उ॒त मे॑ प्र॒यियो॑र्व॒यियोः॑ सु॒वास्त्वा॒ अधि॒ तुग्व॑नि ।
ति॒सॄ॒णां स॑प्तती॒नां श्या॒वः प्र॑णे॒ता भु॑व॒द्वसु॒र्दिया॑नां॒ पतिः॑ ॥

उत मे प्रयियोर् वयियोः सुवास्त्वा अधि तुग्वनि |
तिसॄणां सप्ततीनां श्यावः प्रणेता भुवद् वसुर् दियानाम् पतिः ||

utá me prayíyorvayíyoḥ suvā́stvā ádhi túgvani ǀ
tisṝṇā́m saptatīnā́m śyāváḥ praṇetā́ bhuvadvásurdíyānām pátiḥ ǁ

uta me prayiyor vayiyoḥ suvāstvā adhi tugvani |
tisṝṇāṃ saptatīnāṃ śyāvaḥ praṇetā bhuvad vasur diyānām patiḥ ||

उ॒त । मे॒ । प्र॒यियोः॑ । व॒यियोः॑ । सु॒ऽवास्त्वाः॑ । अधि॑ । तुग्व॑नि ।
ति॒सॄ॒णाम् । स॒प्त॒ती॒नाम् । श्या॒वः । प्र॒ऽने॒ता । भु॒व॒त् । वसुः॑ । दिया॑नाम् । पतिः॑ ॥

उत । मे । प्रयियोः । वयियोः । सुऽवास्त्वाः । अधि । तुग्वनि ।
तिसॄणाम् । सप्ततीनाम् । श्यावः । प्रऽनेता । भुवत् । वसुः । दियानाम् । पतिः ॥

utá ǀ me ǀ prayíyoḥ ǀ vayíyoḥ ǀ su-vā́stvāḥ ǀ ádhi ǀ túgvani ǀ
tisṝṇā́m ǀ saptatīnā́m ǀ śyāváḥ ǀ pra-netā́ ǀ bhuvat ǀ vásuḥ ǀ díyānām ǀ pátiḥ ǁ

uta ǀ me ǀ prayiyoḥ ǀ vayiyoḥ ǀ su-vāstvāḥ ǀ adhi ǀ tugvani ǀ
tisṝṇām ǀ saptatīnām ǀ śyāvaḥ ǀ pra-netā ǀ bhuvat ǀ vasuḥ ǀ diyānām ǀ patiḥ ǁ