Devatā देवता

Māyābhedaḥ

Ṛṣi ऋषि

Pataṅga Prājāpatya

Chandas छन्दस्

Triṣṭubh, Jagatī

1. Ṛk 1

   प॒तं॒गम॒क्तमसु॑रस्य मा॒यया॑ हृ॒दा प॑श्यंति॒ मन॑सा विप॒श्चितः॑ ।
   स॒मु॒द्रे अं॒तः क॒वयो॒ वि च॑क्षते॒ मरी॑चीनां प॒दमि॑च्छंति वे॒धसः॑ ॥

   पतङ्गम् अक्तम् असुरस्य मायया हृदा पश्यन्ति मनसा विपश्चितः |
   समुद्रे अन्तः कवयो वि चक्षते मरीचीनाम् पदम् इच्छन्ति वेधसः ||

   pataṃgámaktámásurasya māyáyā hṛdā́ paśyanti mánasā vipaścítaḥ ǀ
   samudré antáḥ kaváyo ví cakṣate márīcīnām padámicchanti vedhásaḥ ǁ

   pataṅgam aktam asurasya māyayā hṛdā paśyanti manasā vipaścitaḥ |
   samudre antaḥ kavayo vi cakṣate marīcīnām padam icchanti vedhasaḥ ||

   प॒त॒ङ्गम् । अ॒क्तम् । असु॑रस्य । मा॒यया॑ । हृ॒दा । प॒श्य॒न्ति॒ । मन॑सा । वि॒पः॒ऽचितः॑ ।
   स॒मु॒द्रे । अ॒न्तरिति॑ । क॒वयः॑ । वि । च॒क्ष॒ते॒ । मरी॑चीनाम् । प॒दम् । इ॒च्छ॒न्ति॒ । वे॒धसः॑ ॥

   पतङ्गम् । अक्तम् । असुरस्य । मायया । हृदा । पश्यन्ति । मनसा । विपःऽचितः ।
   समुद्रे । अन्तरिति । कवयः । वि । चक्षते । मरीचीनाम् । पदम् । इच्छन्ति । वेधसः ॥

   pataṅgám ǀ aktám ǀ ásurasya ǀ māyáyā ǀ hṛdā́ ǀ paśyanti ǀ mánasā ǀ vipaḥ-cítaḥ ǀ
   samudré ǀ antáríti ǀ kaváyaḥ ǀ ví ǀ cakṣate ǀ márīcīnām ǀ padám ǀ icchanti ǀ vedhásaḥ ǁ

   pataṅgam ǀ aktam ǀ asurasya ǀ māyayā ǀ hṛdā ǀ paśyanti ǀ manasā ǀ vipaḥ-citaḥ ǀ
   samudre ǀ antariti ǀ kavayaḥ ǀ vi ǀ cakṣate ǀ marīcīnām ǀ padam ǀ icchanti ǀ vedhasaḥ ǁ

   10.177.1 Aṣṭaka 8.8.35.1Anuvāka 10.12.122Interpretations

2. Ṛk 2

   प॒तं॒गो वाचं॒ मन॑सा बिभर्ति॒ तां गं॑ध॒र्वो॑ऽवद॒द्गर्भे॑ अं॒तः ।
   तां द्योत॑मानां स्व॒र्यं॑ मनी॒षामृ॒तस्य॑ प॒दे क॒वयो॒ नि पां॑ति ॥

   पतङ्गो वाचम् मनसा बिभर्ति तां गन्धर्वो ऽवदद् गर्भे अन्तः |
   तां द्योतमानां स्वर्यम् मनीषाम् ऋतस्य पदे कवयो नि पान्ति ||

   pataṃgó vā́cam mánasā bibharti tā́m gandharvó’vadadgárbhe antáḥ ǀ
   tā́m dyótamānām svaryám manīṣā́mṛtásya padé kaváyo ní pānti ǁ

   pataṅgo vācam manasā bibharti tāṃ gandharvo 'vadad garbhe antaḥ |
   tāṃ dyotamānāṃ svaryam manīṣām ṛtasya pade kavayo ni pānti ||

   प॒त॒ङ्गः । वाच॑म् । मन॑सा । बि॒भ॒र्ति॒ । तान् । ग॒न्ध॒र्वः । अ॒व॒द॒त् । गर्भे॑ । अ॒न्तरिति॑ ।
   ताम् । द्योत॑मानाम् । स्व॒र्य॑म् । म॒नी॒षाम् । ऋ॒तस्य॑ । प॒दे । क॒वयः॑ । नि । पा॒न्ति॒ ॥

   पतङ्गः । वाचम् । मनसा । बिभर्ति । तान् । गन्धर्वः । अवदत् । गर्भे । अन्तरिति ।
   ताम् । द्योतमानाम् । स्वर्यम् । मनीषाम् । ऋतस्य । पदे । कवयः । नि । पान्ति ॥

   pataṅgáḥ ǀ vā́cam ǀ mánasā ǀ bibharti ǀ tā́n ǀ gandharváḥ ǀ avadat ǀ gárbhe ǀ antáríti ǀ
   tā́m ǀ dyótamānām ǀ svaryám ǀ manīṣā́m ǀ ṛtásya ǀ padé ǀ kaváyaḥ ǀ ní ǀ pānti ǁ

   pataṅgaḥ ǀ vācam ǀ manasā ǀ bibharti ǀ tān ǀ gandharvaḥ ǀ avadat ǀ garbhe ǀ antariti ǀ
   tām ǀ dyotamānām ǀ svaryam ǀ manīṣām ǀ ṛtasya ǀ pade ǀ kavayaḥ ǀ ni ǀ pānti ǁ

   10.177.2 Aṣṭaka 8.8.35.2Anuvāka 10.12.123Interpretations

3. Ṛk 3

   अप॑श्यं गो॒पामनि॑पद्यमान॒मा च॒ परा॑ च प॒थिभि॒श्चरं॑तं ।
   स स॒ध्रीचीः॒ स विषू॑ची॒र्वसा॑न॒ आ व॑रीवर्ति॒ भुव॑नेष्वं॒तः ॥

   अपश्यं गोपाम् अनिपद्यमानम् आ च परा च पथिभिश् चरन्तम् |
   स सध्रीचीः स विषूचीर् वसान आ वरीवर्ति भुवनेष्व् अन्तः ||

   ápaśyam gopā́mánipadyamānamā́ ca párā ca pathíbhiścárantam ǀ
   sá sadhrī́cīḥ sá víṣūcīrvásāna ā́ varīvarti bhúvaneṣvantáḥ ǁ

   apaśyaṃ gopām anipadyamānam ā ca parā ca pathibhiś carantam |
   sa sadhrīcīḥ sa viṣūcīr vasāna ā varīvarti bhuvaneṣv antaḥ ||

   अप॑श्यम् । गो॒पाम् । अनि॑ऽपद्यमानम् । आ । च॒ । परा॑ । च॒ । प॒थिऽभिः॑ । चर॑न्तम् ।
   सः । स॒ध्रीचीः॑ । सः । विषू॑चीः । वसा॑नः । आ । व॒री॒व॒र्ति॒ । भुव॑नेषु । अ॒न्तरिति॑ ॥

   अपश्यम् । गोपाम् । अनिऽपद्यमानम् । आ । च । परा । च । पथिऽभिः । चरन्तम् ।
   सः । सध्रीचीः । सः । विषूचीः । वसानः । आ । वरीवर्ति । भुवनेषु । अन्तरिति ॥

   ápaśyam ǀ gopā́m ǀ áni-padyamānam ǀ ā́ ǀ ca ǀ párā ǀ ca ǀ pathí-bhiḥ ǀ cárantam ǀ
   sáḥ ǀ sadhrī́cīḥ ǀ sáḥ ǀ víṣūcīḥ ǀ vásānaḥ ǀ ā́ ǀ varīvarti ǀ bhúvaneṣu ǀ antáríti ǁ

   apaśyam ǀ gopām ǀ ani-padyamānam ǀ ā ǀ ca ǀ parā ǀ ca ǀ pathi-bhiḥ ǀ carantam ǀ
   saḥ ǀ sadhrīcīḥ ǀ saḥ ǀ viṣūcīḥ ǀ vasānaḥ ǀ ā ǀ varīvarti ǀ bhuvaneṣu ǀ antariti ǁ

   10.177.3 Aṣṭaka 8.8.35.3Anuvāka 10.12.124Interpretations

Text, recitation and interpretations from the Ṛgveda database of theveda.org.in.