Devatā देवता

Indra

Ṛṣi ऋषि

Kṛṣṇa Āṅgirasa

Chandas छन्दस्

Jagatī, Triṣṭubh

1. Ṛk 1

   अच्छा॑ म॒ इंद्रं॑ म॒तयः॑ स्व॒र्विदः॑ स॒ध्रीची॒र्विश्वा॑ उश॒तीर॑नूषत ।
   परि॑ ष्वजंते॒ जन॑यो॒ यथा॒ पतिं॒ मर्यं॒ न शुं॒ध्युं म॒घवा॑नमू॒तये॑ ॥

   अच्छा म इन्द्रम् मतयः स्वर्विदः सध्रीचीर् विश्वा उशतीर् अनूषत |
   परि ष्वजन्ते जनयो यथा पतिम् मर्यं न शुन्ध्युम् मघवानम् ऊतये ||

   ácchā ma índram matáyaḥ svarvídaḥ sadhrī́cīrvíśvā uśatī́ranūṣata ǀ
   pári ṣvajante jánayo yáthā pátim máryam ná śundhyúm maghávānamūtáye ǁ

   acchā ma indram matayaḥ svarvidaḥ sadhrīcīr viśvā uśatīr anūṣata |
   pari ṣvajante janayo yathā patim maryaṃ na śundhyum maghavānam ūtaye ||

   अच्छ॑ । मे॒ । इन्द्र॑म् । म॒तयः॑ । स्वः॒ऽविदः॑ । स॒ध्रीचीः॑ । विश्वाः॑ । उ॒श॒तीः । अ॒नू॒ष॒त॒ ।
   परि॑ । स्व॒ज॒न्ते॒ । जन॑यः । यथा॑ । पति॑म् । मर्य॑म् । न । शु॒न्ध्युम् । म॒घऽवा॑नम् । ऊ॒तये॑ ॥

   अच्छ । मे । इन्द्रम् । मतयः । स्वःऽविदः । सध्रीचीः । विश्वाः । उशतीः । अनूषत ।
   परि । स्वजन्ते । जनयः । यथा । पतिम् । मर्यम् । न । शुन्ध्युम् । मघऽवानम् । ऊतये ॥

   áccha ǀ me ǀ índram ǀ matáyaḥ ǀ svaḥ-vídaḥ ǀ sadhrī́cīḥ ǀ víśvāḥ ǀ uśatī́ḥ ǀ anūṣata ǀ
   pári ǀ svajante ǀ jánayaḥ ǀ yáthā ǀ pátim ǀ máryam ǀ ná ǀ śundhyúm ǀ maghá-vānam ǀ ūtáye ǁ

   accha ǀ me ǀ indram ǀ matayaḥ ǀ svaḥ-vidaḥ ǀ sadhrīcīḥ ǀ viśvāḥ ǀ uśatīḥ ǀ anūṣata ǀ
   pari ǀ svajante ǀ janayaḥ ǀ yathā ǀ patim ǀ maryam ǀ na ǀ śundhyum ǀ magha-vānam ǀ ūtaye ǁ

   10.43.1 Aṣṭaka 7.8.24.1Anuvāka 10.4.1Interpretations

2. Ṛk 2

   न घा॑ त्व॒द्रिगप॑ वेति मे॒ मन॒स्त्वे इत्कामं॑ पुरुहूत शिश्रय ।
   राजे॑व दस्म॒ नि ष॒दोऽधि॑ ब॒र्हिष्य॒स्मिन्त्सु सोमे॑ऽव॒पान॑मस्तु ते ॥

   न घा त्वद्रिग् अप वेति मे मनस् त्वे इत् कामम् पुरुहूत शिश्रय |
   राजेव दस्म नि षदो ऽधि बर्हिष्य् अस्मिन् सु सोमे ऽवपानम् अस्तु ते ||

   ná ghā tvadrígápa veti me mánastvé ítkā́mam puruhūta śiśraya ǀ
   rā́jeva dasma ní ṣadó’dhi barhíṣyasmíntsú sóme’vapā́namastu te ǁ

   na ghā tvadrig apa veti me manas tve it kāmam puruhūta śiśraya |
   rājeva dasma ni ṣado 'dhi barhiṣy asmin su some 'vapānam astu te ||

   न । घ॒ । त्व॒द्रिक् । अप॑ । वे॒ति॒ । मे॒ । मनः॑ । त्वे इति॑ । इत् । काम॑म् । पु॒रु॒ऽहू॒त॒ । शि॒श्र॒य॒ ।
   राजा॑ऽइव । द॒स्म॒ । नि । स॒दः॒ । अधि॑ । ब॒र्हिषि॑ । अ॒स्मिन् । सु । सोमे॑ । अ॒व॒ऽपान॑म् । अ॒स्तु॒ । ते॒ ॥

   न । घ । त्वद्रिक् । अप । वेति । मे । मनः । त्वे इति । इत् । कामम् । पुरुऽहूत । शिश्रय ।
   राजाऽइव । दस्म । नि । सदः । अधि । बर्हिषि । अस्मिन् । सु । सोमे । अवऽपानम् । अस्तु । ते ॥

   ná ǀ gha ǀ tvadrík ǀ ápa ǀ veti ǀ me ǀ mánaḥ ǀ tvé íti ǀ ít ǀ kā́mam ǀ puru-hūta ǀ śiśraya ǀ
   rā́jā-iva ǀ dasma ǀ ní ǀ sadaḥ ǀ ádhi ǀ barhíṣi ǀ asmín ǀ sú ǀ sóme ǀ ava-pā́nam ǀ astu ǀ te ǁ

   na ǀ gha ǀ tvadrik ǀ apa ǀ veti ǀ me ǀ manaḥ ǀ tve iti ǀ it ǀ kāmam ǀ puru-hūta ǀ śiśraya ǀ
   rājā-iva ǀ dasma ǀ ni ǀ sadaḥ ǀ adhi ǀ barhiṣi ǀ asmin ǀ su ǀ some ǀ ava-pānam ǀ astu ǀ te ǁ

   10.43.2 Aṣṭaka 7.8.24.2Anuvāka 10.4.2Interpretations

3. Ṛk 3

   वि॒षू॒वृदिंद्रो॒ अम॑तेरु॒त क्षु॒धः स इद्रा॒यो म॒घवा॒ वस्व॑ ईशते ।
   तस्येदि॒मे प्र॑व॒णे स॒प्त सिंध॑वो॒ वयो॑ वर्धंति वृष॒भस्य॑ शु॒ष्मिणः॑ ॥

   विषूवृद् इन्द्रो अमतेर् उत क्षुधः स इद् रायो मघवा वस्व ईशते |
   तस्येद् इमे प्रवणे सप्त सिन्धवो वयो वर्धन्ति वृषभस्य शुष्मिणः ||

   viṣūvṛ́díndro ámaterutá kṣudháḥ sá ídrāyó maghávā vásva īśate ǀ
   tásyédimé pravaṇé saptá síndhavo váyo vardhanti vṛṣabhásya śuṣmíṇaḥ ǁ

   viṣūvṛd indro amater uta kṣudhaḥ sa id rāyo maghavā vasva īśate |
   tasyed ime pravaṇe sapta sindhavo vayo vardhanti vṛṣabhasya śuṣmiṇaḥ ||

   वि॒षु॒ऽवृत् । इन्द्रः॑ । अम॑तेः । उ॒त । क्षु॒धः । सः । इत् । रा॒यः । म॒घऽवा॑ । वस्वः॑ । ई॒श॒ते॒ ।
   तस्य॑ । इत् । इ॒मे । प्र॒व॒णे । स॒प्त । सिन्ध॑वः । वयः॑ । व॒र्ध॒न्ति॒ । वृ॒ष॒भस्य॑ । शु॒ष्मिणः॑ ॥

   विषुऽवृत् । इन्द्रः । अमतेः । उत । क्षुधः । सः । इत् । रायः । मघऽवा । वस्वः । ईशते ।
   तस्य । इत् । इमे । प्रवणे । सप्त । सिन्धवः । वयः । वर्धन्ति । वृषभस्य । शुष्मिणः ॥

   viṣu-vṛ́t ǀ índraḥ ǀ ámateḥ ǀ utá ǀ kṣudháḥ ǀ sáḥ ǀ ít ǀ rāyáḥ ǀ maghá-vā ǀ vásvaḥ ǀ īśate ǀ
   tásya ǀ ít ǀ imé ǀ pravaṇé ǀ saptá ǀ síndhavaḥ ǀ váyaḥ ǀ vardhanti ǀ vṛṣabhásya ǀ śuṣmíṇaḥ ǁ

   viṣu-vṛt ǀ indraḥ ǀ amateḥ ǀ uta ǀ kṣudhaḥ ǀ saḥ ǀ it ǀ rāyaḥ ǀ magha-vā ǀ vasvaḥ ǀ īśate ǀ
   tasya ǀ it ǀ ime ǀ pravaṇe ǀ sapta ǀ sindhavaḥ ǀ vayaḥ ǀ vardhanti ǀ vṛṣabhasya ǀ śuṣmiṇaḥ ǁ

   10.43.3 Aṣṭaka 7.8.24.3Anuvāka 10.4.3Interpretations

4. Ṛk 4

   वयो॒ न वृ॒क्षं सु॑पला॒शमास॑द॒न्त्सोमा॑स॒ इंद्रं॑ मं॒दिन॑श्चमू॒षदः॑ ।
   प्रैषा॒मनी॑कं॒ शव॑सा॒ दवि॑द्युतद्वि॒दत्स्व१॒॑र्मन॑वे॒ ज्योति॒रार्यं॑ ॥

   वयो न वृक्षं सुपलाशम् आसदन् सोमास इन्द्रम् मन्दिनश् चमूषदः |
   प्रैषाम् अनीकं शवसा दविद्युतद् विदत् स्वर् मनवे ज्योतिर् आर्यम् ||

   váyo ná vṛkṣám supalāśámā́sadantsómāsa índram mandínaścamūṣádaḥ ǀ
   práiṣāmánīkam śávasā dávidyutadvidátsvármánave jyótirā́ryam ǁ

   vayo na vṛkṣaṃ supalāśam āsadan somāsa indram mandinaś camūṣadaḥ |
   praiṣām anīkaṃ śavasā davidyutad vidat svar manave jyotir āryam ||

   वयः॑ । न । वृ॒क्षम् । सु॒ऽप॒ला॒शम् । आ । अ॒स॒द॒न् । सोमा॑सः । इन्द्र॑म् । म॒न्दिनः॑ । च॒मू॒ऽसदः॑ ।
   प्र । ए॒षा॒म् । अनी॑कम् । शव॑सा । दवि॑द्युतत् । वि॒दत् । स्वः॑ । मन॑वे । ज्योतिः॑ । आर्य॑म् ॥

   वयः । न । वृक्षम् । सुऽपलाशम् । आ । असदन् । सोमासः । इन्द्रम् । मन्दिनः । चमूऽसदः ।
   प्र । एषाम् । अनीकम् । शवसा । दविद्युतत् । विदत् । स्वः । मनवे । ज्योतिः । आर्यम् ॥

   váyaḥ ǀ ná ǀ vṛkṣám ǀ su-palāśám ǀ ā́ ǀ asadan ǀ sómāsaḥ ǀ índram ǀ mandínaḥ ǀ camū-sádaḥ ǀ
   prá ǀ eṣām ǀ ánīkam ǀ śávasā ǀ dávidyutat ǀ vidát ǀ sváḥ ǀ mánave ǀ jyótiḥ ǀ ā́ryam ǁ

   vayaḥ ǀ na ǀ vṛkṣam ǀ su-palāśam ǀ ā ǀ asadan ǀ somāsaḥ ǀ indram ǀ mandinaḥ ǀ camū-sadaḥ ǀ
   pra ǀ eṣām ǀ anīkam ǀ śavasā ǀ davidyutat ǀ vidat ǀ svaḥ ǀ manave ǀ jyotiḥ ǀ āryam ǁ

   10.43.4 Aṣṭaka 7.8.24.4Anuvāka 10.4.4Interpretations

5. Ṛk 5

   कृ॒तं न श्व॒घ्नी वि चि॑नोति॒ देव॑ने सं॒वर्गं॒ यन्म॒घवा॒ सूर्यं॒ जय॑त् ।
   न तत्ते॑ अ॒न्यो अनु॑ वी॒र्यं॑ शक॒न्न पु॑रा॒णो म॑घव॒न्नोत नूत॑नः ॥

   कृतं न श्वघ्नी वि चिनोति देवने संवर्गं यन् मघवा सूर्यं जयत् |
   न तत् ते अन्यो अनु वीर्यं शकन् न पुराणो मघवन् नोत नूतनः ||

   kṛtám ná śvaghnī́ ví cinoti dévane saṃvárgam yánmaghávā sū́ryam jáyat ǀ
   ná tátte anyó ánu vīryám śakanná purāṇó maghavannótá nū́tanaḥ ǁ

   kṛtaṃ na śvaghnī vi cinoti devane saṃvargaṃ yan maghavā sūryaṃ jayat |
   na tat te anyo anu vīryaṃ śakan na purāṇo maghavan nota nūtanaḥ ||

   कृ॒तम् । न । श्व॒ऽघ्नी । वि । चि॒नो॒ति॒ । देव॑ने । स॒म्ऽवर्ग॑म् । यत् । म॒घऽवा॑ । सूर्य॑म् । जय॑त् ।
   न । तत् । ते॒ । अ॒न्यः । अनु॑ । वी॒र्य॑म् । श॒क॒त् । न । पु॒रा॒णः । म॒घ॒ऽव॒न् । न । उ॒त । नूत॑नः ॥

   कृतम् । न । श्वऽघ्नी । वि । चिनोति । देवने । सम्ऽवर्गम् । यत् । मघऽवा । सूर्यम् । जयत् ।
   न । तत् । ते । अन्यः । अनु । वीर्यम् । शकत् । न । पुराणः । मघऽवन् । न । उत । नूतनः ॥

   kṛtám ǀ ná ǀ śva-ghnī́ ǀ ví ǀ cinoti ǀ dévane ǀ sam-várgam ǀ yát ǀ maghá-vā ǀ sū́ryam ǀ jáyat ǀ
   ná ǀ tát ǀ te ǀ anyáḥ ǀ ánu ǀ vīryám ǀ śakat ǀ ná ǀ purāṇáḥ ǀ magha-van ǀ ná ǀ utá ǀ nū́tanaḥ ǁ

   kṛtam ǀ na ǀ śva-ghnī ǀ vi ǀ cinoti ǀ devane ǀ sam-vargam ǀ yat ǀ magha-vā ǀ sūryam ǀ jayat ǀ
   na ǀ tat ǀ te ǀ anyaḥ ǀ anu ǀ vīryam ǀ śakat ǀ na ǀ purāṇaḥ ǀ magha-van ǀ na ǀ uta ǀ nūtanaḥ ǁ

   10.43.5 Aṣṭaka 7.8.24.5Anuvāka 10.4.5Interpretations

6. Ṛk 6

   विशं॑विशं म॒घवा॒ पर्य॑शायत॒ जना॑नां॒ धेना॑ अव॒चाक॑श॒द्वृषा॑ ।
   यस्याह॑ श॒क्रः सव॑नेषु॒ रण्य॑ति॒ स ती॒व्रैः सोमैः॑ सहते पृतन्य॒तः ॥

   विशं-विशम् मघवा पर्य् अशायत जनानां धेना अवचाकशद् वृषा |
   यस्याह शक्रः सवनेषु रण्यति स तीव्रैः सोमैः सहते पृतन्यतः ||

   víśaṃviśam maghávā páryaśāyata jánānām dhénā avacā́kaśadvṛ́ṣā ǀ
   yásyā́ha śakráḥ sávaneṣu ráṇyati sá tīvráiḥ sómaiḥ sahate pṛtanyatáḥ ǁ

   viśaṃ-viśam maghavā pary aśāyata janānāṃ dhenā avacākaśad vṛṣā |
   yasyāha śakraḥ savaneṣu raṇyati sa tīvraiḥ somaiḥ sahate pṛtanyataḥ ||

   विश॑म्ऽविशम् । म॒घऽवा॑ । परि॑ । अ॒शा॒य॒त॒ । जना॑नाम् । धेनाः॑ । अ॒व॒ऽचाक॑शत् । वृषा॑ ।
   यस्य॑ । अह॑ । श॒क्रः । सव॑नेषु । रण्य॑ति । सः । ती॒व्रैः । सोमैः॑ । स॒ह॒ते॒ । पृ॒त॒न्य॒तः ॥

   विशम्ऽविशम् । मघऽवा । परि । अशायत । जनानाम् । धेनाः । अवऽचाकशत् । वृषा ।
   यस्य । अह । शक्रः । सवनेषु । रण्यति । सः । तीव्रैः । सोमैः । सहते । पृतन्यतः ॥

   víśam-viśam ǀ maghá-vā ǀ pári ǀ aśāyata ǀ jánānām ǀ dhénāḥ ǀ ava-cā́kaśat ǀ vṛ́ṣā ǀ
   yásya ǀ áha ǀ śakráḥ ǀ sávaneṣu ǀ ráṇyati ǀ sáḥ ǀ tīvráiḥ ǀ sómaiḥ ǀ sahate ǀ pṛtanyatáḥ ǁ

   viśam-viśam ǀ magha-vā ǀ pari ǀ aśāyata ǀ janānām ǀ dhenāḥ ǀ ava-cākaśat ǀ vṛṣā ǀ
   yasya ǀ aha ǀ śakraḥ ǀ savaneṣu ǀ raṇyati ǀ saḥ ǀ tīvraiḥ ǀ somaiḥ ǀ sahate ǀ pṛtanyataḥ ǁ

   10.43.6 Aṣṭaka 7.8.25.1Anuvāka 10.4.6Interpretations

7. Ṛk 7

   आपो॒ न सिंधु॑म॒भि यत्स॒मक्ष॑र॒न्त्सोमा॑स॒ इंद्रं॑ कु॒ल्या इ॑व ह्र॒दं ।
   वर्धं॑ति॒ विप्रा॒ महो॑ अस्य॒ साद॑ने॒ यवं॒ न वृ॒ष्टिर्दि॒व्येन॒ दानु॑ना ॥

   आपो न सिन्धुम् अभि यत् समक्षरन् सोमास इन्द्रं कुल्या इव ह्रदम् |
   वर्धन्ति विप्रा महो अस्य सादने यवं न वृष्टिर् दिव्येन दानुना ||

   ā́po ná síndhumabhí yátsamákṣarantsómāsa índram kulyā́ iva hradám ǀ
   várdhanti víprā máho asya sā́dane yávam ná vṛṣṭírdivyéna dā́nunā ǁ

   āpo na sindhum abhi yat samakṣaran somāsa indraṃ kulyā iva hradam |
   vardhanti viprā maho asya sādane yavaṃ na vṛṣṭir divyena dānunā ||

   आपः॑ । न । सिन्धु॑म् । अ॒भि । यत् । स॒म्ऽअक्ष॑रन् । सोमा॑सः । इन्द्र॑म् । कु॒ल्याःऽइ॑व । ह्र॒दम् ।
   वर्ध॑न्ति । विप्राः॑ । महः॑ । अ॒स्य॒ । सद॑ने । यव॑म् । न । वृ॒ष्टिः । दि॒व्येन॑ । दानु॑ना ॥

   आपः । न । सिन्धुम् । अभि । यत् । सम्ऽअक्षरन् । सोमासः । इन्द्रम् । कुल्याःऽइव । ह्रदम् ।
   वर्धन्ति । विप्राः । महः । अस्य । सदने । यवम् । न । वृष्टिः । दिव्येन । दानुना ॥

   ā́paḥ ǀ ná ǀ síndhum ǀ abhí ǀ yát ǀ sam-ákṣaran ǀ sómāsaḥ ǀ índram ǀ kulyā́ḥ-iva ǀ hradám ǀ
   várdhanti ǀ víprāḥ ǀ máhaḥ ǀ asya ǀ sádane ǀ yávam ǀ ná ǀ vṛṣṭíḥ ǀ divyéna ǀ dā́nunā ǁ

   āpaḥ ǀ na ǀ sindhum ǀ abhi ǀ yat ǀ sam-akṣaran ǀ somāsaḥ ǀ indram ǀ kulyāḥ-iva ǀ hradam ǀ
   vardhanti ǀ viprāḥ ǀ mahaḥ ǀ asya ǀ sadane ǀ yavam ǀ na ǀ vṛṣṭiḥ ǀ divyena ǀ dānunā ǁ

   10.43.7 Aṣṭaka 7.8.25.2Anuvāka 10.4.7Interpretations

8. Ṛk 8

   वृषा॒ न क्रु॒द्धः प॑तय॒द्रज॒स्स्वा यो अ॒र्यप॑त्नी॒रकृ॑णोदि॒मा अ॒पः ।
   स सु॑न्व॒ते म॒घवा॑ जी॒रदा॑न॒वेऽविं॑द॒ज्ज्योति॒र्मन॑वे ह॒विष्म॑ते ॥

   वृषा न क्रुद्धः पतयद् रजस्स्व् आ यो अर्यपत्नीर् अकृणोद् इमा अपः |
   स सुन्वते मघवा जीरदानवे ऽविन्दज् ज्योतिर् मनवे हविष्मते ||

   vṛ́ṣā ná kruddháḥ patayadrájassvā́ yó aryápatnīrákṛṇodimā́ apáḥ ǀ
   sá sunvaté maghávā jīrádānavé’vindajjyótirmánave havíṣmate ǁ

   vṛṣā na kruddhaḥ patayad rajassv ā yo aryapatnīr akṛṇod imā apaḥ |
   sa sunvate maghavā jīradānave 'vindaj jyotir manave haviṣmate ||

   वृषा॑ । न । क्रु॒द्धः । प॒त॒य॒त् । रजः॑ऽसु । आ । यः । अ॒र्यऽप॑त्नीः । अकृ॑णोत् । इ॒माः । अ॒पः ।
   सः । सु॒न्व॒ते । म॒घऽवा॑ । जी॒रऽदा॑नवे । अवि॑न्दत् । ज्योतिः॑ । मन॑वे । ह॒विष्म॑ते ॥

   वृषा । न । क्रुद्धः । पतयत् । रजःऽसु । आ । यः । अर्यऽपत्नीः । अकृणोत् । इमाः । अपः ।
   सः । सुन्वते । मघऽवा । जीरऽदानवे । अविन्दत् । ज्योतिः । मनवे । हविष्मते ॥

   vṛ́ṣā ǀ ná ǀ kruddháḥ ǀ patayat ǀ rájaḥ-su ǀ ā́ ǀ yáḥ ǀ aryá-patnīḥ ǀ ákṛṇot ǀ imā́ḥ ǀ apáḥ ǀ
   sáḥ ǀ sunvaté ǀ maghá-vā ǀ jīrá-dānave ǀ ávindat ǀ jyótiḥ ǀ mánave ǀ havíṣmate ǁ

   vṛṣā ǀ na ǀ kruddhaḥ ǀ patayat ǀ rajaḥ-su ǀ ā ǀ yaḥ ǀ arya-patnīḥ ǀ akṛṇot ǀ imāḥ ǀ apaḥ ǀ
   saḥ ǀ sunvate ǀ magha-vā ǀ jīra-dānave ǀ avindat ǀ jyotiḥ ǀ manave ǀ haviṣmate ǁ

   10.43.8 Aṣṭaka 7.8.25.3Anuvāka 10.4.8Interpretations

9. Ṛk 9

   उज्जा॑यतां पर॒शुर्ज्योति॑षा स॒ह भू॒या ऋ॒तस्य॑ सु॒दुघा॑ पुराण॒वत् ।
   वि रो॑चतामरु॒षो भा॒नुना॒ शुचिः॒ स्व१॒॑र्ण शु॒क्रं शु॑शुचीत॒ सत्प॑तिः ॥

   उज् जायताम् परशुर् ज्योतिषा सह भूया ऋतस्य सुदुघा पुराणवत् |
   वि रोचताम् अरुषो भानुना शुचिः स्वर् ण शुक्रं शुशुचीत सत्पतिः ||

   újjāyatām paraśúrjyótiṣā sahá bhūyā́ ṛtásya sudúghā purāṇavát ǀ
   ví rocatāmaruṣó bhānúnā śúciḥ svárṇá śukrám śuśucīta sátpatiḥ ǁ

   uj jāyatām paraśur jyotiṣā saha bhūyā ṛtasya sudughā purāṇavat |
   vi rocatām aruṣo bhānunā śuciḥ svar ṇa śukraṃ śuśucīta satpatiḥ ||

   उत् । जा॒य॒ता॒म् । प॒र॒शुः । ज्योति॑षा । स॒ह । भू॒याः । ऋ॒तस्य॑ । सु॒ऽदुघा॑ । पु॒रा॒ण॒ऽवत् ।
   वि । रो॒च॒ता॒म् । अ॒रु॒षः । भा॒नुना॑ । शुचिः॑ । स्वः॑ । न । शु॒क्रम् । शु॒शु॒ची॒त॒ । सत्ऽप॑तिः ॥

   उत् । जायताम् । परशुः । ज्योतिषा । सह । भूयाः । ऋतस्य । सुऽदुघा । पुराणऽवत् ।
   वि । रोचताम् । अरुषः । भानुना । शुचिः । स्वः । न । शुक्रम् । शुशुचीत । सत्ऽपतिः ॥

   út ǀ jāyatām ǀ paraśúḥ ǀ jyótiṣā ǀ sahá ǀ bhūyā́ḥ ǀ ṛtásya ǀ su-dúghā ǀ purāṇa-vát ǀ
   ví ǀ rocatām ǀ aruṣáḥ ǀ bhānúnā ǀ śúciḥ ǀ sváḥ ǀ ná ǀ śukrám ǀ śuśucīta ǀ sát-patiḥ ǁ

   ut ǀ jāyatām ǀ paraśuḥ ǀ jyotiṣā ǀ saha ǀ bhūyāḥ ǀ ṛtasya ǀ su-dughā ǀ purāṇa-vat ǀ
   vi ǀ rocatām ǀ aruṣaḥ ǀ bhānunā ǀ śuciḥ ǀ svaḥ ǀ na ǀ śukram ǀ śuśucīta ǀ sat-patiḥ ǁ

   10.43.9 Aṣṭaka 7.8.25.4Anuvāka 10.4.9Interpretations

10. Ṛk 10

    गोभि॑ष्टरे॒माम॑तिं दु॒रेवां॒ यवे॑न॒ क्षुधं॑ पुरुहूत॒ विश्वां॑ ।
    व॒यं राज॑भिः प्रथ॒मा धना॑न्य॒स्माके॑न वृ॒जने॑ना जयेम ॥

    गोभिष् टरेमामतिं दुरेवां यवेन क्षुधम् पुरुहूत विश्वाम् |
    वयं राजभिः प्रथमा धनान्य् अस्माकेन वृजनेना जयेम ||

    góbhiṣṭaremā́matim durévām yávena kṣúdham puruhūta víśvām ǀ
    vayám rā́jabhiḥ prathamā́ dhánānyasmā́kena vṛjánenā jayema ǁ

    gobhiṣ ṭaremāmatiṃ durevāṃ yavena kṣudham puruhūta viśvām |
    vayaṃ rājabhiḥ prathamā dhanāny asmākena vṛjanenā jayema ||

    गोभिः॑ । त॒रे॒म॒ । अम॑तिम् । दुः॒ऽएवा॑म् । यवे॑न । क्षुध॑म् । पु॒रु॒ऽहू॒त॒ । विश्वा॑म् ।
    व॒यम् । राज॑ऽभिः । प्र॒थ॒मा । धना॑नि । अ॒स्माके॑न । वृ॒जने॑न । ज॒ये॒म॒ ॥

    गोभिः । तरेम । अमतिम् । दुःऽएवाम् । यवेन । क्षुधम् । पुरुऽहूत । विश्वाम् ।
    वयम् । राजऽभिः । प्रथमा । धनानि । अस्माकेन । वृजनेन । जयेम ॥

    góbhiḥ ǀ tarema ǀ ámatim ǀ duḥ-évām ǀ yávena ǀ kṣúdham ǀ puru-hūta ǀ víśvām ǀ
    vayám ǀ rā́ja-bhiḥ ǀ prathamā́ ǀ dhánāni ǀ asmā́kena ǀ vṛjánena ǀ jayema ǁ

    gobhiḥ ǀ tarema ǀ amatim ǀ duḥ-evām ǀ yavena ǀ kṣudham ǀ puru-hūta ǀ viśvām ǀ
    vayam ǀ rāja-bhiḥ ǀ prathamā ǀ dhanāni ǀ asmākena ǀ vṛjanena ǀ jayema ǁ

    10.43.10 Aṣṭaka 7.8.25.5Anuvāka 10.4.10Interpretations

11. Ṛk 11

    बृह॒स्पति॑र्नः॒ परि॑ पातु प॒श्चादु॒तोत्त॑रस्मा॒दध॑रादघा॒योः ।
    इंद्रः॑ पु॒रस्ता॑दु॒त म॑ध्य॒तो नः॒ सखा॒ सखि॑भ्यो॒ वरि॑वः कृणोतु ॥

    बृहस्पतिर् नः परि पातु पश्चाद् उतोत्तरस्माद् अधराद् अघायोः |
    इन्द्रः पुरस्ताद् उत मध्यतो नः सखा सखिभ्यो वरिवः कृणोतु ||

    bṛ́haspátirnaḥ pári pātu paścā́dutóttarasmādádharādaghāyóḥ ǀ
    índraḥ purástādutá madhyató naḥ sákhā sákhibhyo várivaḥ kṛṇotu ǁ

    bṛhaspatir naḥ pari pātu paścād utottarasmād adharād aghāyoḥ |
    indraḥ purastād uta madhyato naḥ sakhā sakhibhyo varivaḥ kṛṇotu ||

    बृह॒स्पतिः॑ । नः॒ । परि॑ । पा॒तु॒ । प॒श्चात् । उ॒त । उत्ऽत॑रस्मात् । अध॑रात् । अ॒घ॒ऽयोः ।
    इन्द्रः॑ । पु॒रस्ता॑त् । उ॒त । म॒ध्य॒तः । नः॒ । सखा॑ । सखि॑ऽभ्यः । वरि॑वः । कृ॒णो॒तु॒ ॥

    बृहस्पतिः । नः । परि । पातु । पश्चात् । उत । उत्ऽतरस्मात् । अधरात् । अघऽयोः ।
    इन्द्रः । पुरस्तात् । उत । मध्यतः । नः । सखा । सखिऽभ्यः । वरिवः । कृणोतु ॥

    bṛ́haspátiḥ ǀ naḥ ǀ pári ǀ pātu ǀ paścā́t ǀ utá ǀ út-tarasmāt ǀ ádharāt ǀ agha-yóḥ ǀ
    índraḥ ǀ purástāt ǀ utá ǀ madhyatáḥ ǀ naḥ ǀ sákhā ǀ sákhi-bhyaḥ ǀ várivaḥ ǀ kṛṇotu ǁ

    bṛhaspatiḥ ǀ naḥ ǀ pari ǀ pātu ǀ paścāt ǀ uta ǀ ut-tarasmāt ǀ adharāt ǀ agha-yoḥ ǀ
    indraḥ ǀ purastāt ǀ uta ǀ madhyataḥ ǀ naḥ ǀ sakhā ǀ sakhi-bhyaḥ ǀ varivaḥ ǀ kṛṇotu ǁ

    10.43.11 Aṣṭaka 7.8.25.6Anuvāka 10.4.11Interpretations

Text, recitation and interpretations from the Ṛgveda database of theveda.org.in.