अथातः स्वभावव्याधिप्रतिषेधनीयं रसायनं व्याख्यास्यामः ॥ (१।१)

यथोवाच भगवान् धन्वन्तरिः ॥ (२।१)

म्य्थिस्छे एन्स्तेहुन्ग् देस् सोमब्रह्मादयो ऽसृजन् पूर्वममृतं सोमसंज्ञितम् । (३।१)

जरामृत्युविनाशाय विधानं तस्य वक्ष्यते ॥ (३।२)

सोम-वरिअन्तेनेक एव खलु भगवान् सोमः स्थाननामाकृतिवीर्यविशेषैश् चतुर्विंशतिधा भिद्यते ॥ (४।१)

अंशुमान् मुञ्जवांश् चैव चन्द्रमा रजतप्रभः । (५।१)

दूर्वासोमः कनीयांश् च श्वेताक्षः कनकप्रभः ॥ (५।२)

प्रतानवांस् तालवृन्तः करवीरो ऽंशवान् अपि । (६।१)

स्वयंप्रभो महासोमो यश् चापि गरुडाहृतः ॥ (६।२)

गायत्रस् त्रैष्टुभः पाङ्क्तो जागतः शाक्वरस्तथा । (७।१)

अग्निष्टोमो रैवतश् च यथोक्त इति संज्ञितः ॥ (७।२)

गायत्र्या त्रिपदा युक्तो यश्चोडुपतिरुच्यते । (८।१)

एते सोमाः समाख्याता वेदोक्तैर् नामभिः शुभैः ॥ (८।२)

सर्वेषाम् एव चैतेषामेको विधिरुपासने । (९।१)

सर्वे तुल्यगुणाश् चैव विधानं तेषु वक्ष्यते ॥ (९।२)

गर्भकुटी (?)अतो ऽन्यतमं सोमम् उपयुयुक्षुः सर्वोपकरणपरिचारकोपेतः प्रशस्ते देशे त्रिवृतमागारं कारयित्वा हृतदोषः प्रतिसंसृष्टभक्तः प्रशस्तेषु तिथिकरणमुहूर्तनक्षत्रेषु अंशुमन्तम् आदायाध्वरकल्पेनाहृतम् अभिषुतम् अभिहुतं चान्तरागारे कृतमङ्गलस्वस्तिवाचनः सोमकन्दं सुवर्णसूच्या विदार्य पयो गृह्णीयात् सौवर्णे पात्रे ऽञ्जलिमात्रं ततः सकृदेवोपयुञ्जीत नास्वादयन् तत उपस्पृश्य शेषमप्स्ववसाद्य यमनियमाभ्यामात्मानं संयोज्य वाग्यतो ऽभ्यन्तरतः सुहृद्भिर् उपास्यमानो विहरेत् ॥ (१०।१)

रसायनं पीतवांस् तु निवाते तन्मनाः शुचिः । (११।१)

आसीत तिष्ठेत् क्रामेच् च न कथंचन संविशेत् ॥ (११।२)

सायं वा भुक्तवानुपश्रुतशान्तिः कुशशय्यायां कृष्णाजिनोत्तरायां सुहृद्भिर् उपास्यमानः शयीत तृषितो वा शीतोदकमात्रां पिबेत् ततः प्रातरुत्थायोपश्रुतशान्तिः कृतमङ्गलो गां स्पृष्ट्वा तथैवासीत । (१२।१)

तस्य जीर्णे सोमे छर्दिरुत्पद्यते ततः शोणिताक्तं कृमिव्यामिश्रं छर्दितवते सायं शृतशीतं क्षीरं वितरेत् ततस्तृतीये ऽहनि कृमिव्यामिश्रमतिसार्यते स तेनानिष्टप्रतिग्रहभुक्तप्रभृतिभिर् विशेषैर् विनिर्मुक्तः शुद्धतनुर् भवति ततः सायं स्नाताय पूर्ववदेव क्षीरं वितरेत् । (१२।२)

क्षौमवस्त्रास्तृतायां चैनं शय्यायां शाययेत् ततश्चतुर्थे ऽहनि तस्य श्वयथुरुत्पद्यते । (१२।३)

ततः सर्वाङ्गेभ्यः कृमयो निष्क्रामन्ति तदहश् च शय्यायां पांशुभिर् अवकीर्यमाणः शयीत । (१२।४)

ततः सायं पूर्ववदेव क्षीरं वितरेत् । (१२।५)

एवं पञ्चमषष्ठयोर् दिवसयोर् वर्तेत केवलम् उभयकालम् अस्मै क्षीरं वितरेत् ततः सप्तमे ऽहनि निर्मांसस् त्वगस्थिभूतः केवलं सोमपरिग्रहाद् एवोच्छ्वसिति । (१२।६)

तदहश् च क्षीरेण सुखोष्णेन परिषिच्य तिलमधुकचन्दनानुलिप्तदेहं पयः पाययेत् । (१२।७)

ततो ऽष्टमे ऽहनि प्रातरेव क्षीरपरिषिक्तं चन्दनप्रदिग्धगात्रं पयः पाययित्वा पांशुशय्यां समुत्सृज्य क्षौमवस्त्रास्तृतायां शय्यायां शाययेत् ततो ऽस्य मांसम् आप्यायते त्वक् चावदलति । (१२।८)

दन्तनखरोमाणि चास्य पतन्ति । (१२।९)

तस्य नवमदिवसात् प्रभृत्यणुतैलाभ्यङ्गः सोमवल्ककषायपरिषेकः । (१२।१०)

ततो दशमे ऽहन्येतदेव वितरेत् ततो ऽस्य त्वक् स्थिरताम् उपैति । (१२।११)

एवमेकादशद्वादशयोर् वर्तेत । (१२।१२)

ततस्त्रयोदशात् प्रभृति सोमवल्ककषायपरिषेकः । (१२।१३)

एवम् आ षोडशाद् वर्तेत । (१२।१४)

ततः सप्तदशाष्टादशयोर् दिवसयोर् दशना जायन्ते शिखरिणः स्निग्धवज्रवैदूर्यस्फटिकप्रकाशाः समाः स्थिराः सहिष्णवः । (१२।१५)

तदा प्रभृति चानवैः शालितण्डुलैः क्षीरयवागूम् उपसेवेत यावत् पञ्चविंशतिरिति । (१२।१६)

ततो ऽस्मै दद्याच्छाल्योदनं मृदूभयकालं पयसा ततो ऽस्य नखा जायन्ते विद्रुमेन्द्रगोपकतरुणादित्यप्रकाशाः स्थिराः स्निग्धा लक्षणसम्पन्नाः केशाश् च सूक्ष्मा जायन्ते त्वक् च नीलोत्पलातसीपुष्पवैदूर्यप्रकाशा । (१२।१७)

ऊर्ध्वं च मासात् केशान् वापयेत् वापयित्वा चोशीरचन्दनकृष्णतिलकल्कैः शिरः प्रदिह्यात् पयसा वा स्नापयेत् । (१२।१८)

ततो ऽस्यानन्तरं सप्तरात्रात् केशा जायन्ते भ्रमराञ्जननिभाः कुञ्चिताः स्थिराः स्निग्धाः ततस्त्रिरात्रात् प्रथमावसथपरिसरान् निष्क्रम्य मुहूर्तं स्थित्वा पुनरेवान्तः प्रविशेत् । (१२।१९)

ततो ऽस्य बलातैलमभ्यङ्गार्थे ऽवचार्यम् । (१२।२०)

यवपिष्टम् उद्वर्तनार्थे । (१२।२१)

सुखोष्णं च पयः परिषेकार्थे । (१२।२२)

अजकर्णकषायमुत्सादनार्थे । (१२।२३)

सोशीरं कूपोदकं स्नानार्थे चन्दनमनुलेपार्थे । (१२।२४)

आमलकरसविमिश्राश्चास्य यूषसूपविकल्पाः । (१२।२५)

क्षीरमधुकसिद्धं च कृष्णतिलमवचारणार्थे । (१२।२६)

एवं दशरात्रं ततो ऽन्यद्दशरात्रं द्वितीये परिसरे वर्तेत । (१२।२७)

ततस्तृतीये परिसरे स्थिरीकुर्वन्न् आत्मानम् अन्यद्दशरात्रम् आसीत । (१२।२८)

किंचिद् आतपपवनान् वा सेवेत पुनश्चान्तः प्रविशेत् । (१२।२९)

न चात्मानमादर्शे ऽप्सु वा निरीक्षेत रूपशालित्वात् ततो ऽन्यद्दशरात्रं क्रोधादीन् परिहरेत् एवं सर्वेषाम् उपयोगविकल्पः । (१२।३०)

विशेषतस्तु वल्लीप्रतानक्षुपकादयः सोमा ब्राह्मणक्षत्रियवैश्यैर् भक्षयितव्याः । (१२।३१)

तेषां तु प्रमाणमर्धचतुष्कमुष्टयः ॥ (१२।३२)

अंशुमन्तं सौवर्णे पात्रे ऽभिषुणुयात् । (१३।१)

चन्द्रमसं राजते ताव् उपयुज्याष्टगुणम् ऐश्वर्यम् अवाप्येशानं देवम् अनुप्रविशति । (१३।२)

शेषांस्तु ताम्रमये मृन्मये वा रोहिते वा चर्मणि वितते शूद्रवर्जं त्रिभिर् वर्णैः सोमा उपयोक्तव्याः । (१३।३)

ततश्चतुर्थे मासे पौर्णमास्यां शुचौ देशे ब्राह्मणानर्चयित्वा कृतमङ्गलो निष्क्रम्य यथोक्तं व्रजेदिति ॥ (१३।४)

पोसितिवे रेसुल्तते वोन् सोमओषधीनां पतिं सोमम् उपयुज्य विचक्षणः । (१४।१)

दशवर्षसहस्राणि नवां धारयते तनुम् ॥ (१४।२)

नाग्निर्न तोयं न विषं न शस्त्रं नास्त्रम् एव च । (१५।१)

तस्यालम् आयुःक्षपणे समर्थानि भवन्ति ॥ (१५।२)

भद्राणां षष्टिवर्षाणां प्रस्रुतानामनेकधा । (१६।१)

कुञ्जराणां सहस्रस्य बलं समधिगच्छति ॥ (१६।२)

क्षीरोदं शक्रसदनमुत्तरांश् च कुरून् अपि । (१७।१)

यत्रेच्छति स गन्तुं वा तत्राप्रतिहता गतिः ॥ (१७।२)

कन्दर्प इव रूपेण कान्त्या चन्द्र इवापरः । (१८।१)

प्रह्लादयति भूतानां मनांसि स महाद्युतिः ॥ (१८।२)

साङ्गोपाङ्गांश् च निखिलान् वेदान् विन्दति तत्त्वतः । (१९।१)

चरत्यमोघसंकल्पो देववच्चाखिलं जगत् ॥ (१९।२)

औस्सेहेन्।हबितत् वोन् सोमसर्वेषाम् एव सोमानां पत्त्राणि दश पञ्च च । (२०।१)

तानि शुक्ले च कृष्णे च जायन्ते निपतन्ति च ॥ (२०।२)

एकैकं जायते पत्त्रं सोमस्याहरहस् तदा । (२१।१)

शुक्लस्य पौर्णमास्यां तु भवेत् पञ्चदशच्छदः ॥ (२१।२)

शीर्यते पत्त्रम् एकैकं दिवसे दिवसे पुनः । (२२।१)

कृष्णपक्षक्षये चापि लता भवति केवला ॥ (२२।२)

अंशुमान् आज्यगन्धस् तु कन्दवान् रजतप्रभः । (२३।१)

कदल्याकारकन्दस्तु मुञ्जवांल्लशुनच्छदः ॥ (२३।२)

चन्द्रमाः कनकाभासो जले चरति सर्वदा । (२४।१)

गरुडाहृतनामा च श्वेताक्षश् चापि पाण्डुरः ॥ (२४।२)

सर्पनिर्मोकसदृशौ तौ वृक्षाग्रावलम्बिनौ । (२५।१)

तथान्ये मण्डलैश्चित्रैश्चित्रिता इव भान्ति ते ॥ (२५।२)

सर्व एव तु विज्ञेयाः सोमाः पञ्चदशच्छदाः । (२६।१)

क्षीरकन्दलतावन्तः पत्त्रैर् नानाविधैः स्मृताः ॥ (२६।२)

हिमवत्यर्बुदे सह्ये महेन्द्रे मलये तथा । (२७।१)

श्रीपर्वते देवगिरौ गिरौ देवसहे तथा ॥ (२७।२)

पारियात्रे च विन्ध्ये च देवसुन्दे ह्रदे तथा । (२८।१)

उत्तरेण वितस्तायाः प्रवृद्धा ये महीधराः ॥ (२८।२)

हठवत् प्लवते तत्र चन्द्रमाः सोमसत्तमः । (२९।१)

तस्योद्देशेषु चाप्यस्ति मुञ्जवानंशुमान् अपि ॥ (२९।२)

तस्योद्देशेषु चाप्यस्ति मुञ्जवानंशुमान् अपि । (३०।१)

काश्मीरेषु सरो दिव्यं नाम्ना क्षुद्रकमानसम् ॥ (३०।२)

गायत्रस् त्रैष्टुभः पाङ्क्तो जागतः शाक्वरस्तथा । (३१।१)

अत्र सन्त्यपरे चापि सोमाः सोमसमप्रभाः ॥ (३१।२)

यैश् चात्र मन्दभाग्यैस्ते भिषजश् चापमानिताः । (३२।१)

न तान् पश्यन्त्यधर्मिष्ठाः कृतघ्नाश् चापि मानवाः । (३२।२)

भेषजद्वेषिणश् चापि ब्राह्मणद्वेषिणस्तथा ॥ (३२।३)