हरिरुवाच । (१।१)

शतानीको ह्यश्वमेधदत्तश्चाप्य् अधिसोमकः । (१।२)

कृष्णो ऽनिरुद्धश्चाप्युष्णस्ततश्चित्ररथो नृपः ॥ (१।३)

शुचिद्रथो वृष्णिमांश्च सुषेणश्च सुनीथकः । (२।१)

नृचक्षुश्च मुखाबाणः मेधावी च नृपञ्जयः ॥ (२।२)

पारिप्लवश्च मुनयो मेधावी च नृपञ्जयः । (३।१)

बृहद्रथो हरिस्तिग्मः शतानीकः सुदानकः ॥ (३।२)

उदानो ऽह्निनरश्चैव दण्डपाणिर् निमित्तकः । (४।१)

क्षेमकश्च ततः शूद्रः पिता पूर्वस्ततः सुतः ॥ (४।२)

बृहद्बलास्तु कथयन्ते नृपाश् चैक्ष्वाकुवंशजाः । (५।१)

बृहद्बलादुरुक्षयो वत्सव्यूहस्ततः परः ॥ (५।२)

वत्सव्यूहात्ततः सूर्यः सहदेवस्तदात्मजः । (६।१)

बृहदश्वो भानुरथः प्रतीच्यश्च प्रतीतकः । (६।२)

मनुदेवः सुनक्षत्रः किन्नरश् चान्तरिक्षकः ॥ (६।३)

सुपर्णः कृतजिच्चैव बृहद्भ्राजश्च धार्मिकः । (७।१)

कृतञ्जयो धनञ्जयः संजयः शाक्य एव च ॥ (७।२)

शुद्धोदनो बाहुलश्च सेनजित्क्षुद्रकस्तथा । (८।१)

सुमित्रः कुडवश्चातः सुमित्रान्मागधाञ्छृणु ॥ (८।२)

जरासन्धः सहदेवः सोमापिश्च श्रुतश्रवाः । (९।१)

अयुतायुर्निरमित्रः सुक्षत्रो बहुकर्मकः ॥ (९।२)

श्रुतंजयः सेनजिच्च भूरिश्चैव शुचिस्तथा । (१०।१)

क्षेम्यश्च सुव्रतो धर्मः श्मश्रुलो दृढसेनकः ॥ (१०।२)

सुमतिः सुबलो नीतो सत्यजिद्विश्वजित्तथा । (११।१)

इषुंजयश्च इत्येते नृपा बार्हद्रथाः स्मृताः ॥ (११।२)

अधर्मिष्ठाश्च शूद्राश्च भविष्यन्ति नृपास्ततः । (१२।१)

स्वर्गादिकृद्धि भगवान्साक्षान्नारायणो ऽव्ययः ॥ (१२।२)

नैमित्तिकः प्राकृतिकस्तथैवात्यन्तिको लयः । (१३।१)

याति भूः प्रलयं चाप्सु ह्यापस्तेजसि पावकः ॥ (१३।२)

वायौ वायुश्च वियति त्वाकाशौ यात्यहङ्कृतौ । (१४।१)

अहं बुद्धौ मतिर् जोवे जीवो ऽव्यक्ते तदात्मनि ॥ (१४।२)

आत्मा परेश्वरो विष्णुरेको नारायणो नरः । (१५।१)

अविनाश्यपरं सर्वं जगत्स्वर्गादि नाशि हि ॥ (१५।२)

नृपादयो गता नाशमतः पापं विवर्जयेत् । (१६।१)

धर्मं कुर्यात्स्थिरं येन पापं हित्वा हरिं व्रजेत् ॥ (१६।२)

इति श्रीगारुडे महापुराणे पूर्वखण्डे प्रथमांशाख्ये आचारकाण्डे भविष्यराजवंशदृ नामैकचत्वारिंशदुत्तरशततमो ऽध्यायः ॥ (१७।१)