अथातो ऽध्ययनसंप्रदानीयम् अध्यायं व्याख्यास्यामः ॥ (१।१)

यथोवाच भगवान् धन्वन्तरिः ॥ (२।१)

प्रागभिहितं सविंशम् अध्यायशतं पञ्चसु स्थानेषु । (३।१)

तत्र सूत्रस्थानम् अध्यायाः षट्चत्वारिंशत् षोडश निदानानि दश शारीराणि चत्वारिंशच् चिकित्सितानि अष्टौ कल्पाः तद् उत्तरं षट्सष्टिः ॥ (३।२)

वेदोत्पत्तिः शिष्यनयस् तथाध्ययनदानिकः । (४।१)

प्रभाषणाग्रहरणाव् ऋतुचर्याथ यान्त्रिकः ॥ (४।२)

शस्त्रावचारणं योग्या विशिखा क्षारकल्पनम् । (५।१)

अग्निकर्मजलौकाख्याव् अध्यायौ रक्तवर्णनम् ॥ (५।२)

दोषधातुमलाद्यानां विज्ञानाध्याय एव च । (६।१)

कर्णव्यधामपक्वैषाव् आलेपो व्रण्युपासनम् ॥ (६।२)

हिताहितो व्रणप्रश्नो व्रणास्रावश् च यः पृथक् । (७।१)

कृत्याकृत्यविधिर्व्याधिसमुद्देशीय एव च ॥ (७।२)

विनिश्चयः शस्त्रविधौ प्रनष्टज्ञानिकस् तथा । (८।१)

शल्योद्धृतिर्व्रणज्ञानं दूतस्वप्ननिदर्शनम् ॥ (८।२)

पञ्चेन्द्रियं तथा छाया स्वभावाद्वैकृतं तथा । (९।१)

वारणो युक्तसेनीय आतुरक्रमभूमिकौ ॥ (९।२)

मिश्रकाख्यो द्रव्यगणः संशुद्धौ शमने च यः । (१०।१)

द्रव्यादीनां च विज्ञानं विशेषो द्रव्यगो ऽपरः ॥ (१०।२)

वाजीकरं च यत् क्षीणे सर्वाबाधशमो ऽपि च । (२२।१)

मेधायुष्करणं चापि स्वभावव्याधिवारणम् ॥ (२२।२)

निवृत्तसंतापकरं कीर्तितं च रसायनम् । (२३।१)

स्नेहोपयौगिकः स्वेदो वमने च विरेचने ॥ (२३।२)