सनत्कुमार उवाच । (१।१)

गणेशेशं प्रवक्ष्यामि दानं पूर्वोक्तमण्डपे । (१।२)

सम्पूज्य देवदेवेशं लोकपालसमावृतम् ॥ (१।३)

विश्वेश्वरान्यथाशास्त्रं सर्वाभरणसंयुतान् । (२।१)

दशनिष्केण वै कृत्वा सम्पूज्य च विधानतः ॥ (२।२)

अष्टदिक्ष्वष्टकुण्डेषु पूर्ववद्धोममाचरेत् । (३।१)

पञ्चावरणमार्गेण पारंपर्यक्रमेण च ॥ (३।२)

सप्तविप्रान्समभ्यर्च्य कन्यामेकां तथोत्तरे । (४।१)

दापयेत्सर्वमन्त्राणि स्वैःस्वैर्मन्त्रैरनुक्रमात् ॥ (४।२)

दत्त्वैवं सर्वपापेभ्यो मुच्यते नात्र संशयः ॥ (५।१)

इति श्रीलिङ्गमहापुराणे उत्तरभागे गणेशेशदानविधिनिरूपणं नाम चतुस्त्रिंशो ऽध्यायः ॥ (६।१)