ओपेरतिओन् मित् बस्तिअथ रोगान्वितम् उपस्निग्धम् अपकृष्टदोषम् ईषत्कर्शितम् अभ्यक्तस्विन्नशरीरं भुक्तवन्तं कृतबलिमङ्गलस्वस्तिवाचनमग्रोपहरणीयोक्तेन विधानेनोपकल्पितसम्भारमाश्वास्य ततो बलवन्तम् अविक्लवम् आ जानुसमे फलके प्रागुपविष्टान्यपुरुषस्योत्सङ्गे निषण्णपूर्वकायम् उत्तानम् उन्नतकटीकं वस्त्राधारकोपविष्टं संकुचितजानुकूर्परम् इतरेण सहावबद्धं सूत्रेण शाटकैर्वा ततः स्वभ्यक्तनाभिप्रदेशस्य वामपार्श्वं विमृद्य मुष्टिनावपीडयेदधोनाभेर्यावदश्मर्यधः प्रपन्नेति ततः स्नेहाभ्यक्ते कॢप्तनखे वामहस्तप्रदेशिनीमध्यमे अङ्गुल्यौ पायौ प्रणिधायानुसेवनीमासाद्य प्रयत्नबलाभ्यां पायुमेढ्रान्तरम् आनीय निर्व्यलीकमनायतम् अविषमं च बस्तिं संनिवेश्य भृशम् उत्पीडयेदङ्गुलिभ्यां यथा ग्रन्थिर् इवोन्नतं शल्यं भवति ॥ (३०।१)

Operation mit bastiatha rogānvitam upasnigdham apakṛṣṭadoṣam īṣatkarśitam abhyaktasvinnaśarīraṃ bhuktavantaṃ kṛtabalimaṅgalasvastivācanamagropaharaṇīyoktena vidhānenopakalpitasambhāramāśvāsya tato balavantam aviklavam ā jānusame phalake prāgupaviṣṭānyapuruṣasyotsaṅge niṣaṇṇapūrvakāyam uttānam unnatakaṭīkaṃ vastrādhārakopaviṣṭaṃ saṃkucitajānukūrparam itareṇa sahāvabaddhaṃ sūtreṇa śāṭakairvā tataḥ svabhyaktanābhipradeśasya vāmapārśvaṃ vimṛdya muṣṭināvapīḍayedadhonābheryāvadaśmaryadhaḥ prapanneti tataḥ snehābhyakte kḷptanakhe vāmahastapradeśinīmadhyame aṅgulyau pāyau praṇidhāyānusevanīmāsādya prayatnabalābhyāṃ pāyumeḍhrāntaram ānīya nirvyalīkamanāyatam aviṣamaṃ ca bastiṃ saṃniveśya bhṛśam utpīḍayedaṅgulibhyāṃ yathā granthir ivonnataṃ śalyaṃ bhavati ||

31.1३१.१

स चेद्गृहीतशल्ये तु विवृताक्षो विचेतनः । (३१।१)

sa cedgṛhītaśalye tu vivṛtākṣo vicetanaḥ |

31.2३१.२

हतवल्लम्बशीर्षश् च निर्विकारो मृतोपमः ॥ (३१।२)

hatavallambaśīrṣaś ca nirvikāro mṛtopamaḥ ||

32.1३२.१

न तस्य निर्हरेच्छल्यं निर्हरेत्तु म्रियेत सः । (३२।१)

na tasya nirharecchalyaṃ nirharettu mriyeta saḥ |

32.2३२.२

विना त्वेतेषु रूपेषु निर्हर्तुं प्रयतेत वै ॥ (३२।२)

vinā tveteṣu rūpeṣu nirhartuṃ prayateta vai ||

33.1३३.१

ततः सव्ये पार्श्वे सेवनीं यवमात्रेण मुक्त्वावचारयेच्छस्त्रम् अश्मरीप्रमाणं दक्षिणतो वा क्रियासौकर्यहेतोर् इत्येके यथा सा न भिद्यते चूर्ण्यते वा तथा प्रयतेत चूर्णम् अल्पम् अप्यवस्थितं हि पुनः परिवृद्धिम् एति तस्मात् समस्ताम् अग्रवक्रेणाददीत स्त्रीणां तु बस्तिपार्श्वगतो गर्भाशयः संनिकृष्टस् तस्मात् तासाम् उत्सङ्गवच्छस्त्रं पातयेत् अतो ऽन्यथा खल्वासां मूत्रस्रावी व्रणो भवेत् पुरुषस्य वा मूत्रप्रसेकक्षणनान् मूत्रक्षरणम् अश्मरीव्रणाद् ऋते भिन्नबस्तिर् एकधापि न भवति द्विधा भिन्नबस्तिर् आश्मरिको न सिध्यति अश्मरीव्रणनिमित्तम् एकधाभिन्नबस्तिर् जीवति क्रियाभ्यासाच्छास्त्रविहितच्छेदान्निःस्यन्दपरिवृद्धत्वाच्च शल्यस्येति । (३३।१)

tataḥ savye pārśve sevanīṃ yavamātreṇa muktvāvacārayecchastram aśmarīpramāṇaṃ dakṣiṇato vā kriyāsaukaryahetor ityeke yathā sā na bhidyate cūrṇyate vā tathā prayateta cūrṇam alpam apyavasthitaṃ hi punaḥ parivṛddhim eti tasmāt samastām agravakreṇādadīta strīṇāṃ tu bastipārśvagato garbhāśayaḥ saṃnikṛṣṭas tasmāt tāsām utsaṅgavacchastraṃ pātayet ato 'nyathā khalvāsāṃ mūtrasrāvī vraṇo bhavet puruṣasya vā mūtraprasekakṣaṇanān mūtrakṣaraṇam aśmarīvraṇād ṛte bhinnabastir ekadhāpi na bhavati dvidhā bhinnabastir āśmariko na sidhyati aśmarīvraṇanimittam ekadhābhinnabastir jīvati kriyābhyāsācchāstravihitacchedānniḥsyandaparivṛddhatvācca śalyasyeti |

33.2३३.२

उद्धृतशल्यं तूष्णोदकद्रोण्याम् अवगाह्य स्वेदयेत् तथा हि बस्तिरसृजा न पूर्यते पूर्णे वा क्षीरवृक्षकषायं पुष्पनेत्रेण विदध्यात् ॥ (३३।२)

uddhṛtaśalyaṃ tūṣṇodakadroṇyām avagāhya svedayet tathā hi bastirasṛjā na pūryate pūrṇe vā kṣīravṛkṣakaṣāyaṃ puṣpanetreṇa vidadhyāt ||

34.1३४.१

भवति चात्र । (३४।१)

bhavati cātra |

34.2३४.२

क्षीरवृक्षकषायस्तु पुष्पनेत्रेण योजितः । (३४।२)

kṣīravṛkṣakaṣāyastu puṣpanetreṇa yojitaḥ |

34.3३४.३

निर्हरेदश्मरीं तूर्णं रक्तं बस्तिगतं च यत् ॥ (३४।३)

nirharedaśmarīṃ tūrṇaṃ raktaṃ bastigataṃ ca yat ||

35.1३५.१

नछ्बेहन्द्लुन्ग्मूत्रमार्गविशोधनार्थं चास्मै गुडसौहित्यं वितरेत् उद्धृत्य चैनं मधुघृताभ्यक्तव्रणं मूत्रविशोधनद्रव्यसिद्धामुष्णां सघृतां यवागूं पाययेतोभयकालं त्रिरात्रं त्रिरात्रादूर्ध्वं गुडप्रगाढेन पयसा मृद्वोदनमल्पं भोजयेद्दशरात्रं मूत्रासृग्विशुद्ध्यर्थं व्रणक्लेदनार्थं च दशरात्रादूर्ध्वं फलाम्लैर् जाङ्गलरसैर् उपाचरेत् ततो दशरात्रं चैनमप्रमत्तः स्वेदयेत् स्नेहेन द्रवस्वेदेन वा क्षीरवृक्षकषायेण चास्य व्रणं प्रक्षालयेत् रोध्रमधुकमञ्जिष्ठाप्रपौण्डरीककल्कैर् व्रणं प्रतिग्राहयेत् एतेष्वेव हरिद्रायुतेषु तैलं घृतं वा विपक्वं व्रणाभ्यञ्जनमिति स्त्यानशोणितं चोत्तरबस्तिभिर् उपाचरेत् सप्तरात्राच्च स्वमार्गमप्रतिपद्यमाने मूत्रे व्रणं यथोक्तेन विधिना दहेदग्निना स्वमार्गप्रतिपन्ने चोत्तरबस्त्यास्थापनानुवासनैर् उपाचरेन्मधुरकषायैर् इति यदृच्छया वा मूत्रमार्गप्रतिपन्नाम् अन्तरासक्तां शुक्राश्मरीं शर्करां वा स्रोतसापहरेत् एवं चाशक्ये विदार्य नाडीं शस्त्रेण बडिशेनोद्धरेत् । (३५।१)

Nachbehandlungmūtramārgaviśodhanārthaṃ cāsmai guḍasauhityaṃ vitaret uddhṛtya cainaṃ madhughṛtābhyaktavraṇaṃ mūtraviśodhanadravyasiddhāmuṣṇāṃ saghṛtāṃ yavāgūṃ pāyayetobhayakālaṃ trirātraṃ trirātrādūrdhvaṃ guḍapragāḍhena payasā mṛdvodanamalpaṃ bhojayeddaśarātraṃ mūtrāsṛgviśuddhyarthaṃ vraṇakledanārthaṃ ca daśarātrādūrdhvaṃ phalāmlair jāṅgalarasair upācaret tato daśarātraṃ cainamapramattaḥ svedayet snehena dravasvedena vā kṣīravṛkṣakaṣāyeṇa cāsya vraṇaṃ prakṣālayet rodhramadhukamañjiṣṭhāprapauṇḍarīkakalkair vraṇaṃ pratigrāhayet eteṣveva haridrāyuteṣu tailaṃ ghṛtaṃ vā vipakvaṃ vraṇābhyañjanamiti styānaśoṇitaṃ cottarabastibhir upācaret saptarātrācca svamārgamapratipadyamāne mūtre vraṇaṃ yathoktena vidhinā dahedagninā svamārgapratipanne cottarabastyāsthāpanānuvāsanair upācarenmadhurakaṣāyair iti yadṛcchayā vā mūtramārgapratipannām antarāsaktāṃ śukrāśmarīṃ śarkarāṃ vā srotasāpaharet evaṃ cāśakye vidārya nāḍīṃ śastreṇa baḍiśenoddharet |

35.2३५.२

रूढव्रणश्चाङ्गनाश्वनगनागरथद्रुमान् नारोहेत वर्षं नाप्सु प्लवेत भुञ्जीत वा गुरु ॥ (३५।२)

rūḍhavraṇaścāṅganāśvanaganāgarathadrumān nāroheta varṣaṃ nāpsu plaveta bhuñjīta vā guru ||

36.1३६.१

मूत्रवहशुक्रवहमुष्कस्रोतोमूत्रप्रसेकसेवनीयोनिगुदबस्तीनष्टौ परिहरेत् । (३६।१)

mūtravahaśukravahamuṣkasrotomūtraprasekasevanīyonigudabastīnaṣṭau pariharet |

36.2३६.२

तत्र मूत्रवहच्छेदान्मरणं मूत्रपूर्णबस्तेः शुक्रवहच्छेदान्मरणं क्लैब्यं वा मुष्कस्रोतःउपघाताद् ध्वजभङ्गो मूत्रप्रसेकक्षणनान्मूत्रप्रक्षरणं सेवनीयोनिच्छेदाद्रुजः प्रादुर्भावो बस्तिगुदविद्धलक्षणं प्रागुक्तम् इति ॥ (३६।२)

tatra mūtravahacchedānmaraṇaṃ mūtrapūrṇabasteḥ śukravahacchedānmaraṇaṃ klaibyaṃ vā muṣkasrotaḥupaghātād dhvajabhaṅgo mūtraprasekakṣaṇanānmūtraprakṣaraṇaṃ sevanīyonicchedādrujaḥ prādurbhāvo bastigudaviddhalakṣaṇaṃ prāguktam iti ||

37.1३७.१

भवति चात्र । (३७।१)

bhavati cātra |

37.2३७.२

मर्माण्यष्टावसंबुध्य स्रोतोजानि शरीरिणाम् । (३७।२)

marmāṇyaṣṭāvasaṃbudhya srotojāni śarīriṇām |

37.3३७.३

व्यापादयेद्बहून्मर्त्यान् शस्त्रकर्मापटुर्भिषक् ॥ (३७।३)

vyāpādayedbahūnmartyān śastrakarmāpaṭurbhiṣak ||

38.1३८.१

सेवनी शुक्रहरणी स्रोतसी फलयोर् गुदम् । (३८।१)

sevanī śukraharaṇī srotasī phalayor gudam |