ईश्वर उवाच । (१।१)

अथातः सम्प्रवक्ष्यामि कार्पासाचलमुत्तमम् । (१।२)

यत्प्रदानान्नरो नित्यमाप्नोति परमं पदम् ॥ (१।३)

कार्पासपर्वतस् तद्वद् विंशद्भारैर् इहोत्तमः । (२।१)

दशभिर्मध्यमः प्रोक्तः पञ्चभिस्त्वधमः स्मृतः । (२।२)

भारेणाल्पधनो दद्याद्वित्तशाठ्यविवर्जितः ॥ (२।३)

धान्यपर्वतवत्सर्वमासाद्य मुनिपुंगव । (३।१)

प्रभातायां तु शर्वर्यां दद्यादिदमुदीरयेत् ॥ (३।२)

त्वमेवावरणं यस्माल्लोकानामिह सर्वदा । (४।१)

कार्पासाद्रे नमस्तुभ्यमघौघध्वंसनो भव ॥ (४।२)

इति कार्पासशैलेन्द्रं यो दद्याच्छर्वसंनिधौ । (५।१)

रुद्रलोके वसेत्कल्पं ततो राजा भवेदिह ॥ (५।२)