Devatā देवता

Indra

Ṛṣi ऋषि

Nabhaḥprabhedana Vairūpa

Chandas छन्दस्

Triṣṭubh

1. Ṛk 1

   इंद्र॒ पिब॑ प्रतिका॒मं सु॒तस्य॑ प्रातःसा॒वस्तव॒ हि पू॒र्वपी॑तिः ।
   हर्ष॑स्व॒ हंत॑वे शूर॒ शत्रू॑नु॒क्थेभि॑ष्टे वी॒र्या॒३॒॑ प्र ब्र॑वाम ॥

   इन्द्र पिब प्रतिकामं सुतस्य प्रातःसावस् तव हि पूर्वपीतिः |
   हर्षस्व हन्तवे शूर शत्रून् उक्थेभिष् टे वीर्या प्र ब्रवाम ||

   índra píba pratikāmám sutásya prātaḥsāvástáva hí pūrvápītiḥ ǀ
   hárṣasva hántave śūra śátrūnukthébhiṣṭe vīryā́ prá bravāma ǁ

   indra piba pratikāmaṃ sutasya prātaḥsāvas tava hi pūrvapītiḥ |
   harṣasva hantave śūra śatrūn ukthebhiṣ ṭe vīryā pra bravāma ||

   इन्द्र॑ । पिब॑ । प्र॒ति॒ऽका॒मम् । सु॒तस्य॑ । प्रा॒तः॒ऽसा॒वः । तव॑ । हि । पू॒र्वऽपी॑तिः ।
   हर्ष॑स्व । हन्त॑वे । शू॒र॒ । शत्रू॑न् । उ॒क्थेभिः॑ । ते॒ । वी॒र्या॑ । प्र । ब्र॒वा॒म॒ ॥

   इन्द्र । पिब । प्रतिऽकामम् । सुतस्य । प्रातःऽसावः । तव । हि । पूर्वऽपीतिः ।
   हर्षस्व । हन्तवे । शूर । शत्रून् । उक्थेभिः । ते । वीर्या । प्र । ब्रवाम ॥

   índra ǀ píba ǀ prati-kāmám ǀ sutásya ǀ prātaḥ-sāváḥ ǀ táva ǀ hí ǀ pūrvá-pītiḥ ǀ
   hárṣasva ǀ hántave ǀ śūra ǀ śátrūn ǀ ukthébhiḥ ǀ te ǀ vīryā́ ǀ prá ǀ bravāma ǁ

   indra ǀ piba ǀ prati-kāmam ǀ sutasya ǀ prātaḥ-sāvaḥ ǀ tava ǀ hi ǀ pūrva-pītiḥ ǀ
   harṣasva ǀ hantave ǀ śūra ǀ śatrūn ǀ ukthebhiḥ ǀ te ǀ vīryā ǀ pra ǀ bravāma ǁ

   10.112.1 Aṣṭaka 8.6.12.1Anuvāka 10.9.133Interpretations

2. Ṛk 2

   यस्ते॒ रथो॒ मन॑सो॒ जवी॑या॒नेंद्र॒ तेन॑ सोम॒पेया॑य याहि ।
   तूय॒मा ते॒ हर॑यः॒ प्र द्र॑वंतु॒ येभि॒र्यासि॒ वृष॑भि॒र्मंद॑मानः ॥

   यस् ते रथो मनसो जवीयान् एन्द्र तेन सोमपेयाय याहि |
   तूयम् आ ते हरयः प्र द्रवन्तु येभिर् यासि वृषभिर् मन्दमानः ||

   yáste rátho mánaso jávīyānéndra téna somapéyāya yāhi ǀ
   tū́yamā́ te hárayaḥ prá dravantu yébhiryā́si vṛ́ṣabhirmándamānaḥ ǁ

   yas te ratho manaso javīyān endra tena somapeyāya yāhi |
   tūyam ā te harayaḥ pra dravantu yebhir yāsi vṛṣabhir mandamānaḥ ||

   यः । ते॒ । रथः॑ । मन॑सः । जवी॑यान् । आ । इ॒न्द्र॒ । तेन॑ । सो॒म॒ऽपेया॑य । या॒हि॒ ।
   तूय॑म् । आ । ते॒ । हर॑यः । प्र । द्र॒व॒न्तु॒ । येभिः॑ । यासि॑ । वृष॑ऽभिः । मन्द॑मानः ॥

   यः । ते । रथः । मनसः । जवीयान् । आ । इन्द्र । तेन । सोमऽपेयाय । याहि ।
   तूयम् । आ । ते । हरयः । प्र । द्रवन्तु । येभिः । यासि । वृषऽभिः । मन्दमानः ॥

   yáḥ ǀ te ǀ ráthaḥ ǀ mánasaḥ ǀ jávīyān ǀ ā́ ǀ indra ǀ téna ǀ soma-péyāya ǀ yāhi ǀ
   tū́yam ǀ ā́ ǀ te ǀ hárayaḥ ǀ prá ǀ dravantu ǀ yébhiḥ ǀ yā́si ǀ vṛ́ṣa-bhiḥ ǀ mándamānaḥ ǁ

   yaḥ ǀ te ǀ rathaḥ ǀ manasaḥ ǀ javīyān ǀ ā ǀ indra ǀ tena ǀ soma-peyāya ǀ yāhi ǀ
   tūyam ǀ ā ǀ te ǀ harayaḥ ǀ pra ǀ dravantu ǀ yebhiḥ ǀ yāsi ǀ vṛṣa-bhiḥ ǀ mandamānaḥ ǁ

   10.112.2 Aṣṭaka 8.6.12.2Anuvāka 10.9.134Interpretations

3. Ṛk 3

   हरि॑त्वता॒ वर्च॑सा॒ सूर्य॑स्य॒ श्रेष्ठै॑ रू॒पैस्त॒न्वं॑ स्पर्शयस्व ।
   अ॒स्माभि॑रिंद्र॒ सखि॑भिर्हुवा॒नः स॑ध्रीची॒नो मा॑दयस्वा नि॒षद्य॑ ॥

   हरित्वता वर्चसा सूर्यस्य श्रेष्ठै रूपैस् तन्वं स्पर्शयस्व |
   अस्माभिर् इन्द्र सखिभिर् हुवानः सध्रीचीनो मादयस्वा निषद्य ||

   háritvatā várcasā sū́ryasya śréṣṭhai rūpáistanvám sparśayasva ǀ
   asmā́bhirindra sákhibhirhuvānáḥ sadhrīcīnó mādayasvā niṣádya ǁ

   haritvatā varcasā sūryasya śreṣṭhai rūpais tanvaṃ sparśayasva |
   asmābhir indra sakhibhir huvānaḥ sadhrīcīno mādayasvā niṣadya ||

   हरि॑त्वता । वर्च॑सा । सूर्य॑स्य । श्रेष्ठैः॑ । रू॒पैः । त॒न्व॑म् । स्प॒र्श॒य॒स्व॒ ।
   अ॒स्माभिः॑ । इ॒न्द्र॒ । सखि॑ऽभिः । हु॒वा॒नः । स॒ध्री॒ची॒नः । मा॒द॒य॒स्व॒ । नि॒ऽसद्य॑ ॥

   हरित्वता । वर्चसा । सूर्यस्य । श्रेष्ठैः । रूपैः । तन्वम् । स्पर्शयस्व ।
   अस्माभिः । इन्द्र । सखिऽभिः । हुवानः । सध्रीचीनः । मादयस्व । निऽसद्य ॥

   háritvatā ǀ várcasā ǀ sū́ryasya ǀ śréṣṭhaiḥ ǀ rūpáiḥ ǀ tanvám ǀ sparśayasva ǀ
   asmā́bhiḥ ǀ indra ǀ sákhi-bhiḥ ǀ huvānáḥ ǀ sadhrīcīnáḥ ǀ mādayasva ǀ ni-sádya ǁ

   haritvatā ǀ varcasā ǀ sūryasya ǀ śreṣṭhaiḥ ǀ rūpaiḥ ǀ tanvam ǀ sparśayasva ǀ
   asmābhiḥ ǀ indra ǀ sakhi-bhiḥ ǀ huvānaḥ ǀ sadhrīcīnaḥ ǀ mādayasva ǀ ni-sadya ǁ

   10.112.3 Aṣṭaka 8.6.12.3Anuvāka 10.9.135Interpretations

4. Ṛk 4

   यस्य॒ त्यत्ते॑ महि॒मानं॒ मदे॑ष्वि॒मे म॒ही रोद॑सी॒ नावि॑विक्तां ।
   तदोक॒ आ हरि॑भिरिंद्र यु॒क्तैः प्रि॒येभि॑र्याहि प्रि॒यमन्न॒मच्छ॑ ॥

   यस्य त्यत् ते महिमानम् मदेष्व् इमे मही रोदसी नाविविक्ताम् |
   तद् ओक आ हरिभिर् इन्द्र युक्तैः प्रियेभिर् याहि प्रियम् अन्नम् अच्छ ||

   yásya tyátte mahimā́nam mádeṣvimé mahī́ ródasī nā́viviktām ǀ
   tádóka ā́ háribhirindra yuktáiḥ priyébhiryāhi priyámánnamáccha ǁ

   yasya tyat te mahimānam madeṣv ime mahī rodasī nāviviktām |
   tad oka ā haribhir indra yuktaiḥ priyebhir yāhi priyam annam accha ||

   यस्य॑ । त्यत् । ते॒ । म॒हि॒मान॑म् । मदे॑षु । इ॒मे इति॑ । म॒ही इति॑ । रोद॑सी॒ इति॑ । न । अवि॑विक्ताम् ।
   तत् । ओकः॑ । आ । हरि॑ऽभिः । इ॒न्द्र॒ । यु॒क्तैः । प्रि॒येभिः॑ । या॒हि॒ । प्रि॒यम् । अन्न॑म् । अच्छ॑ ॥

   यस्य । त्यत् । ते । महिमानम् । मदेषु । इमे इति । मही इति । रोदसी इति । न । अविविक्ताम् ।
   तत् । ओकः । आ । हरिऽभिः । इन्द्र । युक्तैः । प्रियेभिः । याहि । प्रियम् । अन्नम् । अच्छ ॥

   yásya ǀ tyát ǀ te ǀ mahimā́nam ǀ mádeṣu ǀ imé íti ǀ mahī́ íti ǀ ródasī íti ǀ ná ǀ áviviktām ǀ
   tát ǀ ókaḥ ǀ ā́ ǀ hári-bhiḥ ǀ indra ǀ yuktáiḥ ǀ priyébhiḥ ǀ yāhi ǀ priyám ǀ ánnam ǀ áccha ǁ

   yasya ǀ tyat ǀ te ǀ mahimānam ǀ madeṣu ǀ ime iti ǀ mahī iti ǀ rodasī iti ǀ na ǀ aviviktām ǀ
   tat ǀ okaḥ ǀ ā ǀ hari-bhiḥ ǀ indra ǀ yuktaiḥ ǀ priyebhiḥ ǀ yāhi ǀ priyam ǀ annam ǀ accha ǁ

   10.112.4 Aṣṭaka 8.6.12.4Anuvāka 10.9.136Interpretations

5. Ṛk 5

   यस्य॒ शश्व॑त्पपि॒वाँ इं॑द्र॒ शत्रू॑ननानुकृ॒त्या रण्या॑ च॒कर्थ॑ ।
   स ते॒ पुरं॑धिं॒ तवि॑षीमियर्ति॒ स ते॒ मदा॑य सु॒त इं॑द्र॒ सोमः॑ ॥

   यस्य शश्वत् पपिवां इन्द्र शत्रून् अनानुकृत्या रण्या चकर्थ |
   स ते पुरन्धिं तविषीम् इयर्ति स ते मदाय सुत इन्द्र सोमः ||

   yásya śáśvatpapivā́m̐ indra śátrūnanānukṛtyā́ ráṇyā cakártha ǀ
   sá te púraṃdhim táviṣīmiyarti sá te mádāya sutá indra sómaḥ ǁ

   yasya śaśvat papivāṃ indra śatrūn anānukṛtyā raṇyā cakartha |
   sa te purandhiṃ taviṣīm iyarti sa te madāya suta indra somaḥ ||

   यस्य॑ । शश्व॑त् । प॒पि॒ऽवान् । इ॒न्द्र॒ । शत्रू॑न् । अ॒न॒नु॒ऽकृ॒त्या । रण्या॑ । च॒कर्थ॑ ।
   सः । ते॒ । पुर॑म्ऽधिम् । तवि॑षीम् । इ॒य॒र्ति॒ । सः । ते॒ । मदा॑य । सु॒तः । इ॒न्द्र॒ । सोमः॑ ॥

   यस्य । शश्वत् । पपिऽवान् । इन्द्र । शत्रून् । अननुऽकृत्या । रण्या । चकर्थ ।
   सः । ते । पुरम्ऽधिम् । तविषीम् । इयर्ति । सः । ते । मदाय । सुतः । इन्द्र । सोमः ॥

   yásya ǀ śáśvat ǀ papi-vā́n ǀ indra ǀ śátrūn ǀ ananu-kṛtyā́ ǀ ráṇyā ǀ cakártha ǀ
   sáḥ ǀ te ǀ púram-dhim ǀ táviṣīm ǀ iyarti ǀ sáḥ ǀ te ǀ mádāya ǀ sutáḥ ǀ indra ǀ sómaḥ ǁ

   yasya ǀ śaśvat ǀ papi-vān ǀ indra ǀ śatrūn ǀ ananu-kṛtyā ǀ raṇyā ǀ cakartha ǀ
   saḥ ǀ te ǀ puram-dhim ǀ taviṣīm ǀ iyarti ǀ saḥ ǀ te ǀ madāya ǀ sutaḥ ǀ indra ǀ somaḥ ǁ

   10.112.5 Aṣṭaka 8.6.12.5Anuvāka 10.9.137Interpretations

6. Ṛk 6

   इ॒दं ते॒ पात्रं॒ सन॑वित्तमिंद्र॒ पिबा॒ सोम॑मे॒ना श॑तक्रतो ।
   पू॒र्ण आ॑हा॒वो म॑दि॒रस्य॒ मध्वो॒ यं विश्व॒ इद॑भि॒हर्यं॑ति दे॒वाः ॥

   इदं ते पात्रं सनवित्तम् इन्द्र पिबा सोमम् एना शतक्रतो |
   पूर्ण आहावो मदिरस्य मध्वो यं विश्व इद् अभिहर्यन्ति देवाः ||

   idám te pā́tram sánavittamindra píbā sómamenā́ śatakrato ǀ
   pūrṇá āhāvó madirásya mádhvo yám víśva ídabhiháryanti devā́ḥ ǁ

   idaṃ te pātraṃ sanavittam indra pibā somam enā śatakrato |
   pūrṇa āhāvo madirasya madhvo yaṃ viśva id abhiharyanti devāḥ ||

   इ॒दम् । ते॒ । पात्र॑म् । सन॑ऽवित्तम् । इ॒न्द्र॒ । पिब॑ । सोम॑म् । ए॒ना । श॒त॒क्र॒तो॒ इति॑ शतऽक्रतो ।
   पू॒र्णः । आ॒ऽहा॒वः । म॒दि॒रस्य॑ । मध्वः॑ । यम् । विश्वे॑ । इत् । अ॒भि॒ऽहर्य॑न्ति । दे॒वाः ॥

   इदम् । ते । पात्रम् । सनऽवित्तम् । इन्द्र । पिब । सोमम् । एना । शतक्रतो इति शतऽक्रतो ।
   पूर्णः । आऽहावः । मदिरस्य । मध्वः । यम् । विश्वे । इत् । अभिऽहर्यन्ति । देवाः ॥

   idám ǀ te ǀ pā́tram ǀ sána-vittam ǀ indra ǀ píba ǀ sómam ǀ enā́ ǀ śatakrato íti śata-krato ǀ
   pūrṇáḥ ǀ ā-hāváḥ ǀ madirásya ǀ mádhvaḥ ǀ yám ǀ víśve ǀ ít ǀ abhi-háryanti ǀ devā́ḥ ǁ

   idam ǀ te ǀ pātram ǀ sana-vittam ǀ indra ǀ piba ǀ somam ǀ enā ǀ śatakrato iti śata-krato ǀ
   pūrṇaḥ ǀ ā-hāvaḥ ǀ madirasya ǀ madhvaḥ ǀ yam ǀ viśve ǀ it ǀ abhi-haryanti ǀ devāḥ ǁ

   10.112.6 Aṣṭaka 8.6.13.1Anuvāka 10.9.138Interpretations

7. Ṛk 7

   वि हि त्वामिं॑द्र पुरु॒धा जना॑सो हि॒तप्र॑यसो वृषभ॒ ह्वयं॑ते ।
   अ॒स्माकं॑ ते॒ मधु॑मत्तमानी॒मा भु॑व॒न्त्सव॑ना॒ तेषु॑ हर्य ॥

   वि हि त्वाम् इन्द्र पुरुधा जनासो हितप्रयसो वृषभ ह्वयन्ते |
   अस्माकं ते मधुमत्तमानीमा भुवन् सवना तेषु हर्य ||

   ví hí tvā́mindra purudhā́ jánāso hitáprayaso vṛṣabha hváyante ǀ
   asmā́kam te mádhumattamānīmā́ bhuvantsávanā téṣu harya ǁ

   vi hi tvām indra purudhā janāso hitaprayaso vṛṣabha hvayante |
   asmākaṃ te madhumattamānīmā bhuvan savanā teṣu harya ||

   वि । हि । त्वाम् । इ॒न्द्र॒ । पु॒रु॒धा । जना॑सः । हि॒तऽप्र॑यसः । वृ॒ष॒भ॒ । ह्वय॑न्ते ।
   अ॒स्माक॑म् । ते॒ । मधु॑मत्ऽतमानि । इ॒मा । भु॒व॒न् । सव॑ना । तेषु॑ । ह॒र्य॒ ॥

   वि । हि । त्वाम् । इन्द्र । पुरुधा । जनासः । हितऽप्रयसः । वृषभ । ह्वयन्ते ।
   अस्माकम् । ते । मधुमत्ऽतमानि । इमा । भुवन् । सवना । तेषु । हर्य ॥

   ví ǀ hí ǀ tvā́m ǀ indra ǀ purudhā́ ǀ jánāsaḥ ǀ hitá-prayasaḥ ǀ vṛṣabha ǀ hváyante ǀ
   asmā́kam ǀ te ǀ mádhumat-tamāni ǀ imā́ ǀ bhuvan ǀ sávanā ǀ téṣu ǀ harya ǁ

   vi ǀ hi ǀ tvām ǀ indra ǀ purudhā ǀ janāsaḥ ǀ hita-prayasaḥ ǀ vṛṣabha ǀ hvayante ǀ
   asmākam ǀ te ǀ madhumat-tamāni ǀ imā ǀ bhuvan ǀ savanā ǀ teṣu ǀ harya ǁ

   10.112.7 Aṣṭaka 8.6.13.2Anuvāka 10.9.139Interpretations

8. Ṛk 8

   प्र त॑ इंद्र पू॒र्व्याणि॒ प्र नू॒नं वी॒र्या॑ वोचं प्रथ॒मा कृ॒तानि॑ ।
   स॒ती॒नम॑न्युरश्रथायो॒ अद्रिं॑ सुवेद॒नाम॑कृणो॒र्ब्रह्म॑णे॒ गां ॥

   प्र त इन्द्र पूर्व्याणि प्र नूनं वीर्या वोचम् प्रथमा कृतानि |
   सतीनमन्युर् अश्रथायो अद्रिं सुवेदनाम् अकृणोर् ब्रह्मणे गाम् ||

   prá ta indra pūrvyā́ṇi prá nūnám vīryā́ vocam prathamā́ kṛtā́ni ǀ
   satīnámanyuraśrathāyo ádrim suvedanā́makṛṇorbráhmaṇe gā́m ǁ

   pra ta indra pūrvyāṇi pra nūnaṃ vīryā vocam prathamā kṛtāni |
   satīnamanyur aśrathāyo adriṃ suvedanām akṛṇor brahmaṇe gām ||

   प्र । ते॒ । इ॒न्द्र॒ । पू॒र्व्याणि॑ । प्र । नू॒नम् । वी॒र्या॑ । वो॒च॒म् । प्र॒थ॒मा । कृ॒तानि॑ ।
   स॒ती॒नऽम॑न्युः । अ॒श्र॒थ॒यः॒ । अद्रि॑म् । सु॒ऽवे॒द॒नाम् । अ॒कृ॒णोः॒ । ब्रह्म॑णे । गाम् ॥

   प्र । ते । इन्द्र । पूर्व्याणि । प्र । नूनम् । वीर्या । वोचम् । प्रथमा । कृतानि ।
   सतीनऽमन्युः । अश्रथयः । अद्रिम् । सुऽवेदनाम् । अकृणोः । ब्रह्मणे । गाम् ॥

   prá ǀ te ǀ indra ǀ pūrvyā́ṇi ǀ prá ǀ nūnám ǀ vīryā́ ǀ vocam ǀ prathamā́ ǀ kṛtā́ni ǀ
   satīná-manyuḥ ǀ aśrathayaḥ ǀ ádrim ǀ su-vedanā́m ǀ akṛṇoḥ ǀ bráhmaṇe ǀ gā́m ǁ

   pra ǀ te ǀ indra ǀ pūrvyāṇi ǀ pra ǀ nūnam ǀ vīryā ǀ vocam ǀ prathamā ǀ kṛtāni ǀ
   satīna-manyuḥ ǀ aśrathayaḥ ǀ adrim ǀ su-vedanām ǀ akṛṇoḥ ǀ brahmaṇe ǀ gām ǁ

   10.112.8 Aṣṭaka 8.6.13.3Anuvāka 10.9.140Interpretations

9. Ṛk 9

   नि षु सी॑द गणपते ग॒णेषु॒ त्वामा॑हु॒र्विप्र॑तमं कवी॒नां ।
   न ऋ॒ते त्वत्क्रि॑यते॒ किं च॒नारे म॒हाम॒र्कं म॑घवंचि॒त्रम॑र्च ॥

   नि षु सीद गणपते गणेषु त्वाम् आहुर् विप्रतमं कवीनाम् |
   न ऋते त्वत् क्रियते किं चनारे महाम् अर्कम् मघवञ् चित्रम् अर्च ||

   ní ṣú sīda gaṇapate gaṇéṣu tvā́māhurvípratamam kavīnā́m ǀ
   ná ṛté tvátkriyate kím canā́ré mahā́markám maghavañcitrámarca ǁ

   ni ṣu sīda gaṇapate gaṇeṣu tvām āhur vipratamaṃ kavīnām |
   na ṛte tvat kriyate kiṃ canāre mahām arkam maghavañ citram arca ||

   नि । सु । सी॒द॒ । ग॒ण॒ऽप॒ते॒ । ग॒णेषु॑ । त्वाम् । आ॒हुः॒ । विप्र॑ऽतमम् । क॒वी॒नाम् ।
   न । ऋ॒ते । त्वत् । क्रि॒य॒ते॒ । किम् । च॒न । आ॒रे । म॒हाम् । अ॒र्कम् । म॒घ॒ऽव॒न् । चि॒त्रम् । अ॒र्च॒ ॥

   नि । सु । सीद । गणऽपते । गणेषु । त्वाम् । आहुः । विप्रऽतमम् । कवीनाम् ।
   न । ऋते । त्वत् । क्रियते । किम् । चन । आरे । महाम् । अर्कम् । मघऽवन् । चित्रम् । अर्च ॥

   ní ǀ sú ǀ sīda ǀ gaṇa-pate ǀ gaṇéṣu ǀ tvā́m ǀ āhuḥ ǀ vípra-tamam ǀ kavīnā́m ǀ
   ná ǀ ṛté ǀ tvát ǀ kriyate ǀ kím ǀ caná ǀ āré ǀ mahā́m ǀ arkám ǀ magha-van ǀ citrám ǀ arca ǁ

   ni ǀ su ǀ sīda ǀ gaṇa-pate ǀ gaṇeṣu ǀ tvām ǀ āhuḥ ǀ vipra-tamam ǀ kavīnām ǀ
   na ǀ ṛte ǀ tvat ǀ kriyate ǀ kim ǀ cana ǀ āre ǀ mahām ǀ arkam ǀ magha-van ǀ citram ǀ arca ǁ

   10.112.9 Aṣṭaka 8.6.13.4Anuvāka 10.9.141Interpretations

10. Ṛk 10

    अ॒भि॒ख्या नो॑ मघव॒न्नाध॑माना॒न्त्सखे॑ बो॒धि व॑सुपते॒ सखी॑नां ।
    रणं॑ कृधि रणकृत्सत्यशु॒ष्माभ॑क्ते चि॒दा भ॑जा रा॒ये अ॒स्मान् ॥

    अभिख्या नो मघवन् नाधमानान् सखे बोधि वसुपते सखीनाम् |
    रणं कृधि रणकृत् सत्यशुष्माभक्ते चिद् आ भजा राये अस्मान् ||

    abhikhyā́ no maghavannā́dhamānāntsákhe bodhí vasupate sákhīnām ǀ
    ráṇam kṛdhi raṇakṛtsatyaśuṣmā́bhakte cidā́ bhajā rāyé asmā́n ǁ

    abhikhyā no maghavan nādhamānān sakhe bodhi vasupate sakhīnām |
    raṇaṃ kṛdhi raṇakṛt satyaśuṣmābhakte cid ā bhajā rāye asmān ||

    अ॒भि॒ऽख्या । नः॒ । म॒घ॒ऽव॒न् । नाध॑मानान् । सखे॑ । बो॒धि । व॒सु॒ऽप॒ते॒ । सखी॑नाम् ।
    रण॑म् । कृ॒धि॒ । र॒ण॒ऽकृ॒त् । स॒त्य॒ऽशु॒ष्म॒ । अभ॑क्ते । चि॒त् । आ । भ॒ज॒ । रा॒ये । अ॒स्मान् ॥

    अभिऽख्या । नः । मघऽवन् । नाधमानान् । सखे । बोधि । वसुऽपते । सखीनाम् ।
    रणम् । कृधि । रणऽकृत् । सत्यऽशुष्म । अभक्ते । चित् । आ । भज । राये । अस्मान् ॥

    abhi-khyā́ ǀ naḥ ǀ magha-van ǀ nā́dhamānān ǀ sákhe ǀ bodhí ǀ vasu-pate ǀ sákhīnām ǀ
    ráṇam ǀ kṛdhi ǀ raṇa-kṛt ǀ satya-śuṣma ǀ ábhakte ǀ cit ǀ ā́ ǀ bhaja ǀ rāyé ǀ asmā́n ǁ

    abhi-khyā ǀ naḥ ǀ magha-van ǀ nādhamānān ǀ sakhe ǀ bodhi ǀ vasu-pate ǀ sakhīnām ǀ
    raṇam ǀ kṛdhi ǀ raṇa-kṛt ǀ satya-śuṣma ǀ abhakte ǀ cit ǀ ā ǀ bhaja ǀ rāye ǀ asmān ǁ

    10.112.10 Aṣṭaka 8.6.13.5Anuvāka 10.9.142Interpretations

Text, recitation and interpretations from the Ṛgveda database of theveda.org.in.