सुश्रुतसंहिताSuśrutasaṃhitā
Su, 6, 35
155 of 186 · 16 verses
Select a line for its word-by-word analysis.
1.0१.०अथातो मुखमण्डिकाप्रतिषेधं व्याख्यास्यामः ॥ (१।०)
athāto mukhamaṇḍikāpratiṣedhaṃ vyākhyāsyāmaḥ ||
2.0२.०यथोवाच भगवान् धन्वन्तरिः ॥ (२।०)
yathovāca bhagavān dhanvantariḥ ||
3.1३.१कपित्थबिल्वतर्कारीवांशीगन्धर्वहस्तकाः । (३।१)
kapitthabilvatarkārīvāṃśīgandharvahastakāḥ |
3.2३.२कुबेराक्षी च योज्याः स्युर्बालानां परिषेचने ॥ (३।२)
kuberākṣī ca yojyāḥ syurbālānāṃ pariṣecane ||
4.1४.१स्वरसैर् भृङ्गवृक्षाणां तथाजहरिगन्धयोः । (४।१)
svarasair bhṛṅgavṛkṣāṇāṃ tathājaharigandhayoḥ |
4.2४.२तैलं वसां च संयोज्य पचेदभ्यञ्जने शिशोः ॥ (४।२)
tailaṃ vasāṃ ca saṃyojya pacedabhyañjane śiśoḥ ||
5.1५.१मधूलिकायां पयसि तुगाक्षीर्यां गणे तथा । (५।१)
madhūlikāyāṃ payasi tugākṣīryāṃ gaṇe tathā |
5.2५.२मधुरे पञ्चमूले च कनीयसि घृतं पचेत् ॥ (५।२)
madhure pañcamūle ca kanīyasi ghṛtaṃ pacet ||
6.1६.१वचा सर्जरसः कुष्ठं सर्पिश्चोद्धूपनं हितम् । (६।१)
vacā sarjarasaḥ kuṣṭhaṃ sarpiścoddhūpanaṃ hitam |
6.2६.२धारयेद् अपि जिह्वाश्च चाषचीरल्लिसर्पजाः ॥ (६।२)
dhārayed api jihvāśca cāṣacīrallisarpajāḥ ||
7.1७.१वर्णकं चूर्णकं माल्यमञ्जनं पारदं तथा । (७।१)
varṇakaṃ cūrṇakaṃ mālyamañjanaṃ pāradaṃ tathā |
7.2७.२मनःशिलां चोपहरेद्गोष्ठमध्ये बलिं तथा ॥ (७।२)
manaḥśilāṃ copaharedgoṣṭhamadhye baliṃ tathā ||
8.1८.१पायसं सपुरोडाशं बल्यर्थम् उपसंहरेत् । (८।१)
pāyasaṃ sapuroḍāśaṃ balyartham upasaṃharet |
8.2८.२मन्त्रपूताभिर् अद्भिश्च तत्रैव स्नपनं हितम् ॥ (८।२)
mantrapūtābhir adbhiśca tatraiva snapanaṃ hitam ||
9.1९.१अलंकृता रूपवती सुभगा कामरूपिणी । (९।१)
alaṃkṛtā rūpavatī subhagā kāmarūpiṇī |
9.2९.२गोष्ठमध्यालयरता पातु त्वां मुखमण्डिका ॥ (९।२)
goṣṭhamadhyālayaratā pātu tvāṃ mukhamaṇḍikā ||
Data courtesy of The Digital Corpus of Sanskrit.
