Devatā देवता

1-5, 7-9: Indra; 6: Indra, Agni

Ṛṣi ऋषि

Kavaṣa Ailūṣa

Chandas छन्दस्

Jagatī, Triṣṭubh

1. Ṛk 1

   प्र सु ग्मंता॑ धियसा॒नस्य॑ स॒क्षणि॑ व॒रेभि॑र्व॒राँ अ॒भि षु प्र॒सीद॑तः ।
   अ॒स्माक॒मिंद्र॑ उ॒भयं॑ जुजोषति॒ यत्सो॒म्यस्यांध॑सो॒ बुबो॑धति ॥

   प्र सु ग्मन्ता धियसानस्य सक्षणि वरेभिर् वरां अभि षु प्रसीदतः |
   अस्माकम् इन्द्र उभयं जुजोषति यत् सोम्यस्यान्धसो बुबोधति ||

   prá sú gmántā dhiyasānásya sakṣáṇi varébhirvarā́m̐ abhí ṣú prasī́dataḥ ǀ
   asmā́kamíndra ubháyam jujoṣati yátsomyásyā́ndhaso búbodhati ǁ

   pra su gmantā dhiyasānasya sakṣaṇi varebhir varāṃ abhi ṣu prasīdataḥ |
   asmākam indra ubhayaṃ jujoṣati yat somyasyāndhaso bubodhati ||

   प्र । सु । ग्मन्ता॑ । धि॒य॒सा॒नस्य॑ । स॒क्षणि॑ । व॒रेभिः॑ । व॒रान् । अ॒भि । सु । प्र॒ऽसीद॑तः ।
   अ॒स्माक॑म् । इन्द्रः॑ । उ॒भय॑म् । जु॒जो॒ष॒ति॒ । यत् । सो॒म्यस्य॑ । अन्ध॑सः । बुबो॑धति ॥

   प्र । सु । ग्मन्ता । धियसानस्य । सक्षणि । वरेभिः । वरान् । अभि । सु । प्रऽसीदतः ।
   अस्माकम् । इन्द्रः । उभयम् । जुजोषति । यत् । सोम्यस्य । अन्धसः । बुबोधति ॥

   prá ǀ sú ǀ gmántā ǀ dhiyasānásya ǀ sakṣáṇi ǀ varébhiḥ ǀ varā́n ǀ abhí ǀ sú ǀ pra-sī́dataḥ ǀ
   asmā́kam ǀ índraḥ ǀ ubháyam ǀ jujoṣati ǀ yát ǀ somyásya ǀ ándhasaḥ ǀ búbodhati ǁ

   pra ǀ su ǀ gmantā ǀ dhiyasānasya ǀ sakṣaṇi ǀ varebhiḥ ǀ varān ǀ abhi ǀ su ǀ pra-sīdataḥ ǀ
   asmākam ǀ indraḥ ǀ ubhayam ǀ jujoṣati ǀ yat ǀ somyasya ǀ andhasaḥ ǀ bubodhati ǁ

   10.32.1 Aṣṭaka 7.7.29.1Anuvāka 10.3.27Interpretations

2. Ṛk 2

   वीं॑द्र यासि दि॒व्यानि॑ रोच॒ना वि पार्थि॑वानि॒ रज॑सा पुरुष्टुत ।
   ये त्वा॒ वहं॑ति॒ मुहु॑रध्व॒राँ उप॒ ते सु व॑न्वंतु वग्व॒नाँ अ॑रा॒धसः॑ ॥

   वीन्द्र यासि दिव्यानि रोचना वि पार्थिवानि रजसा पुरुष्टुत |
   ये त्वा वहन्ति मुहुर् अध्वरां उप ते सु वन्वन्तु वग्वनां अराधसः ||

   vī́ndra yāsi divyā́ni rocanā́ ví pā́rthivāni rájasā puruṣṭuta ǀ
   yé tvā váhanti múhuradhvarā́m̐ úpa té sú vanvantu vagvanā́m̐ arādhásaḥ ǁ

   vīndra yāsi divyāni rocanā vi pārthivāni rajasā puruṣṭuta |
   ye tvā vahanti muhur adhvarāṃ upa te su vanvantu vagvanāṃ arādhasaḥ ||

   वि । इ॒न्द्र॒ । या॒सि॒ । दि॒व्यानि॑ । रो॒च॒ना । वि । पार्थि॑वानि । रज॑सा । पु॒रु॒ऽस्तु॒त॒ ।
   ये । त्वा॒ । वह॑न्ति । मुहुः॑ । अ॒ध्व॒रान् । उप॑ । ते । सु । व॒न्व॒न्तु॒ । व॒ग्व॒नान् । अ॒रा॒धसः॑ ॥

   वि । इन्द्र । यासि । दिव्यानि । रोचना । वि । पार्थिवानि । रजसा । पुरुऽस्तुत ।
   ये । त्वा । वहन्ति । मुहुः । अध्वरान् । उप । ते । सु । वन्वन्तु । वग्वनान् । अराधसः ॥

   ví ǀ indra ǀ yāsi ǀ divyā́ni ǀ rocanā́ ǀ ví ǀ pā́rthivāni ǀ rájasā ǀ puru-stuta ǀ
   yé ǀ tvā ǀ váhanti ǀ múhuḥ ǀ adhvarā́n ǀ úpa ǀ té ǀ sú ǀ vanvantu ǀ vagvanā́n ǀ arādhásaḥ ǁ

   vi ǀ indra ǀ yāsi ǀ divyāni ǀ rocanā ǀ vi ǀ pārthivāni ǀ rajasā ǀ puru-stuta ǀ
   ye ǀ tvā ǀ vahanti ǀ muhuḥ ǀ adhvarān ǀ upa ǀ te ǀ su ǀ vanvantu ǀ vagvanān ǀ arādhasaḥ ǁ

   10.32.2 Aṣṭaka 7.7.29.2Anuvāka 10.3.28Interpretations

3. Ṛk 3

   तदिन्मे॑ छंत्स॒द्वपु॑षो॒ वपु॑ष्टरं पु॒त्रो यज्जानं॑ पि॒त्रोर॒धीय॑ति ।
   जा॒या पतिं॑ वहति व॒ग्नुना॑ सु॒मत्पुं॒स इद्भ॒द्रो व॑ह॒तुः परि॑ष्कृतः ॥

   तद् इन् मे छन्त्सद् वपुषो वपुष्टरम् पुत्रो यज् जानम् पित्रोर् अधीयति |
   जाया पतिं वहति वग्नुना सुमत् पुंस इद् भद्रो वहतुः परिष्कृतः ||

   tádínme chantsadvápuṣo vápuṣṭaram putró yájjā́nam pitróradhī́yati ǀ
   jāyā́ pátim vahati vagnúnā sumátpuṃsá ídbhadró vahatúḥ páriṣkṛtaḥ ǁ

   tad in me chantsad vapuṣo vapuṣṭaram putro yaj jānam pitror adhīyati |
   jāyā patiṃ vahati vagnunā sumat puṃsa id bhadro vahatuḥ pariṣkṛtaḥ ||

   तत् । इत् । मे॒ । छ॒न्त्स॒त् । वपु॑षः । वपुः॑ऽतरम् । पु॒त्रः । यत् । जान॑म् । पि॒त्रोः । अ॒धि॒ऽइय॑ति ।
   जा॒या । पति॑म् । व॒ह॒ति॒ । व॒ग्नुना॑ । सु॒ऽमत् । पुं॒सः । इत् । भ॒द्रः । व॒ह॒तुः । परि॑ऽकृतः ॥

   तत् । इत् । मे । छन्त्सत् । वपुषः । वपुःऽतरम् । पुत्रः । यत् । जानम् । पित्रोः । अधिऽइयति ।
   जाया । पतिम् । वहति । वग्नुना । सुऽमत् । पुंसः । इत् । भद्रः । वहतुः । परिऽकृतः ॥

   tát ǀ ít ǀ me ǀ chantsat ǀ vápuṣaḥ ǀ vápuḥ-taram ǀ putráḥ ǀ yát ǀ jā́nam ǀ pitróḥ ǀ adhi-íyati ǀ
   jāyā́ ǀ pátim ǀ vahati ǀ vagnúnā ǀ su-mát ǀ puṃsáḥ ǀ ít ǀ bhadráḥ ǀ vahatúḥ ǀ pári-kṛtaḥ ǁ

   tat ǀ it ǀ me ǀ chantsat ǀ vapuṣaḥ ǀ vapuḥ-taram ǀ putraḥ ǀ yat ǀ jānam ǀ pitroḥ ǀ adhi-iyati ǀ
   jāyā ǀ patim ǀ vahati ǀ vagnunā ǀ su-mat ǀ puṃsaḥ ǀ it ǀ bhadraḥ ǀ vahatuḥ ǀ pari-kṛtaḥ ǁ

   10.32.3 Aṣṭaka 7.7.29.3Anuvāka 10.3.29Interpretations

4. Ṛk 4

   तदित्स॒धस्थ॑म॒भि चारु॑ दीधय॒ गावो॒ यच्छास॑न्वह॒तुं न धे॒नवः॑ ।
   मा॒ता यन्मंतु॑र्यू॒थस्य॑ पू॒र्व्याभि वा॒णस्य॑ स॒प्तधा॑तु॒रिज्जनः॑ ॥

   तद् इत् सधस्थम् अभि चारु दीधय गावो यच् छासन् वहतुं न धेनवः |
   माता यन् मन्तुर् यूथस्य पूर्व्याभि वाणस्य सप्तधातुर् इज् जनः ||

   tádítsadhásthamabhí cā́ru dīdhaya gā́vo yácchā́sanvahatúm ná dhenávaḥ ǀ
   mātā́ yánmánturyūthásya pūrvyā́bhí vāṇásya saptádhāturíjjánaḥ ǁ

   tad it sadhastham abhi cāru dīdhaya gāvo yac chāsan vahatuṃ na dhenavaḥ |
   mātā yan mantur yūthasya pūrvyābhi vāṇasya saptadhātur ij janaḥ ||

   तत् । इत् । स॒धऽस्थ॑म् । अ॒भि । चारु॑ । दी॒ध॒य॒ । गावः॑ । यत् । शास॑न् । व॒ह॒तुम् । न । धे॒नवः॑ ।
   मा॒ता । यत् । मन्तुः॑ । यू॒थस्य॑ । पू॒र्व्या । अ॒भि । वा॒णस्य॑ । स॒प्तऽधा॑तुः । इत् । जनः॑ ॥

   तत् । इत् । सधऽस्थम् । अभि । चारु । दीधय । गावः । यत् । शासन् । वहतुम् । न । धेनवः ।
   माता । यत् । मन्तुः । यूथस्य । पूर्व्या । अभि । वाणस्य । सप्तऽधातुः । इत् । जनः ॥

   tát ǀ ít ǀ sadhá-stham ǀ abhí ǀ cā́ru ǀ dīdhaya ǀ gā́vaḥ ǀ yát ǀ śā́san ǀ vahatúm ǀ ná ǀ dhenávaḥ ǀ
   mātā́ ǀ yát ǀ mántuḥ ǀ yūthásya ǀ pūrvyā́ ǀ abhí ǀ vāṇásya ǀ saptá-dhātuḥ ǀ ít ǀ jánaḥ ǁ

   tat ǀ it ǀ sadha-stham ǀ abhi ǀ cāru ǀ dīdhaya ǀ gāvaḥ ǀ yat ǀ śāsan ǀ vahatum ǀ na ǀ dhenavaḥ ǀ
   mātā ǀ yat ǀ mantuḥ ǀ yūthasya ǀ pūrvyā ǀ abhi ǀ vāṇasya ǀ sapta-dhātuḥ ǀ it ǀ janaḥ ǁ

   10.32.4 Aṣṭaka 7.7.29.4Anuvāka 10.3.30Interpretations

5. Ṛk 5

   प्र वोऽच्छा॑ रिरिचे देव॒युष्प॒दमेको॑ रु॒द्रेभि॑र्याति तु॒र्वणिः॑ ।
   ज॒रा वा॒ येष्व॒मृते॑षु दा॒वने॒ परि॑ व॒ ऊमे॑भ्यः सिंचता॒ मधु॑ ॥

   प्र वो ऽच्छा रिरिचे देवयुष् पदम् एको रुद्रेभिर् याति तुर्वणिः |
   जरा वा येष्व् अमृतेषु दावने परि व ऊमेभ्यः सिञ्चता मधु ||

   prá vó’cchā ririce devayúṣpadáméko rudrébhiryāti turváṇiḥ ǀ
   jarā́ vā yéṣvamṛ́teṣu dāváne pári va ū́mebhyaḥ siñcatā mádhu ǁ

   pra vo 'cchā ririce devayuṣ padam eko rudrebhir yāti turvaṇiḥ |
   jarā vā yeṣv amṛteṣu dāvane pari va ūmebhyaḥ siñcatā madhu ||

   प्र । वः॒ । अच्छ॑ । रि॒रि॒चे॒ । दे॒व॒ऽयुः । प॒दम् । एकः॑ । रु॒द्रेभिः॑ । या॒ति॒ । तु॒र्वणिः॑ ।
   ज॒रा । वा॒ । येषु॑ । अ॒मृते॑षु । दा॒वने॑ । परि॑ । वः॒ । ऊमे॑भ्यः । सि॒ञ्च॒त॒ । मधु॑ ॥

   प्र । वः । अच्छ । रिरिचे । देवऽयुः । पदम् । एकः । रुद्रेभिः । याति । तुर्वणिः ।
   जरा । वा । येषु । अमृतेषु । दावने । परि । वः । ऊमेभ्यः । सिञ्चत । मधु ॥

   prá ǀ vaḥ ǀ áccha ǀ ririce ǀ deva-yúḥ ǀ padám ǀ ékaḥ ǀ rudrébhiḥ ǀ yāti ǀ turváṇiḥ ǀ
   jarā́ ǀ vā ǀ yéṣu ǀ amṛ́teṣu ǀ dāváne ǀ pári ǀ vaḥ ǀ ū́mebhyaḥ ǀ siñcata ǀ mádhu ǁ

   pra ǀ vaḥ ǀ accha ǀ ririce ǀ deva-yuḥ ǀ padam ǀ ekaḥ ǀ rudrebhiḥ ǀ yāti ǀ turvaṇiḥ ǀ
   jarā ǀ vā ǀ yeṣu ǀ amṛteṣu ǀ dāvane ǀ pari ǀ vaḥ ǀ ūmebhyaḥ ǀ siñcata ǀ madhu ǁ

   10.32.5 Aṣṭaka 7.7.29.5Anuvāka 10.3.31Interpretations

6. Ṛk 6

   नि॒धी॒यमा॑न॒मप॑गूळ्हम॒प्सु प्र मे॑ दे॒वानां॑ व्रत॒पा उ॑वाच ।
   इंद्रो॑ वि॒द्वाँ अनु॒ हि त्वा॑ च॒चक्ष॒ तेना॒हम॑ग्ने॒ अनु॑शिष्ट॒ आगां॑ ॥

   निधीयमानम् अपगूऌहम् अप्सु प्र मे देवानां व्रतपा उवाच |
   इन्द्रो विद्वां अनु हि त्वा चचक्ष तेनाहम् अग्ने अनुशिष्ट आगाम् ||

   nidhīyámānamápagūḷhamapsú prá me devā́nām vratapā́ uvāca ǀ
   índro vidvā́m̐ ánu hí tvā cacákṣa ténāhámagne ánuśiṣṭa ā́gām ǁ

   nidhīyamānam apagūḷham apsu pra me devānāṃ vratapā uvāca |
   indro vidvāṃ anu hi tvā cacakṣa tenāham agne anuśiṣṭa āgām ||

   नि॒ऽधी॒यमा॑नम् । अप॑ऽगूळ्हम् । अ॒प्ऽसु । प्र । मे॒ । दे॒वाना॑म् । व्र॒त॒ऽपाः । उ॒वा॒च॒ ।
   इन्द्रः॑ । वि॒द्वान् । अनु॑ । हि । त्वा॒ । च॒चक्ष॑ । तेन॑ । अ॒हम् । अ॒ग्ने॒ । अनु॑ऽशिष्टः । आ । अ॒गा॒म् ॥

   निऽधीयमानम् । अपऽगूळ्हम् । अप्ऽसु । प्र । मे । देवानाम् । व्रतऽपाः । उवाच ।
   इन्द्रः । विद्वान् । अनु । हि । त्वा । चचक्ष । तेन । अहम् । अग्ने । अनुऽशिष्टः । आ । अगाम् ॥

   ni-dhīyámānam ǀ ápa-gūḷham ǀ ap-sú ǀ prá ǀ me ǀ devā́nām ǀ vrata-pā́ḥ ǀ uvāca ǀ
   índraḥ ǀ vidvā́n ǀ ánu ǀ hí ǀ tvā ǀ cacákṣa ǀ téna ǀ ahám ǀ agne ǀ ánu-śiṣṭaḥ ǀ ā́ ǀ agām ǁ

   ni-dhīyamānam ǀ apa-gūḷham ǀ ap-su ǀ pra ǀ me ǀ devānām ǀ vrata-pāḥ ǀ uvāca ǀ
   indraḥ ǀ vidvān ǀ anu ǀ hi ǀ tvā ǀ cacakṣa ǀ tena ǀ aham ǀ agne ǀ anu-śiṣṭaḥ ǀ ā ǀ agām ǁ

   10.32.6 Aṣṭaka 7.7.30.1Anuvāka 10.3.32Interpretations

7. Ṛk 7

   अक्षे॑त्रवित्क्षेत्र॒विदं॒ ह्यप्रा॒ट् स प्रैति॑ क्षेत्र॒विदानु॑शिष्टः ।
   ए॒तद्वै भ॒द्रम॑नु॒शास॑नस्यो॒त स्रु॒तिं विं॑दत्यंज॒सीनां॑ ॥

   अक्षेत्रवित् क्षेत्रविदं ह्य् अप्राट् स प्रैति क्षेत्रविदानुशिष्टः |
   एतद् वै भद्रम् अनुशासनस्योत स्रुतिं विन्दत्य् अञ्जसीनाम् ||

   ákṣetravitkṣetravídam hyáprāṭ sá práiti kṣetravídā́nuśiṣṭaḥ ǀ
   etádvái bhadrámanuśā́sanasyotá srutím vindatyañjasī́nām ǁ

   akṣetravit kṣetravidaṃ hy aprāṭ sa praiti kṣetravidānuśiṣṭaḥ |
   etad vai bhadram anuśāsanasyota srutiṃ vindaty añjasīnām ||

   अक्षे॑त्रऽवित् । क्षे॒त्र॒ऽविद॑म् । हि । अप्रा॑ट् । सः । प्र । ए॒ति॒ । क्षे॒त्र॒ऽविदा॑ । अनु॑ऽशिष्टः ।
   ए॒तत् । वै । भ॒द्रम् । अ॒नु॒ऽशास॑नस्य । उ॒त । स्रु॒तिम् । वि॒न्द॒ति॒ । अ॒ञ्ज॒सीना॑म् ॥

   अक्षेत्रऽवित् । क्षेत्रऽविदम् । हि । अप्राट् । सः । प्र । एति । क्षेत्रऽविदा । अनुऽशिष्टः ।
   एतत् । वै । भद्रम् । अनुऽशासनस्य । उत । स्रुतिम् । विन्दति । अञ्जसीनाम् ॥

   ákṣetra-vit ǀ kṣetra-vídam ǀ hí ǀ áprāṭ ǀ sáḥ ǀ prá ǀ eti ǀ kṣetra-vídā ǀ ánu-śiṣṭaḥ ǀ
   etát ǀ vái ǀ bhadrám ǀ anu-śā́sanasya ǀ utá ǀ srutím ǀ vindati ǀ añjasī́nām ǁ

   akṣetra-vit ǀ kṣetra-vidam ǀ hi ǀ aprāṭ ǀ saḥ ǀ pra ǀ eti ǀ kṣetra-vidā ǀ anu-śiṣṭaḥ ǀ
   etat ǀ vai ǀ bhadram ǀ anu-śāsanasya ǀ uta ǀ srutim ǀ vindati ǀ añjasīnām ǁ

   10.32.7 Aṣṭaka 7.7.30.2Anuvāka 10.3.33Interpretations

8. Ṛk 8

   अ॒द्येदु॒ प्राणी॒दम॑मन्नि॒माहापी॑वृतो अधयन्मा॒तुरूधः॑ ।
   एमे॑नमाप जरि॒मा युवा॑न॒महे॑ळ॒न्वसुः॑ सु॒मना॑ बभूव ॥

   अद्येद् उ प्राणीद् अममन्न् इमाहापीवृतो अधयन् मातुर् ऊधः |
   एम् एनम् आप जरिमा युवानम् अहेऌअन् वसुः सुमना बभूव ||

   adyédu prā́ṇīdámamannimā́hā́pīvṛto adhayanmātúrū́dhaḥ ǀ
   émenamāpa jarimā́ yúvānamáheḷanvásuḥ sumánā babhūva ǁ

   adyed u prāṇīd amamann imāhāpīvṛto adhayan mātur ūdhaḥ |
   em enam āpa jarimā yuvānam aheḷan vasuḥ sumanā babhūva ||

   अ॒द्य । इत् । ऊं॒ इति॑ । प्र । आ॒नी॒त् । अम॑मन् । इ॒मा । अहा॑ । अपि॑ऽवृतः । अ॒ध॒य॒त् । मा॒तुः । ऊधः॑ ।
   आ । ई॒म् । ए॒न॒म् । आ॒प॒ । ज॒रि॒मा । युवा॑नम् । अहे॑ळन् । वसुः॑ । सु॒ऽमनाः॑ । ब॒भू॒व॒ ॥

   अद्य । इत् । ऊं इति । प्र । आनीत् । अममन् । इमा । अहा । अपिऽवृतः । अधयत् । मातुः । ऊधः ।
   आ । ईम् । एनम् । आप । जरिमा । युवानम् । अहेळन् । वसुः । सुऽमनाः । बभूव ॥

   adyá ǀ ít ǀ ūṃ íti ǀ prá ǀ ānīt ǀ ámaman ǀ imā́ ǀ áhā ǀ ápi-vṛtaḥ ǀ adhayat ǀ mātúḥ ǀ ū́dhaḥ ǀ
   ā́ ǀ īm ǀ enam ǀ āpa ǀ jarimā́ ǀ yúvānam ǀ áheḷan ǀ vásuḥ ǀ su-mánāḥ ǀ babhūva ǁ

   adya ǀ it ǀ ūṃ iti ǀ pra ǀ ānīt ǀ amaman ǀ imā ǀ ahā ǀ api-vṛtaḥ ǀ adhayat ǀ mātuḥ ǀ ūdhaḥ ǀ
   ā ǀ īm ǀ enam ǀ āpa ǀ jarimā ǀ yuvānam ǀ aheḷan ǀ vasuḥ ǀ su-manāḥ ǀ babhūva ǁ

   10.32.8 Aṣṭaka 7.7.30.3Anuvāka 10.3.34Interpretations

9. Ṛk 9

   ए॒तानि॑ भ॒द्रा क॑लश क्रियाम॒ कुरु॑श्रवण॒ दद॑तो म॒घानि॑ ।
   दा॒न इद्वो॑ मघवानः॒ सो अ॑स्त्व॒यं च॒ सोमो॑ हृ॒दि यं बिभ॑र्मि ॥

   एतानि भद्रा कलश क्रियाम कुरुश्रवण ददतो मघानि |
   दान इद् वो मघवानः सो अस्त्व् अयं च सोमो हृदि यम् बिभर्मि ||

   etā́ni bhadrā́ kalaśa kriyāma kúruśravaṇa dádato maghā́ni ǀ
   dāná ídvo maghavānaḥ só astvayám ca sómo hṛdí yám bíbharmi ǁ

   etāni bhadrā kalaśa kriyāma kuruśravaṇa dadato maghāni |
   dāna id vo maghavānaḥ so astv ayaṃ ca somo hṛdi yam bibharmi ||

   ए॒तानि॑ । भ॒द्रा । क॒ल॒श॒ । क्रि॒या॒म॒ । कुरु॑ऽश्रवण । दद॑तः । म॒घानि॑ ।
   दा॒नः । इत् । वः॒ । म॒घ॒ऽवा॒नः॒ । सः । अ॒स्तु॒ । अ॒यम् । च॒ । सोमः॑ । हृ॒दि । यम् । बिभ॑र्मि ॥

   एतानि । भद्रा । कलश । क्रियाम । कुरुऽश्रवण । ददतः । मघानि ।
   दानः । इत् । वः । मघऽवानः । सः । अस्तु । अयम् । च । सोमः । हृदि । यम् । बिभर्मि ॥

   etā́ni ǀ bhadrā́ ǀ kalaśa ǀ kriyāma ǀ kúru-śravaṇa ǀ dádataḥ ǀ maghā́ni ǀ
   dānáḥ ǀ ít ǀ vaḥ ǀ magha-vānaḥ ǀ sáḥ ǀ astu ǀ ayám ǀ ca ǀ sómaḥ ǀ hṛdí ǀ yám ǀ bíbharmi ǁ

   etāni ǀ bhadrā ǀ kalaśa ǀ kriyāma ǀ kuru-śravaṇa ǀ dadataḥ ǀ maghāni ǀ
   dānaḥ ǀ it ǀ vaḥ ǀ magha-vānaḥ ǀ saḥ ǀ astu ǀ ayam ǀ ca ǀ somaḥ ǀ hṛdi ǀ yam ǀ bibharmi ǁ

   10.32.9 Aṣṭaka 7.7.30.4Anuvāka 10.3.35Interpretations

Text, recitation and interpretations from the Ṛgveda database of theveda.org.in.