ऋषय ऊचुः । (१।१)

व्रतमेतत्त्वया प्रोक्तं पशुपाशविमोक्षणम् । (१।२)

व्रतं पाशुपतं लैङ्गं पुरा देवैर् अनुष्ठितम् ॥ (१।३)

वक्तुमर्हसि चास्माकं यथापूर्वं त्वया श्रुतम् । (२।१)

सूत उवाच । (२।२)

पुरा सनत्कुमारेण पृष्टः शैलादिरादरात् ॥ (२।३)

नन्दी प्राह वचस्तस्मै प्रवदामि समासतः । (३।१)

रेसुल्त् ओड़् लिङ्ग wओर्स्हिप्देवैर्दैत्यैस् तथा सिद्धैर्गन्धर्वैः सिद्धचारणैः ॥ (३।२)

मुनिभिश् च महाभागैरनुष्ठितमनुत्तमम् । (४।१)

व्रतं द्वादशलिङ्गाख्यं पशुपाशविमोक्षणम् ॥ (४।२)

भोगदं योगदं चैव कामदं मुक्तिदं शुभम् । (५।१)

अवियोगकरं पुण्यं भक्तानां भयनाशनम् ॥ (५।२)

षडङ्गसहितान् वेदान्मथित्वा तेन निर्मितम् । (६।१)

सर्वदानोत्तमं पुण्यमश्वमेधायुताधिकम् ॥ (६।२)

सर्वमङ्गलदं पुण्यं सर्वशत्रुविनाशनम् । (७।१)

संसारार्णवमग्नानां जन्तूनामपि मोक्षदम् ॥ (७।२)

सर्वव्याधिहरं चैव सर्वज्वरविनाशनम् । (८।१)

देवैरनुष्ठितं पूर्वं ब्रह्मणा विष्णुना तथा ॥ (८।२)

च्रेअतिओन् ओड़् अ लिङ्गकृत्वा कनीयसं लिङ्गं स्नाप्य चन्दनवारिणा । (९।१)

चैत्रमासादि विप्रेन्द्राः शिवलिङ्गव्रतं चरेत् ॥ (९।२)

कृत्वा हैमं शुभं पद्मं कर्णिकाकेसरान्वितम् । (१०।१)

नवरत्नैश् च खचितम् अष्टपत्रं यथाविधि ॥ (१०।२)

कर्णिकायां न्यसेल्लिङ्गं स्फाटिकं पीठसंयुतम् । (११।१)

तत्र भक्त्या यथान्यायम् अर्चयेद् बिल्वपत्रकैः ॥ (११।२)

सितैः सहस्रकमलै रक्तैर्नीलोत्पलैरपि । (१२।१)

श्वेतार्ककर्णिकारैश् च करवीरैर्बकैरपि ॥ (१२।२)

एतैरन्यैर् यथालाभं गायत्र्या तस्य सुव्रताः । (१३।१)

सम्पूज्य चैव गन्धाद्यैर्धूपैर्दीपैश् च मङ्गलैः ॥ (१३।२)

नीराजनाद्यैश्चान्यैश् च लिङ्गमूर्तिमहेश्वरम् । (१४।१)

अगरुं दक्षिणे दद्यादघोरेण द्विजोत्तमाः ॥ (१४।२)

पश्चिमे सद्यमन्त्रेण दिव्यां चैव मनःशिलाम् । (१५।१)

उत्तरे वामदेवेन चन्दनं वापि दापयेत् ॥ (१५।२)

पुरुषेण मुनिश्रेष्ठा हरितालं च पूर्वतः । (१६।१)

सितागरूद्भवं विप्रास् तथा कृष्णागरूद्भवम् ॥ (१६।२)

तथा गुग्गुलुधूपं च सौगन्धिकमनुत्तमम् । (१७।१)

सितारं नाम धूपं च दद्याद् ईशाय भक्तितः ॥ (१७।२)

महाचरुर्निवेद्यः स्यादाढकान्नमथापि वा । (१८।१)

एतद् वः कथितं पुण्यं शिवलिङ्गमहाव्रतम् ॥ (१८।२)

तिमे ड़ोर् थिस् व्रतसर्वमासेषु सामान्यं विशेषोऽपि च कीर्त्यते । (१९।१)

वैशाखे वज्रलिङ्गं च ज्येष्ठे मारकतं तथा ॥ (१९।२)

आषाढे मौक्तिकं लिङ्गं श्रावणे नीलनिर्मितम् । (२०।१)

मासि भाद्रपदे लिङ्गं पद्मरागमयं शुभम् ॥ (२०।२)

आश्विने चैव विप्रेन्द्राः गोमेदकमयं शुभम् । (२१।१)

प्रवालेनैव कार्तिक्यां तथा वै मार्गशीर्षके ॥ (२१।२)

मतेरिअल् ड़ोर् अ लिङ्गवैडूर्यनिर्मितं लिङ्गं पुष्परागेण पुष्यके । (२२।१)

माघे च सूर्यकान्तेन फाल्गुने स्फाटिकेन च ॥ (२२।२)

सर्वमासेषु कमलं हैममेकं विधीयते । (२३।१)

अलाभे राजतं वापि केवलं कमलं तु वा ॥ (२३।२)

रत्नानाम् अप्यलाभे तु हेम्ना वा राजतेन वा । (२४।१)

रजतस्याप्यलाभे तु ताम्रलोहेन कारयेत् ॥ (२४।२)

शैलं वा दारुजं वापि मृन्मयं वा सवेदिकम् । (२५।१)

सर्वगन्धमयं वापि क्षणिकं परिकल्पयेत् ॥ (२५।२)

हैमन्तिके महादेवं श्रीपत्त्रेणैव पूजयेत् । (२६।१)

सर्वमासेषु कमलं हैममेकमथापि वा ॥ (२६।२)

राजतं वापि कमलं हैमकर्णिकमुत्तमम् । (२७।१)

राजतस्याप्यभावे तु बिल्वपत्रैः समर्चयेत् ॥ (२७।२)

सहस्रकमलालाभे तदर्धेनापि पूजयेत् । (२८।१)

तदर्धार्धेन वा रुद्रमष्टोत्तरशतेन वा ॥ (२८।२)

ड़्लोwएर् => देइत्य्बिल्वपत्रे स्थिता लक्ष्मीर्देवी लक्षणसंयुता । (२९।१)

नीलोत्पलेऽंबिका साक्षादुत्पले षण्मुखः स्वयम् ॥ (२९।२)

पद्माश्रितो महादेवः सर्वदेवपतिः शिवः । (३०।१)

तस्मात्सर्वप्रयत्नेन श्रीपत्त्रं न त्यजेद्बुधः ॥ (३०।२)

नीलोत्पलं चोत्पलं च कमलं च विशेषतः । (३१।१)

सर्ववश्यकरं पद्मं शिला सर्वार्थसिद्धिदा ॥ (३१।२)

कृष्णागरुसमुद्भूतं सर्वपापनिकृन्तनम् । (३२।१)

गुग्गुलुप्रभृतीनां चैव दीपानां च निवेदनम् ॥ (३२।२)

सर्वरोगक्षयं चैव चन्दनं सर्वसिद्धिदम् । (३३।१)

सौगन्धिकं तथा धूपं सर्वकामार्थसाधकम् ॥ (३३।२)

श्वेतागरूद्भवं चैव तथा कृष्णागरूद्भवम् । (३४।१)

सौम्यं सीतारिधूपं च साक्षान्निर्वाणसिद्धिदम् ॥ (३४।२)

श्वेतार्ककुसुमे साक्षाच्चतुर्वक्त्रः प्रजापतिः । (३५।१)

कर्णिकारस्य कुसुमे मेधा साक्षाद्व्यवस्थिता ॥ (३५।२)

करवीरे गणाध्यक्षो बके नारायणः स्वयम् । (३६।१)

सुगन्धिषु च सर्वेषु कुसुमेषु नगात्मजा ॥ (३६।२)

तस्मादेतैर्यथालाभं पुष्पधूपादिभिः शुभैः । (३७।१)

पूजयेद्देवदेवेशं भक्त्या वित्तानुसारतः ॥ (३७।२)

निवेदयेत्ततो भक्त्या पायसं च महाचरुम् । (३८।१)

सघृतं सोपदंशं च सर्वद्रव्यसमन्वितम् ॥ (३८।२)

शुद्धान्नं वापि मुद्गान्नमाढकं चार्धकं तु वा । (३९।१)

चामरं तालवृन्तं च तस्मै भक्त्या निवेदयेत् ॥ (३९।२)

उपहाराणि पुण्यानि न्यायेनैवार्जितान्यपि । (४०।१)

नानाविधानि चार्हाणि प्रोक्षितान्यंभसा पुनः ॥ (४०।२)

निवेदयेच्च रुद्राय भक्तियुक्तेन चेतसा । (४१।१)

क्षीराद्वै सर्वदेवानां स्थित्यर्थममृतं ध्रुवम् ॥ (४१।२)

विष्णुना जिष्णुना साक्षादन्ने सर्वं प्रतिष्ठितम् । (४२।१)

भूतानाम् अन्नदानेन प्रीतिर् भवति शङ्करे ॥ (४२।२)

तस्मात् सम्पूजयेद् देवम् अन्ने प्राणाः प्रतिष्ठिताः । (४३।१)

उपहारे तथा तुष्टिर्व्यञ्जने पवनः स्वयम् ॥ (४३।२)

सर्वात्मको महादेवो गन्धतोये ह्यपाम्पतिः । (४४।१)

पीठे वै प्रकृतिः साक्षान्महदाद्यैर्व्यवस्थिता ॥ (४४।२)

तस्माद्देवं यजेद्भक्त्या प्रतिमासं यथाविधि । (४५।१)

पौर्णमास्यां व्रतं कार्यं सर्वकामार्थसिद्धये ॥ (४५।२)

सत्यं शौचं दया शान्तिः संतोषो दानमेव च । (४६।१)

पौर्णमास्याममावास्यामुपवासं च कारयेत् ॥ (४६।२)

संवत्सरान्ते गोदानं वृषोत्सर्गं विशेषतः । (४७।१)

भोजयेद्ब्राह्मणान्भक्त्या श्रोत्रियान् वेदपारगान् ॥ (४७।२)

तल् लिङ्गं पूजितं तेन सर्वद्रव्यसमन्वितम् । (४८।१)

स्थापयेद् वा शिवक्षेत्रे दापयेद् ब्राह्मणाय वा ॥ (४८।२)

य एवं सर्वमासेषु शिवलिङ्गमहाव्रतम् । (४९।१)

कुर्याद्भक्त्या मुनिश्रेष्ठाः स एव तपतां वरः ॥ (४९।२)

सूर्यकोटिप्रतीकाशैर्विमानै रत्नभूषितैः । (५०।१)

गत्वा शिवपुरं दिव्यं नेहायाति कदाचन ॥ (५०।२)

अथवा ह्येकमासं वा चरेदेवं व्रतोत्तमम् । (५१।१)

शिवलोकमवाप्नोति नात्र कार्या विचारणा ॥ (५१।२)

अथवा सक्तचित्तश्चेद्यान्यान् संचिन्तयेद्वरान् । (५२।१)

वर्षमेकं चरेदेवं तांस्तान्प्राप्य शिवं व्रजेत् ॥ (५२।२)

देवत्वं वा पितृत्वं वा देवराजत्वमेव च । (५३।१)

गाणपत्यपदं वापि सक्तोऽपि लभते नरः ॥ (५३।२)

विद्यार्थी लभते विद्यां भोगार्थी भोगमाप्नुयात् । (५४।१)

द्रव्यार्थी च निधिं पश्येद् आयुःकामश् चिरायुषम् ॥ (५४।२)

यान्यांश्चिन्तयते कामांस्तांस्तान्प्राप्येह मोदते । (५५।१)

एकमासव्रतादेव सो ऽन्ते रुद्रत्वमाप्नुयात् ॥ (५५।२)

इदं पवित्रं परमं रहस्यं व्रतोत्तमं विश्वसृजापि सृष्टम् । (५६।१)

हिताय देवासुरसिद्धमर्त्यविद्याधराणां परमं शिवेन ॥ (५६।२)

सम्पूज्य पूज्यं विधिनैवमीशं प्रणम्य मूर्ध्ना सह भृत्यपुत्रैः । (५७।१)

व्यपोहनं नाम जपेत्स्तवं च प्रदक्षिणं कृत्य शिवं प्रयत्नात् ॥ (५७।२)

पुराकृतं विश्वसृजा स्तवं च हिताय देवेन जगत्त्रयस्य । (५८।१)

पितामहेनैव सुरैश्च सार्धं महानुभावेन महार्घ्यम् एतत् ॥ (५८।२)

इति श्रीलिङ्गमहापुराणे पूर्वभागे पशुपाशविमोचनलिङ्गपूजादिकथनं नामैकाशीतितमो ऽध्यायः ॥ (५९।१)