सनत्कुमार उवाच । (१।१)

अथान्यत् सम्प्रवक्ष्यामि सर्वदानोत्तमोत्तमम् । (१।२)

पूर्वोक्तदेशकाले च मण्डपे च विधानतः ॥ (१।३)

प्रणयात्कुण्डमध्ये च स्थण्डिले शिवसन्निधौ । (२।१)

पूर्वं विष्णुं समासाद्य पद्मयोनिमतः परम् ॥ (२।२)

मन्त्राभ्यां विधिनोक्ताभ्यां प्रणवादिसमन्त्रकम् । (३।१)

नारायणाय विद्महे वासुदेवाय धीमहि । (३।२)

तन्नो विष्णुः प्रचोदयात् ॥ (३।३)

ब्रह्मब्राह्मणवृद्धाय ब्रह्मणे विश्ववेधसे । (४।१)

शिवाय हरये स्वाहा स्वधा वौषड् वषट् तथा ॥ (४।२)

पूजयित्वा विधानेन पश्चाद्धोमं समाचरेत् । (५।१)

सर्वद्रव्यं हि होतव्यं द्वाभ्यां कुण्डविधानतः ॥ (५।२)

ऋत्विजौ द्वौ प्रकर्तव्यौ गुरुणा वेदपारगौ । (६।१)

तानुद्दिश्य यथान्यायं विप्रेभ्यो दापयेद्धनम् ॥ (६।२)

शतमष्टोत्तरं तेभ्यः पृथक्पृथगनुत्तमम् । (७।१)

वस्त्राभरणसंयुक्तं सर्वालङ्कारसंयुतम् ॥ (७।२)

गुरुरेको हि वै श्रीमान् ब्रह्मा विष्णुर्महेश्वरः । (८।१)

तेषां पृथक्पृथग्देयं भोजयेद्ब्राह्मणानपि ॥ (८।२)

शिवार्चना च कर्तव्या स्नपनादि यथाक्रमम् ॥ (९।१)

इति श्रीलिङ्गमहापुराणे उत्तरभागे चतुश्चत्वारिंशो ऽध्यायः ॥ (१०।१)