GarPur, 1, 67
Select a line for its word-by-word analysis.
हरेः श्रुत्वा हरो गौरीं देहस्थं ज्ञानमब्रवीत् ॥ (१।२)
hareḥ śrutvā haro gaurīṃ dehasthaṃ jñānamabravīt ||
कुजो वह्नी रविः पृथ्वी सौरिरापः प्रकीर्तितः । (२।१)
kujo vahnī raviḥ pṛthvī saurirāpaḥ prakīrtitaḥ |
वायुसंस्थास्थितो राहुर्दक्षरन्ध्रावभासकः ॥ (२।२)
vāyusaṃsthāsthito rāhurdakṣarandhrāvabhāsakaḥ ||
गुरुः शुक्रस्तथा सौम्यश्चन्द्रश्चैव चतुर्थकः । (३।१)
guruḥ śukrastathā saumyaścandraścaiva caturthakaḥ |
स्थानसेवां तथा ध्यानं वाणिज्यं राजदर्शनम् ॥ (४।२)
sthānasevāṃ tathā dhyānaṃ vāṇijyaṃ rājadarśanam ||
देहमध्ये स्थिता नाड्यो बहुरूपाः सुविस्तराः । (७।१)
dehamadhye sthitā nāḍyo bahurūpāḥ suvistarāḥ |
नाभेरधस्ताद्यः कन्दस्त्वङ्कुरास्तत्र निर्गताः ॥ (७।२)
nābheradhastādyaḥ kandastvaṅkurāstatra nirgatāḥ ||
चक्रवच्च स्थितास्तास्तु सर्वाः प्राणहराः स्मृताः ॥ (८।२)
cakravacca sthitāstāstu sarvāḥ prāṇaharāḥ smṛtāḥ ||
तासां मध्ये त्रयः श्रेष्ठा वामदक्षिणमध्यमाः । (९।१)
tāsāṃ madhye trayaḥ śreṣṭhā vāmadakṣiṇamadhyamāḥ |
वामा सोमात्मिका प्रोक्ता दक्षिणा रविसन्निभा ॥ (९।२)
vāmā somātmikā proktā dakṣiṇā ravisannibhā ||
द्वयोर्वाहे तु मृत्युः स्यात् सर्वकार्यविनाशिनी ॥ (११।२)
dvayorvāhe tu mṛtyuḥ syāt sarvakāryavināśinī ||
निर्गमे तु भवेद्वामा प्रवेशे दक्षिणा स्मृता । (१२।१)
nirgame tu bhavedvāmā praveśe dakṣiṇā smṛtā |
इडाचारे तथा सौम्यं चन्द्रसूर्यगतस्तथा ॥ (१२।२)
iḍācāre tathā saumyaṃ candrasūryagatastathā ||
कारयेत् क्रूरकर्माणि प्राणे पिङ्गलसंस्थिते । (१३।१)
kārayet krūrakarmāṇi prāṇe piṅgalasaṃsthite |
भोजने मैथुने युद्धे पिङ्गला सिद्धिदायिका । (१४।१)
bhojane maithune yuddhe piṅgalā siddhidāyikā |
मैथुने चैव संग्रामे भोजने सिद्धिदायिका । (१५।१)
maithune caiva saṃgrāme bhojane siddhidāyikā |
शान्तिमुक्त्यर्थसिद्ध्यै च इडा योज्या नराधिपैः । (१६।१)
śāntimuktyarthasiddhyai ca iḍā yojyā narādhipaiḥ |
द्वाभ्यां चैव प्रवाहे च क्रूरसौम्यविवर्जने ॥ (१६।२)
dvābhyāṃ caiva pravāhe ca krūrasaumyavivarjane ||
विषवत्तं तु जानीयात्संस्मरेत्तु विचक्षणः । (१७।१)
viṣavattaṃ tu jānīyātsaṃsmarettu vicakṣaṇaḥ |
युद्धादिभोजने घाते स्त्रीणां चैव तु संगमे ॥ (१८।२)
yuddhādibhojane ghāte strīṇāṃ caiva tu saṃgame ||
प्रशस्ता दक्षिणा नाडी प्रवेशे क्षुद्रकर्मणि । (१९।१)
praśastā dakṣiṇā nāḍī praveśe kṣudrakarmaṇi |
जीवाजीवाय यत्पृच्छेन्न सिध्यति च मध्यमा । (२०।१)
jīvājīvāya yatpṛcchenna sidhyati ca madhyamā |
वामाचारे ऽथवा दक्षे प्रत्यये यत्र नायकः ॥ (२०।२)
vāmācāre 'thavā dakṣe pratyaye yatra nāyakaḥ ||
तनुस्थः पृच्छते यस्तु तत्र सिद्धिर्न संशयः । (२१।१)
tanusthaḥ pṛcchate yastu tatra siddhirna saṃśayaḥ |
तत्र भागे स्थितः पृच्छेत्सिद्धिर्भवति निष्फला । (२२।१)
tatra bhāge sthitaḥ pṛcchetsiddhirbhavati niṣphalā |
वामे वा दक्षिणे वापि यत्र संक्रमते शिवा ॥ (२२।२)
vāme vā dakṣiṇe vāpi yatra saṃkramate śivā ||
घोरे घोराणि कार्याणि सौम्ये वै मध्यमानि च । (२३।१)
ghore ghorāṇi kāryāṇi saumye vai madhyamāni ca |
प्रस्थिते भागतो हंसे द्वाभ्यां वै सर्ववाहिनी ॥ (२३।२)
prasthite bhāgato haṃse dvābhyāṃ vai sarvavāhinī ||
यत्रयत्र स्थितः पृच्छेद्वामदक्षिणसंमुखः ॥ (२४।२)
yatrayatra sthitaḥ pṛcchedvāmadakṣiṇasaṃmukhaḥ ||
अग्रतो वामिका श्रेष्ठा पृष्ठतो दक्षिणा शुभा ॥ (२५।२)
agrato vāmikā śreṣṭhā pṛṣṭhato dakṣiṇā śubhā ||
वामेन वामिका प्रोक्ता दक्षिणे दक्षिणा शुभा । (२६।१)
vāmena vāmikā proktā dakṣiṇe dakṣiṇā śubhā |
वामे वामा शुभे चैव दक्षिणे दक्षिणा शुभा ॥ (२६।२)
vāme vāmā śubhe caiva dakṣiṇe dakṣiṇā śubhā ||
जीवो जीवति जीवेन यच्छून्यं तस्त्वरो भवेत् । (२७।१)
jīvo jīvati jīvena yacchūnyaṃ tastvaro bhavet |
यत् किंचित् कार्यम् उद्दिष्टं जयादिशुभलक्षणम् ॥ (२७।२)
yat kiṃcit kāryam uddiṣṭaṃ jayādiśubhalakṣaṇam ||
तत्सर्वं पूर्णनाड्यां तु जायते निर्विकल्पतः । (२८।१)
tatsarvaṃ pūrṇanāḍyāṃ tu jāyate nirvikalpataḥ |
यावत्षष्ठी तु पृच्छायां पूर्णायां प्रथमो जयेत् । (२९।१)
yāvatṣaṣṭhī tu pṛcchāyāṃ pūrṇāyāṃ prathamo jayet |
रिक्तायां तु द्वितीयस्तु कथयेत्तदशङ्कितः ॥ (२९।२)
riktāyāṃ tu dvitīyastu kathayettadaśaṅkitaḥ ||
प्रवृत्ते दक्षिणे मार्गे विषमे विषमाक्षरम् ॥ (३०।२)
pravṛtte dakṣiṇe mārge viṣame viṣamākṣaram ||
जायते नात्र सन्देहो नाडीमध्ये तु लक्षयेत् ॥ (३२।२)
jāyate nātra sandeho nāḍīmadhye tu lakṣayet ||
यावन्नाड्युदयं चारस्तां दिशं यावदापयेत् ॥ (३३।२)
yāvannāḍyudayaṃ cārastāṃ diśaṃ yāvadāpayet ||
न दातुं जायते सो ऽपि नात्र कार्या विचारणा । (३४।१)
na dātuṃ jāyate so 'pi nātra kāryā vicāraṇā |
अथ संग्राममध्ये तु यत्र नाडी सदा वहेत् ॥ (३४।२)
atha saṃgrāmamadhye tu yatra nāḍī sadā vahet ||
सा दिशा जयमाप्नोति शून्ये भङ्गं विनिर्दिशेत् । (३५।१)
sā diśā jayamāpnoti śūnye bhaṅgaṃ vinirdiśet |
वामे वा दक्षिणे वापि यत्र संचरते शिवम् ॥ (३६।२)
vāme vā dakṣiṇe vāpi yatra saṃcarate śivam ||
शशिसूर्यप्रवाहे तु सति युद्धं समाचरेत् ॥ (३७।२)
śaśisūryapravāhe tu sati yuddhaṃ samācaret ||
यस्तु पृच्छति तत्रस्थः स साधुर् जयति ध्रुवम् । (३८।१)
yastu pṛcchati tatrasthaḥ sa sādhur jayati dhruvam |
यां दिशं वहते वायुस्तां दिशं यावदाजयः ॥ (३८।२)
yāṃ diśaṃ vahate vāyustāṃ diśaṃ yāvadājayaḥ ||
जायते नात्र सन्देहहन्द्रो यद्यग्रतः स्थितः । (३९।१)
jāyate nātra sandehahandro yadyagrataḥ sthitaḥ |
मेष्याद्या दश या नाड्यो दक्षिणा वामसंस्थिताः ॥ (३९।२)
meṣyādyā daśa yā nāḍyo dakṣiṇā vāmasaṃsthitāḥ ||
चरे स्थिरे तद्विमार्गे तादृशे तादृशे क्रमात् । (४०।१)
care sthire tadvimārge tādṛśe tādṛśe kramāt |
निर्गमे निर्गमं याति संग्रहे संग्रहं विदुः ॥ (४०।२)
nirgame nirgamaṃ yāti saṃgrahe saṃgrahaṃ viduḥ ||
पृच्छकस्य वचः श्रुत्वा घण्टाकारेण लक्षयेत् । (४१।१)
pṛcchakasya vacaḥ śrutvā ghaṇṭākāreṇa lakṣayet |
वामे वा दक्षिणे वापि पञ्चतत्त्वस्थितः शिवे ॥ (४१।२)
vāme vā dakṣiṇe vāpi pañcatattvasthitaḥ śive ||
ऊर्ध्वे ऽग्निरध आपश्च तिर्यक्संस्थः प्रभञ्जनः । (४२।१)
ūrdhve 'gniradha āpaśca tiryaksaṃsthaḥ prabhañjanaḥ |
मध्ये तु पृथिवी ज्ञेया नभः सर्वत्र सर्वदा ॥ (४२।२)
madhye tu pṛthivī jñeyā nabhaḥ sarvatra sarvadā ||
ऊर्ध्वे मृत्युरधः शान्तिस्तिर्यक् चोच्चाटयेत्सुधीः । (४३।१)
ūrdhve mṛtyuradhaḥ śāntistiryak coccāṭayetsudhīḥ |
मध्ये स्तम्भं विजानीयान्मोक्षः सर्वत्र सर्वगे ॥ (४३।२)
madhye stambhaṃ vijānīyānmokṣaḥ sarvatra sarvage ||
इति श्रीगारुडे महापुराणे पूर्वखण्डे प्रथमांशाख्ये आचारकाण्डे स्वरोदये शुभाशुभनिरूपणं नाम सप्तषष्टितमो ऽध्यायः ॥ (४४।१)
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe svarodaye śubhāśubhanirūpaṇaṃ nāma saptaṣaṣṭitamo 'dhyāyaḥ ||
Data courtesy of The Digital Corpus of Sanskrit.