१।२)

आषाढ्यां पौर्णमास्यां वा सर्वेण हरिम् अर्च्य च ॥ (१।३)

इदं व्रतं मया देव गृहीतं पुरतस्तव । (२।१)

निर्विघ्नं सिद्धिमाप्नोतु प्रसन्ने त्वयि केशव ॥ (२।२)

गृहीते ऽस्मिन्व्रते देव यद्यपूर्णे म्रियाम्यहम् । (३।१)

तन्मे भवतु सम्पूर्णं त्वत्प्रसादाज्जनार्दन ॥ (३।२)

एवमभ्यर्च्य गृह्णीयाद्व्रतार्चनजपादिकम् । (४।१)

सर्वाघं च क्षयं याति चिकीर्षेद्यो हरेर्व्रतम् ॥ (४।२)

स्नात्वा यो ऽभ्यर्च्य गृह्णीयाद्व्रतार्चनजपादिकम् । (५।१)

स्नात्वा यच्चतुरो मासानेकभक्तेन पूजयेत् । (५।२)

विष्णुं स याति विष्णोर् व लोकं मलविवर्जितम् ॥ (५।३)

मद्यमांससुरात्यागी वेदविद्धरिपूजनात् । (६।१)

तैलवर्जि विष्णुलोकं विष्णुभाक् कृच्छ्रपादकृत् ॥ (६।२)

एकरात्रोपवासाच्च देवो वैमानिको भवेत् । (७।१)

श्वेतद्वीपं त्रिरात्रात्तु व्रजेत्षष्ठान्नकृन्नरः ॥ (७।२)

चान्द्रायणाद्धरेर्धाम लभेन्मुक्तिमयाचिताम् । (८।१)

प्राजापत्यं विष्णुलोकं पराकव्रतकृद्धरिम् ॥ (८।२)

सक्तुयावकभिक्षाशी पयोदधिघृताशनः । (९।१)

गोमूत्रयावकाहारः पञ्चगव्यकृताशनः । (९।२)

शाकमलफलाद्याशी रसवर्जो च विष्णुभाक् ॥ (९।३)

इति श्रीगारुडे महापुराणे पूर्वखण्डे प्रथमांशाख्ये आचारकाण्डे चातुर्मास्यव्रतनिरूपणं नामकावशत्युत्तरशततमो ऽध्यायः ॥ (१०।१)