Devatā देवता

1-5: Soma; 6-16, 32-47: Sūryā; 17: Devās; 18: Soma, Arka; 19: Candramāḥ; 20-28: Wedding Mantras And Good Wishes Of Men; 29-31: A Censure Of Contact With A Bride’s Clothing

Ṛṣi ऋषि

Sūryā Sāvitrī

Chandas छन्दस्

Anuṣṭubh, Triṣṭubh, Jagatī, Urobṛhatī

1. Ṛk 1

   स॒त्येनोत्त॑भिता॒ भूमिः॒ सूर्ये॒णोत्त॑भिता॒ द्यौः ।
   ऋ॒तेना॑दि॒त्यास्ति॑ष्ठंति दि॒वि सोमो॒ अधि॑ श्रि॒तः ॥

   सत्येनोत्तभिता भूमिः सूर्येणोत्तभिता द्यौः |
   ऋतेनादित्यास् तिष्ठन्ति दिवि सोमो अधि श्रितः ||

   satyénóttabhitā bhū́miḥ sū́ryeṇóttabhitā dyáuḥ ǀ
   ṛténādityā́stiṣṭhanti diví sómo ádhi śritáḥ ǁ

   satyenottabhitā bhūmiḥ sūryeṇottabhitā dyauḥ |
   ṛtenādityās tiṣṭhanti divi somo adhi śritaḥ ||

   स॒त्येन॑ । उत्त॑भिता । भूमिः॑ । सूर्ये॑ण । उत्त॑भिता । द्यौः ।
   ऋ॒तेन॑ । आ॒दि॒त्याः । ति॒ष्ठ॒न्ति॒ । दि॒वि । सोमः॑ । अधि॑ । श्रि॒तः ॥

   सत्येन । उत्तभिता । भूमिः । सूर्येण । उत्तभिता । द्यौः ।
   ऋतेन । आदित्याः । तिष्ठन्ति । दिवि । सोमः । अधि । श्रितः ॥

   satyéna ǀ úttabhitā ǀ bhū́miḥ ǀ sū́ryeṇa ǀ úttabhitā ǀ dyáuḥ ǀ
   ṛténa ǀ ādityā́ḥ ǀ tiṣṭhanti ǀ diví ǀ sómaḥ ǀ ádhi ǀ śritáḥ ǁ

   satyena ǀ uttabhitā ǀ bhūmiḥ ǀ sūryeṇa ǀ uttabhitā ǀ dyauḥ ǀ
   ṛtena ǀ ādityāḥ ǀ tiṣṭhanti ǀ divi ǀ somaḥ ǀ adhi ǀ śritaḥ ǁ

   10.85.1 Aṣṭaka 8.3.20.1Anuvāka 10.7.1Interpretations

2. Ṛk 2

   सोमे॑नादि॒त्या ब॒लिनः॒ सोमे॑न पृथि॒वी म॒ही ।
   अथो॒ नक्ष॑त्राणामे॒षामु॒पस्थे॒ सोम॒ आहि॑तः ॥

   सोमेनादित्या बलिनः सोमेन पृथिवी मही |
   अथो नक्षत्राणाम् एषाम् उपस्थे सोम आहितः ||

   sómenādityā́ balínaḥ sómena pṛthivī́ mahī́ ǀ
   átho nákṣatrāṇāmeṣā́mupásthe sóma ā́hitaḥ ǁ

   somenādityā balinaḥ somena pṛthivī mahī |
   atho nakṣatrāṇām eṣām upasthe soma āhitaḥ ||

   सोमे॑न । आ॒दि॒त्याः । ब॒लिनः॑ । सोमे॑न । पृ॒थि॒वी । म॒ही ।
   अथो॒ इति॑ । नक्ष॑त्राणाम् । ए॒षाम् । उ॒पऽस्थे॑ । सोमः॑ । आऽहि॑तः ॥

   सोमेन । आदित्याः । बलिनः । सोमेन । पृथिवी । मही ।
   अथो इति । नक्षत्राणाम् । एषाम् । उपऽस्थे । सोमः । आऽहितः ॥

   sómena ǀ ādityā́ḥ ǀ balínaḥ ǀ sómena ǀ pṛthivī́ ǀ mahī́ ǀ
   átho íti ǀ nákṣatrāṇām ǀ eṣā́m ǀ upá-sthe ǀ sómaḥ ǀ ā́-hitaḥ ǁ

   somena ǀ ādityāḥ ǀ balinaḥ ǀ somena ǀ pṛthivī ǀ mahī ǀ
   atho iti ǀ nakṣatrāṇām ǀ eṣām ǀ upa-sthe ǀ somaḥ ǀ ā-hitaḥ ǁ

   10.85.2 Aṣṭaka 8.3.20.2Anuvāka 10.7.2Interpretations

3. Ṛk 3

   सोमं॑ मन्यते पपि॒वान्यत्सं॑पिं॒षंत्योष॑धिं ।
   सोमं॒ यं ब्र॒ह्माणो॑ वि॒दुर्न तस्या॑श्नाति॒ कश्च॒न ॥

   सोमम् मन्यते पपिवान् यत् सम्पिंषन्त्य् ओषधिम् |
   सोमं यम् ब्रह्माणो विदुर् न तस्याश्नाति कश् चन ||

   sómam manyate papivā́nyátsampiṃṣántyóṣadhim ǀ
   sómam yám brahmā́ṇo vidúrná tásyāśnāti káścaná ǁ

   somam manyate papivān yat sampiṃṣanty oṣadhim |
   somaṃ yam brahmāṇo vidur na tasyāśnāti kaś cana ||

   सोम॑म् । म॒न्य॒ते॒ । प॒पि॒ऽवान् । यत् । स॒म्ऽपिं॒षन्ति॑ । ओष॑धिम् ।
   सोम॑म् । यम् । ब्र॒ह्माणः॑ । वि॒दुः । न । तस्य॑ । अ॒श्ना॒ति॒ । कः । च॒न ॥

   सोमम् । मन्यते । पपिऽवान् । यत् । सम्ऽपिंषन्ति । ओषधिम् ।
   सोमम् । यम् । ब्रह्माणः । विदुः । न । तस्य । अश्नाति । कः । चन ॥

   sómam ǀ manyate ǀ papi-vā́n ǀ yát ǀ sam-piṃṣánti ǀ óṣadhim ǀ
   sómam ǀ yám ǀ brahmā́ṇaḥ ǀ vidúḥ ǀ ná ǀ tásya ǀ aśnāti ǀ káḥ ǀ caná ǁ

   somam ǀ manyate ǀ papi-vān ǀ yat ǀ sam-piṃṣanti ǀ oṣadhim ǀ
   somam ǀ yam ǀ brahmāṇaḥ ǀ viduḥ ǀ na ǀ tasya ǀ aśnāti ǀ kaḥ ǀ cana ǁ

   10.85.3 Aṣṭaka 8.3.20.3Anuvāka 10.7.3Interpretations

4. Ṛk 4

   आ॒च्छद्वि॑धानैर्गुपि॒तो बार्ह॑तैः सोम रक्षि॒तः ।
   ग्राव्णा॒मिच्छृ॒ण्वंति॑ष्ठसि॒ न ते॑ अश्नाति॒ पार्थि॑वः ॥

   आच्छद्विधानैर् गुपितो बार्हतैः सोम रक्षितः |
   ग्राव्णाम् इच् छृण्वन् तिष्ठसि न ते अश्नाति पार्थिवः ||

   ācchádvidhānairgupitó bā́rhataiḥ soma rakṣitáḥ ǀ
   grā́vṇāmícchṛṇvántiṣṭhasi ná te aśnāti pā́rthivaḥ ǁ

   ācchadvidhānair gupito bārhataiḥ soma rakṣitaḥ |
   grāvṇām ic chṛṇvan tiṣṭhasi na te aśnāti pārthivaḥ ||

   आ॒च्छत्ऽवि॑धानैः । गु॒पि॒तः । बार्ह॑तैः । सो॒म॒ । र॒क्षि॒तः ।
   ग्राव्णा॑म् । इत् । शृ॒ण्वन् । ति॒ष्ठ॒सि॒ । न । ते॒ । अ॒श्ना॒ति॒ । पार्थि॑वः ॥

   आच्छत्ऽविधानैः । गुपितः । बार्हतैः । सोम । रक्षितः ।
   ग्राव्णाम् । इत् । शृण्वन् । तिष्ठसि । न । ते । अश्नाति । पार्थिवः ॥

   ācchát-vidhānaiḥ ǀ gupitáḥ ǀ bā́rhataiḥ ǀ soma ǀ rakṣitáḥ ǀ
   grā́vṇām ǀ ít ǀ śṛṇván ǀ tiṣṭhasi ǀ ná ǀ te ǀ aśnāti ǀ pā́rthivaḥ ǁ

   ācchat-vidhānaiḥ ǀ gupitaḥ ǀ bārhataiḥ ǀ soma ǀ rakṣitaḥ ǀ
   grāvṇām ǀ it ǀ śṛṇvan ǀ tiṣṭhasi ǀ na ǀ te ǀ aśnāti ǀ pārthivaḥ ǁ

   10.85.4 Aṣṭaka 8.3.20.4Anuvāka 10.7.4Interpretations

5. Ṛk 5

   यत्त्वा॑ देव प्र॒पिबं॑ति॒ तत॒ आ प्या॑यसे॒ पुनः॑ ।
   वा॒युः सोम॑स्य रक्षि॒ता समा॑नां॒ मास॒ आकृ॑तिः ॥

   यत् त्वा देव प्रपिबन्ति तत आ प्यायसे पुनः |
   वायुः सोमस्य रक्षिता समानाम् मास आकृतिः ||

   yáttvā deva prapíbanti táta ā́ pyāyase púnaḥ ǀ
   vāyúḥ sómasya rakṣitā́ sámānām mā́sa ā́kṛtiḥ ǁ

   yat tvā deva prapibanti tata ā pyāyase punaḥ |
   vāyuḥ somasya rakṣitā samānām māsa ākṛtiḥ ||

   यत् । त्वा॒ । दे॒व॒ । प्र॒ऽपिब॑न्ति । ततः॑ । आ । प्या॒य॒से॒ । पुन॒रिति॑ ।
   वा॒युः । सोम॑स्य । र॒क्षि॒ता । समा॑नाम् । मासः॑ । आऽकृ॑तिः ॥

   यत् । त्वा । देव । प्रऽपिबन्ति । ततः । आ । प्यायसे । पुनरिति ।
   वायुः । सोमस्य । रक्षिता । समानाम् । मासः । आऽकृतिः ॥

   yát ǀ tvā ǀ deva ǀ pra-píbanti ǀ tátaḥ ǀ ā́ ǀ pyāyase ǀ púnaríti ǀ
   vāyúḥ ǀ sómasya ǀ rakṣitā́ ǀ sámānām ǀ mā́saḥ ǀ ā́-kṛtiḥ ǁ

   yat ǀ tvā ǀ deva ǀ pra-pibanti ǀ tataḥ ǀ ā ǀ pyāyase ǀ punariti ǀ
   vāyuḥ ǀ somasya ǀ rakṣitā ǀ samānām ǀ māsaḥ ǀ ā-kṛtiḥ ǁ

   10.85.5 Aṣṭaka 8.3.20.5Anuvāka 10.7.5Interpretations

6. Ṛk 6

   रैभ्या॑सीदनु॒देयी॑ नाराशं॒सी न्योच॑नी ।
   सू॒र्याया॑ भ॒द्रमिद्वासो॒ गाथ॑यैति॒ परि॑ष्कृतं ॥

   रैभ्य् आसीद् अनुदेयी नाराशंसी न्योचनी |
   सूर्याया भद्रम् इद् वासो गाथयैति परिष्कृतम् ||

   ráibhyāsīdanudéyī nārāśaṃsī́ nyócanī ǀ
   sūryā́yā bhadrámídvā́so gā́thayaiti páriṣkṛtam ǁ

   raibhy āsīd anudeyī nārāśaṃsī nyocanī |
   sūryāyā bhadram id vāso gāthayaiti pariṣkṛtam ||

   रैभी॑ । आ॒सी॒त् । अ॒नु॒ऽदेयी॑ । ना॒रा॒शं॒सी । नि॒ऽओच॑नी ।
   सू॒र्यायाः॑ । भ॒द्रम् । इत् । वासः॑ । गाथ॑या । ए॒ति॒ । परि॑ऽकृतम् ॥

   रैभी । आसीत् । अनुऽदेयी । नाराशंसी । निऽओचनी ।
   सूर्यायाः । भद्रम् । इत् । वासः । गाथया । एति । परिऽकृतम् ॥

   ráibhī ǀ āsīt ǀ anu-déyī ǀ nārāśaṃsī́ ǀ ni-ócanī ǀ
   sūryā́yāḥ ǀ bhadrám ǀ ít ǀ vā́saḥ ǀ gā́thayā ǀ eti ǀ pári-kṛtam ǁ

   raibhī ǀ āsīt ǀ anu-deyī ǀ nārāśaṃsī ǀ ni-ocanī ǀ
   sūryāyāḥ ǀ bhadram ǀ it ǀ vāsaḥ ǀ gāthayā ǀ eti ǀ pari-kṛtam ǁ

   10.85.6 Aṣṭaka 8.3.21.1Anuvāka 10.7.6Interpretations

7. Ṛk 7

   चित्ति॑रा उप॒बर्ह॑णं॒ चक्षु॑रा अ॒भ्यंज॑नं ।
   द्यौर्भूमिः॒ कोश॑ आसी॒द्यदया॑त्सू॒र्या पतिं॑ ॥

   चित्तिर् आ उपबर्हणं चक्षुर् आ अभ्यञ्जनम् |
   द्यौर् भूमिः कोश आसीद् यद् अयात् सूर्या पतिम् ||

   cíttirā upabárhaṇam cákṣurā abhyáñjanam ǀ
   dyáurbhū́miḥ kóśa āsīdyádáyātsūryā́ pátim ǁ

   cittir ā upabarhaṇaṃ cakṣur ā abhyañjanam |
   dyaur bhūmiḥ kośa āsīd yad ayāt sūryā patim ||

   चित्तिः॑ । आः॒ । उ॒प॒ऽबर्ह॑णम् । चक्षुः॑ । आः॒ । अ॒भि॒ऽअञ्ज॑नम् ।
   द्यौः । भूमिः॑ । कोशः॑ । आ॒सी॒त् । यत् । अया॑त् । सू॒र्या । पति॑म् ॥

   चित्तिः । आः । उपऽबर्हणम् । चक्षुः । आः । अभिऽअञ्जनम् ।
   द्यौः । भूमिः । कोशः । आसीत् । यत् । अयात् । सूर्या । पतिम् ॥

   cíttiḥ ǀ āḥ ǀ upa-bárhaṇam ǀ cákṣuḥ ǀ āḥ ǀ abhi-áñjanam ǀ
   dyáuḥ ǀ bhū́miḥ ǀ kóśaḥ ǀ āsīt ǀ yát ǀ áyāt ǀ sūryā́ ǀ pátim ǁ

   cittiḥ ǀ āḥ ǀ upa-barhaṇam ǀ cakṣuḥ ǀ āḥ ǀ abhi-añjanam ǀ
   dyauḥ ǀ bhūmiḥ ǀ kośaḥ ǀ āsīt ǀ yat ǀ ayāt ǀ sūryā ǀ patim ǁ

   10.85.7 Aṣṭaka 8.3.21.2Anuvāka 10.7.7Interpretations

8. Ṛk 8

   स्तोमा॑ आसन्प्रति॒धयः॑ कु॒रीरं॒ छंद॑ ओप॒शः ।
   सू॒र्याया॑ अ॒श्विना॑ व॒राग्निरा॑सीत्पुरोग॒वः ॥

   स्तोमा आसन् प्रतिधयः कुरीरं छन्द ओपशः |
   सूर्याया अश्विना वराग्निर् आसीत् पुरोगवः ||

   stómā āsanpratidháyaḥ kurī́ram chánda opaśáḥ ǀ
   sūryā́yā aśvínā varā́gnírāsītpurogaváḥ ǁ

   stomā āsan pratidhayaḥ kurīraṃ chanda opaśaḥ |
   sūryāyā aśvinā varāgnir āsīt purogavaḥ ||

   स्तोमाः॑ । आ॒स॒न् । प्र॒ति॒ऽधयः॑ । कु॒रीर॑म् । छन्दः॑ । ओ॒प॒शः ।
   सू॒र्यायाः॑ । अ॒श्विना॑ । व॒रा । अ॒ग्निः । आ॒सी॒त् । पु॒रः॒ऽग॒वः ॥

   स्तोमाः । आसन् । प्रतिऽधयः । कुरीरम् । छन्दः । ओपशः ।
   सूर्यायाः । अश्विना । वरा । अग्निः । आसीत् । पुरःऽगवः ॥

   stómāḥ ǀ āsan ǀ prati-dháyaḥ ǀ kurī́ram ǀ chándaḥ ǀ opaśáḥ ǀ
   sūryā́yāḥ ǀ aśvínā ǀ varā́ ǀ agníḥ ǀ āsīt ǀ puraḥ-gaváḥ ǁ

   stomāḥ ǀ āsan ǀ prati-dhayaḥ ǀ kurīram ǀ chandaḥ ǀ opaśaḥ ǀ
   sūryāyāḥ ǀ aśvinā ǀ varā ǀ agniḥ ǀ āsīt ǀ puraḥ-gavaḥ ǁ

   10.85.8 Aṣṭaka 8.3.21.3Anuvāka 10.7.8Interpretations

9. Ṛk 9

   सोमो॑ वधू॒युर॑भवद॒श्विना॑स्तामु॒भा व॒रा ।
   सू॒र्यां यत्पत्ये॒ शंसं॑तीं॒ मन॑सा सवि॒ताद॑दात् ॥

   सोमो वधूयुर् अभवद् अश्विनास्ताम् उभा वरा |
   सूर्यां यत् पत्ये शंसन्तीम् मनसा सविताददात् ||

   sómo vadhūyúrabhavadaśvínāstāmubhā́ varā́ ǀ
   sūryā́m yátpátye śáṃsantīm mánasā savitā́dadāt ǁ

   somo vadhūyur abhavad aśvināstām ubhā varā |
   sūryāṃ yat patye śaṃsantīm manasā savitādadāt ||

   सोमः॑ । व॒धू॒ऽयुः । अ॒भ॒व॒त् । अ॒श्विना॑ । आ॒स्ता॒म् । उ॒भा । व॒रा ।
   सू॒र्याम् । यत् । पत्ये॑ । शंस॑न्तीम् । मन॑सा । स॒वि॒ता । अद॑दात् ॥

   सोमः । वधूऽयुः । अभवत् । अश्विना । आस्ताम् । उभा । वरा ।
   सूर्याम् । यत् । पत्ये । शंसन्तीम् । मनसा । सविता । अददात् ॥

   sómaḥ ǀ vadhū-yúḥ ǀ abhavat ǀ aśvínā ǀ āstām ǀ ubhā́ ǀ varā́ ǀ
   sūryā́m ǀ yát ǀ pátye ǀ śáṃsantīm ǀ mánasā ǀ savitā́ ǀ ádadāt ǁ

   somaḥ ǀ vadhū-yuḥ ǀ abhavat ǀ aśvinā ǀ āstām ǀ ubhā ǀ varā ǀ
   sūryām ǀ yat ǀ patye ǀ śaṃsantīm ǀ manasā ǀ savitā ǀ adadāt ǁ

   10.85.9 Aṣṭaka 8.3.21.4Anuvāka 10.7.9Interpretations

10. Ṛk 10

    मनो॑ अस्या॒ अन॑ आसी॒द्द्यौरा॑सीदु॒त च्छ॒दिः ।
    शु॒क्राव॑न॒ड्वाहा॑वास्तां॒ यदया॑त्सू॒र्या गृ॒हं ॥

    मनो अस्या अन आसीद् द्यौर् आसीद् उत च्छदिः |
    शुक्राव् अनड्वाहाव् आस्तां यद् अयात् सूर्या गृहम् ||

    máno asyā ána āsīddyáurāsīdutá cchadíḥ ǀ
    śukrā́vanaḍvā́hāvāstām yádáyātsūryā́ gṛhám ǁ

    mano asyā ana āsīd dyaur āsīd uta cchadiḥ |
    śukrāv anaḍvāhāv āstāṃ yad ayāt sūryā gṛham ||

    मनः॑ । अ॒स्याः॒ । अनः॑ । आ॒सी॒त् । द्यौः । आ॒सी॒त् । उ॒त । छ॒दिः ।
    शु॒क्रौ । अ॒न॒ड्वाहौ॑ । आ॒स्ता॒म् । यत् । अया॑त् । सू॒र्या । गृ॒हम् ॥

    मनः । अस्याः । अनः । आसीत् । द्यौः । आसीत् । उत । छदिः ।
    शुक्रौ । अनड्वाहौ । आस्ताम् । यत् । अयात् । सूर्या । गृहम् ॥

    mánaḥ ǀ asyāḥ ǀ ánaḥ ǀ āsīt ǀ dyáuḥ ǀ āsīt ǀ utá ǀ chadíḥ ǀ
    śukráu ǀ anaḍvā́hau ǀ āstām ǀ yát ǀ áyāt ǀ sūryā́ ǀ gṛhám ǁ

    manaḥ ǀ asyāḥ ǀ anaḥ ǀ āsīt ǀ dyauḥ ǀ āsīt ǀ uta ǀ chadiḥ ǀ
    śukrau ǀ anaḍvāhau ǀ āstām ǀ yat ǀ ayāt ǀ sūryā ǀ gṛham ǁ

    10.85.10 Aṣṭaka 8.3.21.5Anuvāka 10.7.10Interpretations

11. Ṛk 11

    ऋ॒क्सा॒माभ्या॑म॒भिहि॑तौ॒ गावौ॑ ते साम॒नावि॑तः ।
    श्रोत्रं॑ ते च॒क्रे आ॑स्तां दि॒वि पंथा॑श्चराचा॒रः ॥

    ऋक्सामाभ्याम् अभिहितौ गावौ ते सामनाव् इतः |
    श्रोत्रं ते चक्रे आस्तां दिवि पन्थाश् चराचारः ||

    ṛksāmā́bhyāmabhíhitau gā́vau te sāmanā́vitaḥ ǀ
    śrótram te cakré āstām diví pánthāścarācāráḥ ǁ

    ṛksāmābhyām abhihitau gāvau te sāmanāv itaḥ |
    śrotraṃ te cakre āstāṃ divi panthāś carācāraḥ ||

    ऋ॒क्ऽसा॒माभ्या॑म् । अ॒भिऽहि॑तौ । गावौ॑ । ते॒ । सा॒म॒नौ । इ॒तः॒ ।
    श्रोत्र॑म् । ते॒ । च॒क्रे इति॑ । आ॒स्ता॒म् । दि॒वि । पन्थाः॑ । च॒रा॒च॒रः ॥

    ऋक्ऽसामाभ्याम् । अभिऽहितौ । गावौ । ते । सामनौ । इतः ।
    श्रोत्रम् । ते । चक्रे इति । आस्ताम् । दिवि । पन्थाः । चराचरः ॥

    ṛk-sāmā́bhyām ǀ abhí-hitau ǀ gā́vau ǀ te ǀ sāmanáu ǀ itaḥ ǀ
    śrótram ǀ te ǀ cakré íti ǀ āstām ǀ diví ǀ pánthāḥ ǀ carācaráḥ ǁ

    ṛk-sāmābhyām ǀ abhi-hitau ǀ gāvau ǀ te ǀ sāmanau ǀ itaḥ ǀ
    śrotram ǀ te ǀ cakre iti ǀ āstām ǀ divi ǀ panthāḥ ǀ carācaraḥ ǁ

    10.85.11 Aṣṭaka 8.3.22.1Anuvāka 10.7.11Interpretations

12. Ṛk 12

    शुची॑ ते च॒क्रे या॒त्या व्या॒नो अक्ष॒ आह॑तः ।
    अनो॑ मन॒स्मयं॑ सू॒र्यारो॑हत्प्रय॒ती पतिं॑ ॥

    शुची ते चक्रे यात्या व्यानो अक्ष आहतः |
    अनो मनस्मयं सूर्यारोहत् प्रयती पतिम् ||

    śúcī te cakré yātyā́ vyānó ákṣa ā́hataḥ ǀ
    áno manasmáyam sūryā́rohatprayatī́ pátim ǁ

    śucī te cakre yātyā vyāno akṣa āhataḥ |
    ano manasmayaṃ sūryārohat prayatī patim ||

    शुची॒ इति॑ । ते॒ । च॒क्रे इति॑ । या॒त्याः । वि॒ऽआ॒नः । अक्षः॑ । आऽह॑तः ।
    अनः॑ । म॒न॒स्मय॑म् । सू॒र्या । आ । अ॒रो॒ह॒त् । प्र॒ऽय॒ती । पति॑म् ॥

    शुची इति । ते । चक्रे इति । यात्याः । विऽआनः । अक्षः । आऽहतः ।
    अनः । मनस्मयम् । सूर्या । आ । अरोहत् । प्रऽयती । पतिम् ॥

    śúcī íti ǀ te ǀ cakré íti ǀ yātyā́ḥ ǀ vi-ānáḥ ǀ ákṣaḥ ǀ ā́-hataḥ ǀ
    ánaḥ ǀ manasmáyam ǀ sūryā́ ǀ ā́ ǀ arohat ǀ pra-yatī́ ǀ pátim ǁ

    śucī iti ǀ te ǀ cakre iti ǀ yātyāḥ ǀ vi-ānaḥ ǀ akṣaḥ ǀ ā-hataḥ ǀ
    anaḥ ǀ manasmayam ǀ sūryā ǀ ā ǀ arohat ǀ pra-yatī ǀ patim ǁ

    10.85.12 Aṣṭaka 8.3.22.2Anuvāka 10.7.12Interpretations

13. Ṛk 13

    सू॒र्याया॑ वह॒तुः प्रागा॑त्सवि॒ता यम॒वासृ॑जत् ।
    अ॒घासु॑ हन्यंते॒ गावोऽर्जु॑न्योः॒ पर्यु॑ह्यते ॥

    सूर्याया वहतुः प्रागात् सविता यम् अवासृजत् |
    अघासु हन्यन्ते गावो ऽर्जुन्योः पर्य् उह्यते ||

    sūryā́yā vahatúḥ prā́gātsavitā́ yámavā́sṛjat ǀ
    aghā́su hanyante gā́vó’rjunyoḥ páryuhyate ǁ

    sūryāyā vahatuḥ prāgāt savitā yam avāsṛjat |
    aghāsu hanyante gāvo 'rjunyoḥ pary uhyate ||

    सू॒र्यायाः॑ । व॒ह॒तुः । प्र । अ॒गा॒त् । स॒वि॒ता । यम् । अ॒व॒ऽअसृ॑जत् ।
    अ॒घासु॑ । ह॒न्य॒न्ते॒ । गावः॑ । अर्जु॑न्योः । परि॑ । उ॒ह्य॒ते॒ ॥

    सूर्यायाः । वहतुः । प्र । अगात् । सविता । यम् । अवऽअसृजत् ।
    अघासु । हन्यन्ते । गावः । अर्जुन्योः । परि । उह्यते ॥

    sūryā́yāḥ ǀ vahatúḥ ǀ prá ǀ agāt ǀ savitā́ ǀ yám ǀ ava-ásṛjat ǀ
    aghā́su ǀ hanyante ǀ gā́vaḥ ǀ árjunyoḥ ǀ pári ǀ uhyate ǁ

    sūryāyāḥ ǀ vahatuḥ ǀ pra ǀ agāt ǀ savitā ǀ yam ǀ ava-asṛjat ǀ
    aghāsu ǀ hanyante ǀ gāvaḥ ǀ arjunyoḥ ǀ pari ǀ uhyate ǁ

    10.85.13 Aṣṭaka 8.3.22.3Anuvāka 10.7.13Interpretations

14. Ṛk 14

    यद॑श्विना पृ॒च्छमा॑ना॒वया॑तं त्रिच॒क्रेण॑ वह॒तुं सू॒र्यायाः॑ ।
    विश्वे॑ दे॒वा अनु॒ तद्वा॑मजानन्पु॒त्रः पि॒तरा॑ववृणीत पू॒षा ॥

    यद् अश्विना पृच्छमानाव् अयातं त्रिचक्रेण वहतुं सूर्यायाः |
    विश्वे देवा अनु तद् वाम् अजानन् पुत्रः पितराव् अवृणीत पूषा ||

    yádaśvinā pṛcchámānāváyātam tricakréṇa vahatúm sūryā́yāḥ ǀ
    víśve devā́ ánu tádvāmajānanputráḥ pitárāvavṛṇīta pūṣā́ ǁ

    yad aśvinā pṛcchamānāv ayātaṃ tricakreṇa vahatuṃ sūryāyāḥ |
    viśve devā anu tad vām ajānan putraḥ pitarāv avṛṇīta pūṣā ||

    यत् । अ॒श्वि॒ना॒ । पृ॒च्छमा॑नौ । अया॑तम् । त्रि॒ऽच॒क्रेण॑ । व॒ह॒तुम् । सू॒र्यायाः॑ ।
    विश्वे॑ । दे॒वाः । अनु॑ । तत् । वा॒म् । अ॒जा॒न॒न् । पु॒त्रः । पि॒तरौ॑ । अ॒वृ॒णी॒त॒ । पू॒षा ॥

    यत् । अश्विना । पृच्छमानौ । अयातम् । त्रिऽचक्रेण । वहतुम् । सूर्यायाः ।
    विश्वे । देवाः । अनु । तत् । वाम् । अजानन् । पुत्रः । पितरौ । अवृणीत । पूषा ॥

    yát ǀ aśvinā ǀ pṛcchámānau ǀ áyātam ǀ tri-cakréṇa ǀ vahatúm ǀ sūryā́yāḥ ǀ
    víśve ǀ devā́ḥ ǀ ánu ǀ tát ǀ vām ǀ ajānan ǀ putráḥ ǀ pitárau ǀ avṛṇīta ǀ pūṣā́ ǁ

    yat ǀ aśvinā ǀ pṛcchamānau ǀ ayātam ǀ tri-cakreṇa ǀ vahatum ǀ sūryāyāḥ ǀ
    viśve ǀ devāḥ ǀ anu ǀ tat ǀ vām ǀ ajānan ǀ putraḥ ǀ pitarau ǀ avṛṇīta ǀ pūṣā ǁ

    10.85.14 Aṣṭaka 8.3.22.4Anuvāka 10.7.14Interpretations

15. Ṛk 15

    यदया॑तं शुभस्पती वरे॒यं सू॒र्यामुप॑ ।
    क्वैकं॑ च॒क्रं वा॑मासी॒त्क्व॑ दे॒ष्ट्राय॑ तस्थथुः ॥

    यद् अयातं शुभस् पती वरेयं सूर्याम् उप |
    क्वैकं चक्रं वाम् आसीत् क्व देष्ट्राय तस्थथुः ||

    yádáyātam śubhaspatī vareyám sūryā́múpa ǀ
    kváikam cakrám vāmāsītkvá deṣṭrā́ya tasthathuḥ ǁ

    yad ayātaṃ śubhas patī vareyaṃ sūryām upa |
    kvaikaṃ cakraṃ vām āsīt kva deṣṭrāya tasthathuḥ ||

    यत् । अया॑तम् । शु॒भः॒ । प॒ती॒ इति॑ । व॒रे॒ऽयम् । सू॒र्याम् । उप॑ ।
    क्व॑ । एक॑म् । च॒क्रम् । वा॒म् । आ॒सी॒त् । क्व॑ । दे॒ष्ट्राय॑ । त॒स्थ॒थुः॒ ॥

    यत् । अयातम् । शुभः । पती इति । वरेऽयम् । सूर्याम् । उप ।
    क्व । एकम् । चक्रम् । वाम् । आसीत् । क्व । देष्ट्राय । तस्थथुः ॥

    yát ǀ áyātam ǀ śubhaḥ ǀ patī íti ǀ vare-yám ǀ sūryā́m ǀ úpa ǀ
    kvá ǀ ékam ǀ cakrám ǀ vām ǀ āsīt ǀ kvá ǀ deṣṭrā́ya ǀ tasthathuḥ ǁ

    yat ǀ ayātam ǀ śubhaḥ ǀ patī iti ǀ vare-yam ǀ sūryām ǀ upa ǀ
    kva ǀ ekam ǀ cakram ǀ vām ǀ āsīt ǀ kva ǀ deṣṭrāya ǀ tasthathuḥ ǁ

    10.85.15 Aṣṭaka 8.3.22.5Anuvāka 10.7.15Interpretations

16. Ṛk 16

    द्वे ते॑ च॒क्रे सू॑र्ये ब्र॒ह्माण॑ ऋतु॒था वि॑दुः ।
    अथैकं॑ च॒क्रं यद्गुहा॒ तद॑द्धा॒तय॒ इद्वि॑दुः ॥

    द्वे ते चक्रे सूर्ये ब्रह्माण ऋतुथा विदुः |
    अथैकं चक्रं यद् गुहा तद् अद्धातय इद् विदुः ||

    dvé te cakré sūrye brahmā́ṇa ṛtuthā́ viduḥ ǀ
    átháikam cakrám yádgúhā tádaddhātáya ídviduḥ ǁ

    dve te cakre sūrye brahmāṇa ṛtuthā viduḥ |
    athaikaṃ cakraṃ yad guhā tad addhātaya id viduḥ ||

    द्वे इति॑ । ते॒ । च॒क्रे इति॑ । सू॒र्ये॒ । ब्र॒ह्माणः॑ । ऋ॒तु॒ऽथा । वि॒दुः॒ ।
    अथ॑ । एक॑म् । च॒क्रम् । यत् । गुहा॑ । तत् । अ॒द्धा॒तयः॑ । इत् । वि॒दुः॒ ॥

    द्वे इति । ते । चक्रे इति । सूर्ये । ब्रह्माणः । ऋतुऽथा । विदुः ।
    अथ । एकम् । चक्रम् । यत् । गुहा । तत् । अद्धातयः । इत् । विदुः ॥

    dvé íti ǀ te ǀ cakré íti ǀ sūrye ǀ brahmā́ṇaḥ ǀ ṛtu-thā́ ǀ viduḥ ǀ
    átha ǀ ékam ǀ cakrám ǀ yát ǀ gúhā ǀ tát ǀ addhātáyaḥ ǀ ít ǀ viduḥ ǁ

    dve iti ǀ te ǀ cakre iti ǀ sūrye ǀ brahmāṇaḥ ǀ ṛtu-thā ǀ viduḥ ǀ
    atha ǀ ekam ǀ cakram ǀ yat ǀ guhā ǀ tat ǀ addhātayaḥ ǀ it ǀ viduḥ ǁ

    10.85.16 Aṣṭaka 8.3.23.1Anuvāka 10.7.16Interpretations

17. Ṛk 17

    सू॒र्यायै॑ दे॒वेभ्यो॑ मि॒त्राय॒ वरु॑णाय च ।
    ये भू॒तस्य॒ प्रचे॑तस इ॒दं तेभ्यो॑ऽकरं॒ नमः॑ ॥

    सूर्यायै देवेभ्यो मित्राय वरुणाय च |
    ये भूतस्य प्रचेतस इदं तेभ्यो ऽकरं नमः ||

    sūryā́yai devébhyo mitrā́ya váruṇāya ca ǀ
    yé bhūtásya prácetasa idám tébhyo’karam námaḥ ǁ

    sūryāyai devebhyo mitrāya varuṇāya ca |
    ye bhūtasya pracetasa idaṃ tebhyo 'karaṃ namaḥ ||

    सू॒र्यायै॑ । दे॒वेभ्यः॑ । मि॒त्राय॑ । वरु॑णाय । च॒ ।
    ये । भू॒तस्य॑ । प्रऽचे॑तसः । इ॒दम् । तेभ्यः॑ । अ॒क॒र॒म् । नमः॑ ॥

    सूर्यायै । देवेभ्यः । मित्राय । वरुणाय । च ।
    ये । भूतस्य । प्रऽचेतसः । इदम् । तेभ्यः । अकरम् । नमः ॥

    sūryā́yai ǀ devébhyaḥ ǀ mitrā́ya ǀ váruṇāya ǀ ca ǀ
    yé ǀ bhūtásya ǀ prá-cetasaḥ ǀ idám ǀ tébhyaḥ ǀ akaram ǀ námaḥ ǁ

    sūryāyai ǀ devebhyaḥ ǀ mitrāya ǀ varuṇāya ǀ ca ǀ
    ye ǀ bhūtasya ǀ pra-cetasaḥ ǀ idam ǀ tebhyaḥ ǀ akaram ǀ namaḥ ǁ

    10.85.17 Aṣṭaka 8.3.23.2Anuvāka 10.7.17Interpretations

18. Ṛk 18

    पू॒र्वा॒प॒रं च॑रतो मा॒ययै॒तौ शिशू॒ क्रीळं॑तौ॒ परि॑ यातो अध्व॒रं ।
    विश्वा॑न्य॒न्यो भुव॑नाभि॒चष्ट॑ ऋ॒तूँर॒न्यो वि॒दध॑ज्जायते॒ पुनः॑ ॥

    पूर्वापरं चरतो माययैतौ शिशू क्रीऌअन्तौ परि यातो अध्वरम् |
    विश्वान्य् अन्यो भुवनाभिचष्ट ऋतूंर् अन्यो विदधज् जायते पुनः ||

    pūrvāparám carato māyáyaitáu śíśū krī́ḷantau pári yāto adhvarám ǀ
    víśvānyanyó bhúvanābhicáṣṭa ṛtū́m̐ranyó vidádhajjāyate púnaḥ ǁ

    pūrvāparaṃ carato māyayaitau śiśū krīḷantau pari yāto adhvaram |
    viśvāny anyo bhuvanābhicaṣṭa ṛtūṃr anyo vidadhaj jāyate punaḥ ||

    पू॒र्व॒ऽअ॒प॒रम् । च॒र॒तः॒ । मा॒यया॑ । ए॒तौ । शिशू॒ इति॑ । क्रीळ॑न्तौ । परि॑ । या॒तः॒ । अ॒ध्व॒रम् ।
    विश्वा॑नि । अ॒न्यः । भुव॑ना । अ॒भि॒ऽचष्टे॑ । ऋ॒तून् । अ॒न्यः । वि॒ऽदध॑त् । जा॒य॒ते॒ । पुन॒रिति॑ ॥

    पूर्वऽअपरम् । चरतः । मायया । एतौ । शिशू इति । क्रीळन्तौ । परि । यातः । अध्वरम् ।
    विश्वानि । अन्यः । भुवना । अभिऽचष्टे । ऋतून् । अन्यः । विऽदधत् । जायते । पुनरिति ॥

    pūrva-aparám ǀ carataḥ ǀ māyáyā ǀ etáu ǀ śíśū íti ǀ krī́ḷantau ǀ pári ǀ yātaḥ ǀ adhvarám ǀ
    víśvāni ǀ anyáḥ ǀ bhúvanā ǀ abhi-cáṣṭe ǀ ṛtū́n ǀ anyáḥ ǀ vi-dádhat ǀ jāyate ǀ púnaríti ǁ

    pūrva-aparam ǀ carataḥ ǀ māyayā ǀ etau ǀ śiśū iti ǀ krīḷantau ǀ pari ǀ yātaḥ ǀ adhvaram ǀ
    viśvāni ǀ anyaḥ ǀ bhuvanā ǀ abhi-caṣṭe ǀ ṛtūn ǀ anyaḥ ǀ vi-dadhat ǀ jāyate ǀ punariti ǁ

    10.85.18 Aṣṭaka 8.3.23.3Anuvāka 10.7.18Interpretations

19. Ṛk 19

    नवो॑नवो भवति॒ जाय॑मा॒नोऽह्नां॑ के॒तुरु॒षसा॑मे॒त्यग्रं॑ ।
    भा॒गं दे॒वेभ्यो॒ वि द॑धात्या॒यन्प्र चं॒द्रमा॑स्तिरते दी॒र्घमायुः॑ ॥

    नवो-नवो भवति जायमानो ऽह्नां केतुर् उषसाम् एत्य् अग्रम् |
    भागं देवेभ्यो वि दधात्य् आयन् प्र चन्द्रमास् तिरते दीर्घम् आयुः ||

    návonavo bhavati jā́yamānó’hnām ketúruṣásāmetyágram ǀ
    bhāgám devébhyo ví dadhātyāyánprá candrámāstirate dīrghámā́yuḥ ǁ

    navo-navo bhavati jāyamāno 'hnāṃ ketur uṣasām ety agram |
    bhāgaṃ devebhyo vi dadhāty āyan pra candramās tirate dīrgham āyuḥ ||

    नवः॑ऽनवः । भ॒व॒ति॒ । जाय॑मानः । अह्ना॑म् । के॒तुः । उ॒षसा॑म् । ए॒ति॒ । अग्र॑म् ।
    भा॒गम् । दे॒वेभ्यः॑ । वि । द॒धा॒ति॒ । आ॒ऽयन् । प्र । च॒न्द्रमाः॑ । ति॒र॒ते॒ । दी॒र्घम् । आयुः॑ ॥

    नवःऽनवः । भवति । जायमानः । अह्नाम् । केतुः । उषसाम् । एति । अग्रम् ।
    भागम् । देवेभ्यः । वि । दधाति । आऽयन् । प्र । चन्द्रमाः । तिरते । दीर्घम् । आयुः ॥

    návaḥ-navaḥ ǀ bhavati ǀ jā́yamānaḥ ǀ áhnām ǀ ketúḥ ǀ uṣásām ǀ eti ǀ ágram ǀ
    bhāgám ǀ devébhyaḥ ǀ ví ǀ dadhāti ǀ ā-yán ǀ prá ǀ candrámāḥ ǀ tirate ǀ dīrghám ǀ ā́yuḥ ǁ

    navaḥ-navaḥ ǀ bhavati ǀ jāyamānaḥ ǀ ahnām ǀ ketuḥ ǀ uṣasām ǀ eti ǀ agram ǀ
    bhāgam ǀ devebhyaḥ ǀ vi ǀ dadhāti ǀ ā-yan ǀ pra ǀ candramāḥ ǀ tirate ǀ dīrgham ǀ āyuḥ ǁ

    10.85.19 Aṣṭaka 8.3.23.4Anuvāka 10.7.19Interpretations

20. Ṛk 20

    सु॒किं॒शु॒कं श॑ल्म॒लिं वि॒श्वरू॑पं॒ हिर॑ण्यवर्णं सु॒वृतं॑ सुच॒क्रं ।
    आ रो॑ह सूर्ये अ॒मृत॑स्य लो॒कं स्यो॒नं पत्ये॑ वह॒तुं कृ॑णुष्व ॥

    सुकिंशुकं शल्मलिं विश्वरूपं हिरण्यवर्णं सुवृतं सुचक्रम् |
    आ रोह सूर्ये अमृतस्य लोकं स्योनम् पत्ये वहतुं कृणुष्व ||

    sukiṃśukám śalmalím viśvárūpam híraṇyavarṇam suvṛ́tam sucakrám ǀ
    ā́ roha sūrye amṛ́tasya lokám syonám pátye vahatúm kṛṇuṣva ǁ

    sukiṃśukaṃ śalmaliṃ viśvarūpaṃ hiraṇyavarṇaṃ suvṛtaṃ sucakram |
    ā roha sūrye amṛtasya lokaṃ syonam patye vahatuṃ kṛṇuṣva ||

    सु॒ऽकिं॒शु॒कम् । श॒ल्म॒लिम् । वि॒श्वऽरू॑पम् । हिर॑ण्यऽवर्णम् । सु॒ऽवृत॑म् । सु॒ऽच॒क्रम् ।
    आ । रो॒ह॒ । सू॒र्ये॒ । अ॒मृत॑स्य । लो॒कम् । स्यो॒नम् । पत्ये॑ । व॒ह॒तुम् । कृ॒णु॒ष्व॒ ॥

    सुऽकिंशुकम् । शल्मलिम् । विश्वऽरूपम् । हिरण्यऽवर्णम् । सुऽवृतम् । सुऽचक्रम् ।
    आ । रोह । सूर्ये । अमृतस्य । लोकम् । स्योनम् । पत्ये । वहतुम् । कृणुष्व ॥

    su-kiṃśukám ǀ śalmalím ǀ viśvá-rūpam ǀ híraṇya-varṇam ǀ su-vṛ́tam ǀ su-cakrám ǀ
    ā́ ǀ roha ǀ sūrye ǀ amṛ́tasya ǀ lokám ǀ syonám ǀ pátye ǀ vahatúm ǀ kṛṇuṣva ǁ

    su-kiṃśukam ǀ śalmalim ǀ viśva-rūpam ǀ hiraṇya-varṇam ǀ su-vṛtam ǀ su-cakram ǀ
    ā ǀ roha ǀ sūrye ǀ amṛtasya ǀ lokam ǀ syonam ǀ patye ǀ vahatum ǀ kṛṇuṣva ǁ

    10.85.20 Aṣṭaka 8.3.23.5Anuvāka 10.7.20Interpretations

21. Ṛk 21

    उदी॒र्ष्वातः॒ पति॑वती॒ ह्ये॒३॒॑षा वि॒श्वाव॑सुं॒ नम॑सा गी॒र्भिरी॑ळे ।
    अ॒न्यामि॑च्छ पितृ॒षदं॒ व्य॑क्तां॒ स ते॑ भा॒गो ज॒नुषा॒ तस्य॑ विद्धि ॥

    उद् ईर्ष्वातः पतिवती ह्य् एषा विश्वावसुं नमसा गीर्भिर् ईळे |
    अन्याम् इच्छ पितृषदं व्यक्तां स ते भागो जनुषा तस्य विद्धि ||

    údīrṣvā́taḥ pátivatī hyéṣā́ viśvā́vasum námasā gīrbhírīḷe ǀ
    anyā́miccha pitṛṣádam vyáktām sá te bhāgó janúṣā tásya viddhi ǁ

    ud īrṣvātaḥ pativatī hy eṣā viśvāvasuṃ namasā gīrbhir īḷe |
    anyām iccha pitṛṣadaṃ vyaktāṃ sa te bhāgo januṣā tasya viddhi ||

    उत् । ई॒र्ष्व॒ । अतः॑ । पति॑ऽवती । हि । ए॒षा । वि॒श्वऽव॑सुम् । नम॑सा । गीः॒ऽभिः । ई॒ळे॒ ।
    अ॒न्याम् । इ॒च्छ॒ । पि॒तृ॒ऽसद॑म् । विऽअ॑क्ताम् । सः । ते॒ । भा॒गः । ज॒नुषा॑ । तस्य॑ । वि॒द्धि॒ ॥

    उत् । ईर्ष्व । अतः । पतिऽवती । हि । एषा । विश्वऽवसुम् । नमसा । गीःऽभिः । ईळे ।
    अन्याम् । इच्छ । पितृऽसदम् । विऽअक्ताम् । सः । ते । भागः । जनुषा । तस्य । विद्धि ॥

    út ǀ īrṣva ǀ átaḥ ǀ páti-vatī ǀ hí ǀ eṣā́ ǀ viśvá-vasum ǀ námasā ǀ gīḥ-bhíḥ ǀ īḷe ǀ
    anyā́m ǀ iccha ǀ pitṛ-sádam ǀ ví-aktām ǀ sáḥ ǀ te ǀ bhāgáḥ ǀ janúṣā ǀ tásya ǀ viddhi ǁ

    ut ǀ īrṣva ǀ ataḥ ǀ pati-vatī ǀ hi ǀ eṣā ǀ viśva-vasum ǀ namasā ǀ gīḥ-bhiḥ ǀ īḷe ǀ
    anyām ǀ iccha ǀ pitṛ-sadam ǀ vi-aktām ǀ saḥ ǀ te ǀ bhāgaḥ ǀ januṣā ǀ tasya ǀ viddhi ǁ

    10.85.21 Aṣṭaka 8.3.24.1Anuvāka 10.7.21Interpretations

22. Ṛk 22

    उदी॒र्ष्वातो॑ विश्वावसो॒ नम॑सेळा महे त्वा ।
    अ॒न्यामि॑च्छ प्रफ॒र्व्यं१॒॑ सं जा॒यां पत्या॑ सृज ॥

    उद् ईर्ष्वातो विश्वावसो नमसेऌआ महे त्वा |
    अन्याम् इच्छ प्रफर्व्यं सं जायाम् पत्या सृज ||

    údīrṣvā́to viśvāvaso námaseḷā mahe tvā ǀ
    anyā́miccha prapharvyám sám jāyā́m pátyā sṛja ǁ

    ud īrṣvāto viśvāvaso namaseḷā mahe tvā |
    anyām iccha prapharvyaṃ saṃ jāyām patyā sṛja ||

    उत् । ई॒र्ष्व॒ । अतः॑ । वि॒श्व॒व॒सो॒ इति॑ विश्वऽवसो । नम॑सा । ई॒ळा॒म॒हे॒ । त्वा॒ ।
    अ॒न्याम् । इ॒च्छ॒ । प्र॒ऽफ॒र्व्य॑म् । सम् । जा॒याम् । पत्या॑ । सृ॒ज॒ ॥

    उत् । ईर्ष्व । अतः । विश्ववसो इति विश्वऽवसो । नमसा । ईळामहे । त्वा ।
    अन्याम् । इच्छ । प्रऽफर्व्यम् । सम् । जायाम् । पत्या । सृज ॥

    út ǀ īrṣva ǀ átaḥ ǀ viśvavaso íti viśva-vaso ǀ námasā ǀ īḷāmahe ǀ tvā ǀ
    anyā́m ǀ iccha ǀ pra-pharvyám ǀ sám ǀ jāyā́m ǀ pátyā ǀ sṛja ǁ

    ut ǀ īrṣva ǀ ataḥ ǀ viśvavaso iti viśva-vaso ǀ namasā ǀ īḷāmahe ǀ tvā ǀ
    anyām ǀ iccha ǀ pra-pharvyam ǀ sam ǀ jāyām ǀ patyā ǀ sṛja ǁ

    10.85.22 Aṣṭaka 8.3.24.2Anuvāka 10.7.22Interpretations

23. Ṛk 23

    अ॒नृ॒क्ष॒रा ऋ॒जवः॑ संतु॒ पंथा॒ येभिः॒ सखा॑यो॒ यंति॑ नो वरे॒यं ।
    सम॑र्य॒मा सं भगो॑ नो निनीया॒त्सं जा॑स्प॒त्यं सु॒यम॑मस्तु देवाः ॥

    अनृक्षरा ऋजवः सन्तु पन्था येभिः सखायो यन्ति नो वरेयम् |
    सम् अर्यमा सम् भगो नो निनीयात् सं जास्पत्यं सुयमम् अस्तु देवाः ||

    anṛkṣarā́ ṛjávaḥ santu pánthā yébhiḥ sákhāyo yánti no vareyám ǀ
    sámaryamā́ sám bhágo no ninīyātsám jāspatyám suyámamastu devāḥ ǁ

    anṛkṣarā ṛjavaḥ santu panthā yebhiḥ sakhāyo yanti no vareyam |
    sam aryamā sam bhago no ninīyāt saṃ jāspatyaṃ suyamam astu devāḥ ||

    अ॒नृ॒क्ष॒राः । ऋ॒जवः॑ । स॒न्तु॒ । पन्थाः॑ । येभिः॑ । सखा॑यः । यन्ति॑ । नः॒ । व॒रे॒ऽयम् ।
    सम् । अ॒र्य॒मा । सम् । भगः॑ । नः॒ । नि॒नी॒या॒त् । सम् । जाः॒ऽप॒त्यम् । सु॒ऽयम॑म् । अ॒स्तु॒ । दे॒वाः॒ ॥

    अनृक्षराः । ऋजवः । सन्तु । पन्थाः । येभिः । सखायः । यन्ति । नः । वरेऽयम् ।
    सम् । अर्यमा । सम् । भगः । नः । निनीयात् । सम् । जाःऽपत्यम् । सुऽयमम् । अस्तु । देवाः ॥

    anṛkṣarā́ḥ ǀ ṛjávaḥ ǀ santu ǀ pánthāḥ ǀ yébhiḥ ǀ sákhāyaḥ ǀ yánti ǀ naḥ ǀ vare-yám ǀ
    sám ǀ aryamā́ ǀ sám ǀ bhágaḥ ǀ naḥ ǀ ninīyāt ǀ sám ǀ jāḥ-patyám ǀ su-yámam ǀ astu ǀ devāḥ ǁ

    anṛkṣarāḥ ǀ ṛjavaḥ ǀ santu ǀ panthāḥ ǀ yebhiḥ ǀ sakhāyaḥ ǀ yanti ǀ naḥ ǀ vare-yam ǀ
    sam ǀ aryamā ǀ sam ǀ bhagaḥ ǀ naḥ ǀ ninīyāt ǀ sam ǀ jāḥ-patyam ǀ su-yamam ǀ astu ǀ devāḥ ǁ

    10.85.23 Aṣṭaka 8.3.24.3Anuvāka 10.7.23Interpretations

24. Ṛk 24

    प्र त्वा॑ मुंचामि॒ वरु॑णस्य॒ पाशा॒द्येन॒ त्वाब॑ध्नात्सवि॒ता सु॒शेवः॑ ।
    ऋ॒तस्य॒ योनौ॑ सुकृ॒तस्य॑ लो॒केऽरि॑ष्टां त्वा स॒ह पत्या॑ दधामि ॥

    प्र त्वा मुञ्चामि वरुणस्य पाशाद् येन त्वाबध्नात् सविता सुशेवः |
    ऋतस्य योनौ सुकृतस्य लोके ऽरिष्टां त्वा सह पत्या दधामि ||

    prá tvā muñcāmi váruṇasya pā́śādyéna tvā́badhnātsavitā́ suśévaḥ ǀ
    ṛtásya yónau sukṛtásya loké’riṣṭām tvā sahá pátyā dadhāmi ǁ

    pra tvā muñcāmi varuṇasya pāśād yena tvābadhnāt savitā suśevaḥ |
    ṛtasya yonau sukṛtasya loke 'riṣṭāṃ tvā saha patyā dadhāmi ||

    प्र । त्वा॒ । मु॒ञ्चा॒मि॒ । वरु॑णस्य । पाशा॑त् । येन॑ । त्वा॒ । अब॑ध्नात् । स॒वि॒ता । सु॒ऽशेवः॑ ।
    ऋ॒तस्य॑ । योनौ॑ । सु॒ऽकृ॒तस्य॑ । लो॒के । अरि॑ष्टाम् । त्वा॒ । स॒ह । पत्या॑ । द॒धा॒मि॒ ॥

    प्र । त्वा । मुञ्चामि । वरुणस्य । पाशात् । येन । त्वा । अबध्नात् । सविता । सुऽशेवः ।
    ऋतस्य । योनौ । सुऽकृतस्य । लोके । अरिष्टाम् । त्वा । सह । पत्या । दधामि ॥

    prá ǀ tvā ǀ muñcāmi ǀ váruṇasya ǀ pā́śāt ǀ yéna ǀ tvā ǀ ábadhnāt ǀ savitā́ ǀ su-śévaḥ ǀ
    ṛtásya ǀ yónau ǀ su-kṛtásya ǀ loké ǀ áriṣṭām ǀ tvā ǀ sahá ǀ pátyā ǀ dadhāmi ǁ

    pra ǀ tvā ǀ muñcāmi ǀ varuṇasya ǀ pāśāt ǀ yena ǀ tvā ǀ abadhnāt ǀ savitā ǀ su-śevaḥ ǀ
    ṛtasya ǀ yonau ǀ su-kṛtasya ǀ loke ǀ ariṣṭām ǀ tvā ǀ saha ǀ patyā ǀ dadhāmi ǁ

    10.85.24 Aṣṭaka 8.3.24.4Anuvāka 10.7.24Interpretations

25. Ṛk 25

    प्रेतो मुं॒चामि॒ नामुतः॑ सुब॒द्धाम॒मुत॑स्करं ।
    यथे॒यमिं॑द्र मीढ्वः सुपु॒त्रा सु॒भगास॑ति ॥

    प्रेतो मुञ्चामि नामुतः सुबद्धाम् अमुतस् करम् |
    यथेयम् इन्द्र मीढ्वः सुपुत्रा सुभगासति ||

    prétó muñcā́mi nā́mútaḥ subaddhā́mamútaskaram ǀ
    yátheyámindra mīḍhvaḥ suputrā́ subhágā́sati ǁ

    preto muñcāmi nāmutaḥ subaddhām amutas karam |
    yatheyam indra mīḍhvaḥ suputrā subhagāsati ||

    प्र । इ॒तः । मु॒ञ्चामि॑ । न । अ॒मुतः॑ । सु॒ऽब॒द्धाम् । अ॒मुतः॑ । क॒र॒म् ।
    यथा॑ । इ॒यम् । इ॒न्द्र॒ । मी॒ढ्वः॒ । सु॒ऽपु॒त्रा । सु॒ऽभगा॑ । अस॑ति ॥

    प्र । इतः । मुञ्चामि । न । अमुतः । सुऽबद्धाम् । अमुतः । करम् ।
    यथा । इयम् । इन्द्र । मीढ्वः । सुऽपुत्रा । सुऽभगा । असति ॥

    prá ǀ itáḥ ǀ muñcā́mi ǀ ná ǀ amútaḥ ǀ su-baddhā́m ǀ amútaḥ ǀ karam ǀ
    yáthā ǀ iyám ǀ indra ǀ mīḍhvaḥ ǀ su-putrā́ ǀ su-bhágā ǀ ásati ǁ

    pra ǀ itaḥ ǀ muñcāmi ǀ na ǀ amutaḥ ǀ su-baddhām ǀ amutaḥ ǀ karam ǀ
    yathā ǀ iyam ǀ indra ǀ mīḍhvaḥ ǀ su-putrā ǀ su-bhagā ǀ asati ǁ

    10.85.25 Aṣṭaka 8.3.24.5Anuvāka 10.7.25Interpretations

26. Ṛk 26

    पू॒षा त्वे॒तो न॑यतु हस्त॒गृह्या॒श्विना॑ त्वा॒ प्र व॑हतां॒ रथे॑न ।
    गृ॒हान्ग॑च्छ गृ॒हप॑त्नी॒ यथासो॑ व॒शिनी॒ त्वं वि॒दथ॒मा व॑दासि ॥

    पूषा त्वेतो नयतु हस्तगृह्याश्विना त्वा प्र वहतां रथेन |
    गृहान् गच्छ गृहपत्नी यथासो वशिनी त्वं विदथम् आ वदासि ||

    pūṣā́ tvetó nayatu hastagṛ́hyāśvínā tvā prá vahatām ráthena ǀ
    gṛhā́ngaccha gṛhápatnī yáthā́so vaśínī tvám vidáthamā́ vadāsi ǁ

    pūṣā tveto nayatu hastagṛhyāśvinā tvā pra vahatāṃ rathena |
    gṛhān gaccha gṛhapatnī yathāso vaśinī tvaṃ vidatham ā vadāsi ||

    पू॒षा । त्वा॒ । इ॒तः । न॒य॒तु॒ । ह॒स्त॒ऽगृह्य॑ । अ॒श्विना॑ । त्वा॒ । प्र । व॒ह॒ता॒म् । रथे॑न ।
    गृ॒हान् । ग॒च्छ॒ । गृ॒हऽप॑त्नी । यथा॑ । असः॑ । व॒शिनी॑ । त्वम् । वि॒दथ॑म् । आ । व॒दा॒सि॒ ॥

    पूषा । त्वा । इतः । नयतु । हस्तऽगृह्य । अश्विना । त्वा । प्र । वहताम् । रथेन ।
    गृहान् । गच्छ । गृहऽपत्नी । यथा । असः । वशिनी । त्वम् । विदथम् । आ । वदासि ॥

    pūṣā́ ǀ tvā ǀ itáḥ ǀ nayatu ǀ hasta-gṛ́hya ǀ aśvínā ǀ tvā ǀ prá ǀ vahatām ǀ ráthena ǀ
    gṛhā́n ǀ gaccha ǀ gṛhá-patnī ǀ yáthā ǀ ásaḥ ǀ vaśínī ǀ tvám ǀ vidátham ǀ ā́ ǀ vadāsi ǁ

    pūṣā ǀ tvā ǀ itaḥ ǀ nayatu ǀ hasta-gṛhya ǀ aśvinā ǀ tvā ǀ pra ǀ vahatām ǀ rathena ǀ
    gṛhān ǀ gaccha ǀ gṛha-patnī ǀ yathā ǀ asaḥ ǀ vaśinī ǀ tvam ǀ vidatham ǀ ā ǀ vadāsi ǁ

    10.85.26 Aṣṭaka 8.3.25.1Anuvāka 10.7.26Interpretations

27. Ṛk 27

    इ॒ह प्रि॒यं प्र॒जया॑ ते॒ समृ॑ध्यताम॒स्मिन्गृ॒हे गार्ह॑पत्याय जागृहि ।
    ए॒ना पत्या॑ त॒न्वं१॒॑ सं सृ॑ज॒स्वाधा॒ जिव्री॑ वि॒दथ॒मा व॑दाथः ॥

    इह प्रियम् प्रजया ते सम् ऋध्यताम् अस्मिन् गृहे गार्हपत्याय जागृहि |
    एना पत्या तन्वं सं सृजस्वाधा जिव्री विदथम् आ वदाथः ||

    ihá priyám prajáyā te sámṛdhyatāmasmíngṛhé gā́rhapatyāya jāgṛhi ǀ
    enā́ pátyā tanvám sám sṛjasvā́dhā jívrī vidáthamā́ vadāthaḥ ǁ

    iha priyam prajayā te sam ṛdhyatām asmin gṛhe gārhapatyāya jāgṛhi |
    enā patyā tanvaṃ saṃ sṛjasvādhā jivrī vidatham ā vadāthaḥ ||

    इ॒ह । प्रि॒यम् । प्र॒ऽजया॑ । ते॒ । सम् । ऋ॒ध्य॒ता॒म् । अ॒स्मिन् । गृ॒हे । गार्ह॑ऽपत्याय । जा॒गृ॒हि॒ ।
    ए॒ना । पत्या॑ । त॒न्व॑म् । सम् । सृ॒ज॒स्व॒ । अध॑ । जिव्री॒ इति॑ । वि॒दथ॑म् । आ । व॒दा॒थः॒ ॥

    इह । प्रियम् । प्रऽजया । ते । सम् । ऋध्यताम् । अस्मिन् । गृहे । गार्हऽपत्याय । जागृहि ।
    एना । पत्या । तन्वम् । सम् । सृजस्व । अध । जिव्री इति । विदथम् । आ । वदाथः ॥

    ihá ǀ priyám ǀ pra-jáyā ǀ te ǀ sám ǀ ṛdhyatām ǀ asmín ǀ gṛhé ǀ gā́rha-patyāya ǀ jāgṛhi ǀ
    enā́ ǀ pátyā ǀ tanvám ǀ sám ǀ sṛjasva ǀ ádha ǀ jívrī íti ǀ vidátham ǀ ā́ ǀ vadāthaḥ ǁ

    iha ǀ priyam ǀ pra-jayā ǀ te ǀ sam ǀ ṛdhyatām ǀ asmin ǀ gṛhe ǀ gārha-patyāya ǀ jāgṛhi ǀ
    enā ǀ patyā ǀ tanvam ǀ sam ǀ sṛjasva ǀ adha ǀ jivrī iti ǀ vidatham ǀ ā ǀ vadāthaḥ ǁ

    10.85.27 Aṣṭaka 8.3.25.2Anuvāka 10.7.27Interpretations

28. Ṛk 28

    नी॒ल॒लो॒हि॒तं भ॑वति कृ॒त्यास॒क्तिर्व्य॑ज्यते ।
    एधं॑ते अस्या ज्ञा॒तयः॒ पति॑र्बं॒धेषु॑ बध्यते ॥

    नीललोहितम् भवति कृत्यासक्तिर् व्य् अज्यते |
    एधन्ते अस्या ज्ञातयः पतिर् बन्धेषु बध्यते ||

    nīlalohitám bhavati kṛtyā́saktírvyájyate ǀ
    édhante asyā jñātáyaḥ pátirbandhéṣu badhyate ǁ

    nīlalohitam bhavati kṛtyāsaktir vy ajyate |
    edhante asyā jñātayaḥ patir bandheṣu badhyate ||

    नी॒ल॒ऽलो॒हि॒तम् । भ॒व॒ति॒ । कृ॒त्या । आ॒स॒क्तिः । वि । अ॒ज्य॒ते॒ ।
    एध॑न्ते । अ॒स्याः॒ । ज्ञा॒तयः॑ । पतिः॑ । ब॒न्धेषु॑ । ब॒ध्य॒ते॒ ॥

    नीलऽलोहितम् । भवति । कृत्या । आसक्तिः । वि । अज्यते ।
    एधन्ते । अस्याः । ज्ञातयः । पतिः । बन्धेषु । बध्यते ॥

    nīla-lohitám ǀ bhavati ǀ kṛtyā́ ǀ āsaktíḥ ǀ ví ǀ ajyate ǀ
    édhante ǀ asyāḥ ǀ jñātáyaḥ ǀ pátiḥ ǀ bandhéṣu ǀ badhyate ǁ

    nīla-lohitam ǀ bhavati ǀ kṛtyā ǀ āsaktiḥ ǀ vi ǀ ajyate ǀ
    edhante ǀ asyāḥ ǀ jñātayaḥ ǀ patiḥ ǀ bandheṣu ǀ badhyate ǁ

    10.85.28 Aṣṭaka 8.3.25.3Anuvāka 10.7.28Interpretations

29. Ṛk 29

    परा॑ देहि शामु॒ल्यं॑ ब्र॒ह्मभ्यो॒ वि भ॑जा॒ वसु॑ ।
    कृ॒त्यैषा प॒द्वती॑ भू॒त्व्या जा॒या वि॑शते॒ पतिं॑ ॥

    परा देहि शामुल्यम् ब्रह्मभ्यो वि भजा वसु |
    कृत्यैषा पद्वती भूत्व्य् आ जाया विशते पतिम् ||

    párā dehi śāmulyám brahmábhyo ví bhajā vásu ǀ
    kṛtyáiṣā́ padvátī bhūtvyā́ jāyā́ viśate pátim ǁ

    parā dehi śāmulyam brahmabhyo vi bhajā vasu |
    kṛtyaiṣā padvatī bhūtvy ā jāyā viśate patim ||

    परा॑ । दे॒हि॒ । शा॒मु॒ल्य॑म् । ब्र॒ह्मऽभ्यः॑ । वि । भ॒ज॒ । वसु॑ ।
    कृ॒त्या । ए॒षा । प॒त्ऽवती॑ । भू॒त्वी । आ । जा॒या । वि॒श॒ते॒ । पति॑म् ॥

    परा । देहि । शामुल्यम् । ब्रह्मऽभ्यः । वि । भज । वसु ।
    कृत्या । एषा । पत्ऽवती । भूत्वी । आ । जाया । विशते । पतिम् ॥

    párā ǀ dehi ǀ śāmulyám ǀ brahmá-bhyaḥ ǀ ví ǀ bhaja ǀ vásu ǀ
    kṛtyā́ ǀ eṣā́ ǀ pat-vátī ǀ bhūtvī́ ǀ ā́ ǀ jāyā́ ǀ viśate ǀ pátim ǁ

    parā ǀ dehi ǀ śāmulyam ǀ brahma-bhyaḥ ǀ vi ǀ bhaja ǀ vasu ǀ
    kṛtyā ǀ eṣā ǀ pat-vatī ǀ bhūtvī ǀ ā ǀ jāyā ǀ viśate ǀ patim ǁ

    10.85.29 Aṣṭaka 8.3.25.4Anuvāka 10.7.29Interpretations

30. Ṛk 30

    अ॒श्री॒रा त॒नूर्भ॑वति॒ रुश॑ती पा॒पया॑मु॒या ।
    पति॒र्यद्व॒ध्वो॒३॒॑ वास॑सा॒ स्वमंग॑मभि॒धित्स॑ते ॥

    अश्रीरा तनूर् भवति रुशती पापयामुया |
    पतिर् यद् वध्वो वाससा स्वम् अङ्गम् अभिधित्सते ||

    aśrīrā́ tanū́rbhavati rúśatī pāpáyāmuyā́ ǀ
    pátiryádvadhvó vā́sasā svámáṅgamabhidhítsate ǁ

    aśrīrā tanūr bhavati ruśatī pāpayāmuyā |
    patir yad vadhvo vāsasā svam aṅgam abhidhitsate ||

    अ॒श्री॒रा । त॒नूः । भ॒व॒ति॒ । रुश॑ती । पा॒पया॑ । अ॒मु॒या ।
    पतिः॑ । यत् । व॒ध्वः॑ । वास॑सा । स्वम् । अङ्ग॑म् । अ॒भि॒ऽधित्स॑ते ॥

    अश्रीरा । तनूः । भवति । रुशती । पापया । अमुया ।
    पतिः । यत् । वध्वः । वाससा । स्वम् । अङ्गम् । अभिऽधित्सते ॥

    aśrīrā́ ǀ tanū́ḥ ǀ bhavati ǀ rúśatī ǀ pāpáyā ǀ amuyā́ ǀ
    pátiḥ ǀ yát ǀ vadhváḥ ǀ vā́sasā ǀ svám ǀ áṅgam ǀ abhi-dhítsate ǁ

    aśrīrā ǀ tanūḥ ǀ bhavati ǀ ruśatī ǀ pāpayā ǀ amuyā ǀ
    patiḥ ǀ yat ǀ vadhvaḥ ǀ vāsasā ǀ svam ǀ aṅgam ǀ abhi-dhitsate ǁ

    10.85.30 Aṣṭaka 8.3.25.5Anuvāka 10.7.30Interpretations

31. Ṛk 31

    ये व॒ध्व॑श्चं॒द्रं व॑ह॒तुं यक्ष्मा॒ यंति॒ जना॒दनु॑ ।
    पुन॒स्तान्य॒ज्ञिया॑ दे॒वा नयं॑तु॒ यत॒ आग॑ताः ॥

    ये वध्वश् चन्द्रं वहतुं यक्ष्मा यन्ति जनाद् अनु |
    पुनस् तान् यज्ञिया देवा नयन्तु यत आगताः ||

    yé vadhváścandrám vahatúm yákṣmā yánti jánādánu ǀ
    púnastā́nyajñíyā devā́ náyantu yáta ā́gatāḥ ǁ

    ye vadhvaś candraṃ vahatuṃ yakṣmā yanti janād anu |
    punas tān yajñiyā devā nayantu yata āgatāḥ ||

    ये । व॒ध्वः॑ । च॒न्द्रम् । व॒ह॒तुम् । यक्ष्माः॑ । यन्ति॑ । जना॑त् । अनु॑ ।
    पुन॒रिति॑ । तान् । य॒ज्ञियाः॑ । दे॒वाः । नय॑न्तु । यतः॑ । आऽग॑ताः ॥

    ये । वध्वः । चन्द्रम् । वहतुम् । यक्ष्माः । यन्ति । जनात् । अनु ।
    पुनरिति । तान् । यज्ञियाः । देवाः । नयन्तु । यतः । आऽगताः ॥

    yé ǀ vadhváḥ ǀ candrám ǀ vahatúm ǀ yákṣmāḥ ǀ yánti ǀ jánāt ǀ ánu ǀ
    púnaríti ǀ tā́n ǀ yajñíyāḥ ǀ devā́ḥ ǀ náyantu ǀ yátaḥ ǀ ā́-gatāḥ ǁ

    ye ǀ vadhvaḥ ǀ candram ǀ vahatum ǀ yakṣmāḥ ǀ yanti ǀ janāt ǀ anu ǀ
    punariti ǀ tān ǀ yajñiyāḥ ǀ devāḥ ǀ nayantu ǀ yataḥ ǀ ā-gatāḥ ǁ

    10.85.31 Aṣṭaka 8.3.26.1Anuvāka 10.7.31Interpretations

32. Ṛk 32

    मा वि॑दन्परिपं॒थिनो॒ य आ॒सीदं॑ति॒ दंप॑ती ।
    सु॒गेभि॑र्दु॒र्गमती॑ता॒मप॑ द्रां॒त्वरा॑तयः ॥

    मा विदन् परिपन्थिनो य आसीदन्ति दम्पती |
    सुगेभिर् दुर्गम् अतीताम् अप द्रान्त्व् अरातयः ||

    mā́ vidanparipanthíno yá āsī́danti dámpatī ǀ
    sugébhirdurgámátītāmápa drāntvárātayaḥ ǁ

    mā vidan paripanthino ya āsīdanti dampatī |
    sugebhir durgam atītām apa drāntv arātayaḥ ||

    मा । वि॒द॒न् । प॒रि॒ऽप॒न्थिनः॑ । ये । आ॒ऽसीद॑न्ति॒ । दम्प॑ती॒ इति॒ दम्ऽप॑ती ।
    सु॒ऽगेभिः॑ । दुः॒ऽगम् । अति॑ । इ॒ता॒म् । अप॑ । द्रा॒न्तु॒ । अरा॑तयः ॥

    मा । विदन् । परिऽपन्थिनः । ये । आऽसीदन्ति । दम्पती इति दम्ऽपती ।
    सुऽगेभिः । दुःऽगम् । अति । इताम् । अप । द्रान्तु । अरातयः ॥

    mā́ ǀ vidan ǀ pari-panthínaḥ ǀ yé ǀ ā-sī́danti ǀ dámpatī íti dám-patī ǀ
    su-gébhiḥ ǀ duḥ-gám ǀ áti ǀ itām ǀ ápa ǀ drāntu ǀ árātayaḥ ǁ

    mā ǀ vidan ǀ pari-panthinaḥ ǀ ye ǀ ā-sīdanti ǀ dampatī iti dam-patī ǀ
    su-gebhiḥ ǀ duḥ-gam ǀ ati ǀ itām ǀ apa ǀ drāntu ǀ arātayaḥ ǁ

    10.85.32 Aṣṭaka 8.3.26.2Anuvāka 10.7.32Interpretations

33. Ṛk 33

    सु॒मं॒ग॒लीरि॒यं व॒धूरि॒मां स॒मेत॒ पश्य॑त ।
    सौभा॑ग्यमस्यै द॒त्त्वायाथास्तं॒ वि परे॑तन ॥

    सुमङ्गलीर् इयं वधूर् इमां समेत पश्यत |
    सौभाग्यम् अस्यै दत्त्वायाथास्तं वि परेतन ||

    sumaṅgalī́riyám vadhū́rimā́m saméta páśyata ǀ
    sáubhāgyamasyai dattvā́yā́thā́stam ví páretana ǁ

    sumaṅgalīr iyaṃ vadhūr imāṃ sameta paśyata |
    saubhāgyam asyai dattvāyāthāstaṃ vi paretana ||

    सु॒ऽम॒ङ्ग॒लीः । इ॒यम् । व॒धूः । इ॒माम् । स॒म्ऽएत॑ । पश्य॑त ।
    सौभा॑ग्यम् । अ॒स्यै॒ । द॒त्त्वाय॑ । अथ॑ । अस्त॑म् । वि । परा॑ । इ॒त॒न॒ ॥

    सुऽमङ्गलीः । इयम् । वधूः । इमाम् । सम्ऽएत । पश्यत ।
    सौभाग्यम् । अस्यै । दत्त्वाय । अथ । अस्तम् । वि । परा । इतन ॥

    su-maṅgalī́ḥ ǀ iyám ǀ vadhū́ḥ ǀ imā́m ǀ sam-éta ǀ páśyata ǀ
    sáubhāgyam ǀ asyai ǀ dattvā́ya ǀ átha ǀ ástam ǀ ví ǀ párā ǀ itana ǁ

    su-maṅgalīḥ ǀ iyam ǀ vadhūḥ ǀ imām ǀ sam-eta ǀ paśyata ǀ
    saubhāgyam ǀ asyai ǀ dattvāya ǀ atha ǀ astam ǀ vi ǀ parā ǀ itana ǁ

    10.85.33 Aṣṭaka 8.3.26.3Anuvāka 10.7.33Interpretations

34. Ṛk 34

    तृ॒ष्टमे॒तत्कटु॑कमे॒तद॑पा॒ष्ठव॑द्वि॒षव॒न्नैतदत्त॑वे ।
    सू॒र्यां यो ब्र॒ह्मा वि॒द्यात्स इद्वाधू॑यमर्हति ॥

    तृष्टम् एतत् कटुकम् एतद् अपाष्ठवद् विषवन् नैतद् अत्तवे |
    सूर्यां यो ब्रह्मा विद्यात् स इद् वाधूयम् अर्हति ||

    tṛṣṭámetátkáṭukametádapāṣṭhávadviṣávannáitádáttave ǀ
    sūryā́m yó brahmā́ vidyā́tsá ídvā́dhūyamarhati ǁ

    tṛṣṭam etat kaṭukam etad apāṣṭhavad viṣavan naitad attave |
    sūryāṃ yo brahmā vidyāt sa id vādhūyam arhati ||

    तृ॒ष्टम् । ए॒तत् । कटु॑कम् । ए॒तत् । अ॒पा॒ष्ठऽव॑त् । वि॒षऽव॑त् । न । ए॒तत् । अत्त॑वे ।
    सू॒र्याम् । यः । ब्र॒ह्मा । वि॒द्यात् । सः । इत् । वाधू॑ऽयम् । अ॒र्ह॒ति॒ ॥

    तृष्टम् । एतत् । कटुकम् । एतत् । अपाष्ठऽवत् । विषऽवत् । न । एतत् । अत्तवे ।
    सूर्याम् । यः । ब्रह्मा । विद्यात् । सः । इत् । वाधूऽयम् । अर्हति ॥

    tṛṣṭám ǀ etát ǀ káṭukam ǀ etát ǀ apāṣṭhá-vat ǀ viṣá-vat ǀ ná ǀ etát ǀ áttave ǀ
    sūryā́m ǀ yáḥ ǀ brahmā́ ǀ vidyā́t ǀ sáḥ ǀ ít ǀ vā́dhū-yam ǀ arhati ǁ

    tṛṣṭam ǀ etat ǀ kaṭukam ǀ etat ǀ apāṣṭha-vat ǀ viṣa-vat ǀ na ǀ etat ǀ attave ǀ
    sūryām ǀ yaḥ ǀ brahmā ǀ vidyāt ǀ saḥ ǀ it ǀ vādhū-yam ǀ arhati ǁ

    10.85.34 Aṣṭaka 8.3.26.4Anuvāka 10.7.34Interpretations

35. Ṛk 35

    आ॒शस॑नं वि॒शस॑न॒मथो॑ अधिवि॒कर्त॑नं ।
    सू॒र्यायाः॑ पश्य रू॒पाणि॒ तानि॑ ब्र॒ह्मा तु शुं॑धति ॥

    आशसनं विशसनम् अथो अधिविकर्तनम् |
    सूर्यायाः पश्य रूपाणि तानि ब्रह्मा तु शुन्धति ||

    āśásanam viśásanamátho adhivikártanam ǀ
    sūryā́yāḥ paśya rūpā́ṇi tā́ni brahmā́ tú śundhati ǁ

    āśasanaṃ viśasanam atho adhivikartanam |
    sūryāyāḥ paśya rūpāṇi tāni brahmā tu śundhati ||

    आ॒ऽशस॑नम् । वि॒ऽशस॑नम् । अथो॒ इति॑ । अ॒धि॒ऽवि॒कर्त॑नम् ।
    सू॒र्यायाः॑ । प॒श्य॒ । रू॒पाणि॑ । तानि॑ । ब्र॒ह्मा । तु । शु॒न्ध॒ति॒ ॥

    आऽशसनम् । विऽशसनम् । अथो इति । अधिऽविकर्तनम् ।
    सूर्यायाः । पश्य । रूपाणि । तानि । ब्रह्मा । तु । शुन्धति ॥

    ā-śásanam ǀ vi-śásanam ǀ átho íti ǀ adhi-vikártanam ǀ
    sūryā́yāḥ ǀ paśya ǀ rūpā́ṇi ǀ tā́ni ǀ brahmā́ ǀ tú ǀ śundhati ǁ

    ā-śasanam ǀ vi-śasanam ǀ atho iti ǀ adhi-vikartanam ǀ
    sūryāyāḥ ǀ paśya ǀ rūpāṇi ǀ tāni ǀ brahmā ǀ tu ǀ śundhati ǁ

    10.85.35 Aṣṭaka 8.3.26.5Anuvāka 10.7.35Interpretations

36. Ṛk 36

    गृ॒भ्णामि॑ ते सौभग॒त्वाय॒ हस्तं॒ मया॒ पत्या॑ ज॒रद॑ष्टि॒र्यथासः॑ ।
    भगो॑ अर्य॒मा स॑वि॒ता पुरं॑धि॒र्मह्यं॑ त्वादु॒र्गार्ह॑पत्याय दे॒वाः ॥

    गृभ्णामि ते सौभगत्वाय हस्तम् मया पत्या जरदष्टिर् यथासः |
    भगो अर्यमा सविता पुरन्धिर् मह्यं त्वादुर् गार्हपत्याय देवाः ||

    gṛbhṇā́mi te saubhagatvā́ya hástam máyā pátyā jarádaṣṭiryáthā́saḥ ǀ
    bhágo aryamā́ savitā́ púraṃdhirmáhyam tvādurgā́rhapatyāya devā́ḥ ǁ

    gṛbhṇāmi te saubhagatvāya hastam mayā patyā jaradaṣṭir yathāsaḥ |
    bhago aryamā savitā purandhir mahyaṃ tvādur gārhapatyāya devāḥ ||

    गृ॒भ्णामि॑ । ते॒ । सौ॒भ॒ग॒ऽत्वाय॑ । हस्त॑म् । मया॑ । पत्या॑ । ज॒रत्ऽअ॑ष्टिः । यथा॑ । असः॑ ।
    भगः॑ । अ॒र्य॒मा । स॒वि॒ता । पुर॑म्ऽधिः । मह्य॑म् । त्वा॒ । अ॒दुः॒ । गार्ह॑ऽपत्याय । दे॒वाः ॥

    गृभ्णामि । ते । सौभगऽत्वाय । हस्तम् । मया । पत्या । जरत्ऽअष्टिः । यथा । असः ।
    भगः । अर्यमा । सविता । पुरम्ऽधिः । मह्यम् । त्वा । अदुः । गार्हऽपत्याय । देवाः ॥

    gṛbhṇā́mi ǀ te ǀ saubhaga-tvā́ya ǀ hástam ǀ máyā ǀ pátyā ǀ jarát-aṣṭiḥ ǀ yáthā ǀ ásaḥ ǀ
    bhágaḥ ǀ aryamā́ ǀ savitā́ ǀ púram-dhiḥ ǀ máhyam ǀ tvā ǀ aduḥ ǀ gā́rha-patyāya ǀ devā́ḥ ǁ

    gṛbhṇāmi ǀ te ǀ saubhaga-tvāya ǀ hastam ǀ mayā ǀ patyā ǀ jarat-aṣṭiḥ ǀ yathā ǀ asaḥ ǀ
    bhagaḥ ǀ aryamā ǀ savitā ǀ puram-dhiḥ ǀ mahyam ǀ tvā ǀ aduḥ ǀ gārha-patyāya ǀ devāḥ ǁ

    10.85.36 Aṣṭaka 8.3.27.1Anuvāka 10.7.36Interpretations

37. Ṛk 37

    तां पू॑षंछि॒वत॑मा॒मेर॑यस्व॒ यस्यां॒ बीजं॑ मनु॒ष्या॒३॒॑ वपं॑ति ।
    या न॑ ऊ॒रू उ॑श॒ती वि॒श्रया॑ते॒ यस्या॑मु॒शंतः॑ प्र॒हरा॑म॒ शेपं॑ ॥

    ताम् पूषञ् छिवतमाम् एरयस्व यस्याम् बीजम् मनुष्या वपन्ति |
    या न ऊरू उशती विश्रयाते यस्याम् उशन्तः प्रहराम शेपम् ||

    tā́m pūṣañchivátamāmérayasva yásyām bī́jam manuṣyā́ vápanti ǀ
    yā́ na ūrū́ uśatī́ viśráyāte yásyāmuśántaḥ prahárāma śépam ǁ

    tām pūṣañ chivatamām erayasva yasyām bījam manuṣyā vapanti |
    yā na ūrū uśatī viśrayāte yasyām uśantaḥ praharāma śepam ||

    ताम् । पू॒ष॒न् । शि॒वऽत॑माम् । आ । ई॒र॒य॒स्व॒ । यस्या॑म् । बीज॑म् । म॒नु॒ष्याः॑ । वप॑न्ति ।
    या । नः॒ । ऊ॒रू इति॑ । उ॒श॒ती । वि॒ऽश्रया॑ते । यस्या॑म् । उ॒शन्तः॑ । प्र॒ऽहरा॑म । शेप॑म् ॥

    ताम् । पूषन् । शिवऽतमाम् । आ । ईरयस्व । यस्याम् । बीजम् । मनुष्याः । वपन्ति ।
    या । नः । ऊरू इति । उशती । विऽश्रयाते । यस्याम् । उशन्तः । प्रऽहराम । शेपम् ॥

    tā́m ǀ pūṣan ǀ śivá-tamām ǀ ā́ ǀ īrayasva ǀ yásyām ǀ bī́jam ǀ manuṣyā́ḥ ǀ vápanti ǀ
    yā́ ǀ naḥ ǀ ūrū́ íti ǀ uśatī́ ǀ vi-śráyāte ǀ yásyām ǀ uśántaḥ ǀ pra-hárāma ǀ śépam ǁ

    tām ǀ pūṣan ǀ śiva-tamām ǀ ā ǀ īrayasva ǀ yasyām ǀ bījam ǀ manuṣyāḥ ǀ vapanti ǀ
    yā ǀ naḥ ǀ ūrū iti ǀ uśatī ǀ vi-śrayāte ǀ yasyām ǀ uśantaḥ ǀ pra-harāma ǀ śepam ǁ

    10.85.37 Aṣṭaka 8.3.27.2Anuvāka 10.7.37Interpretations

38. Ṛk 38

    तुभ्य॒मग्रे॒ पर्य॑वहन्त्सू॒र्यां व॑ह॒तुना॑ स॒ह ।
    पुनः॒ पति॑भ्यो जा॒यां दा अ॑ग्ने प्र॒जया॑ स॒ह ॥

    तुभ्यम् अग्रे पर्य् अवहन् सूर्यां वहतुना सह |
    पुनः पतिभ्यो जायां दा अग्ने प्रजया सह ||

    túbhyamágre páryavahantsūryā́m vahatúnā sahá ǀ
    púnaḥ pátibhyo jāyā́m dā́ agne prajáyā sahá ǁ

    tubhyam agre pary avahan sūryāṃ vahatunā saha |
    punaḥ patibhyo jāyāṃ dā agne prajayā saha ||

    तुभ्य॑म् । अग्रे॑ । परि॑ । अ॒व॒ह॒न् । सू॒र्याम् । व॒ह॒तुना॑ । स॒ह ।
    पुन॒रिति॑ । पति॑ऽभ्यः । जा॒याम् । दाः । अ॒ग्ने॒ । प्र॒ऽजया॑ । स॒ह ॥

    तुभ्यम् । अग्रे । परि । अवहन् । सूर्याम् । वहतुना । सह ।
    पुनरिति । पतिऽभ्यः । जायाम् । दाः । अग्ने । प्रऽजया । सह ॥

    túbhyam ǀ ágre ǀ pári ǀ avahan ǀ sūryā́m ǀ vahatúnā ǀ sahá ǀ
    púnaríti ǀ páti-bhyaḥ ǀ jāyā́m ǀ dā́ḥ ǀ agne ǀ pra-jáyā ǀ sahá ǁ

    tubhyam ǀ agre ǀ pari ǀ avahan ǀ sūryām ǀ vahatunā ǀ saha ǀ
    punariti ǀ pati-bhyaḥ ǀ jāyām ǀ dāḥ ǀ agne ǀ pra-jayā ǀ saha ǁ

    10.85.38 Aṣṭaka 8.3.27.3Anuvāka 10.7.38Interpretations

39. Ṛk 39

    पुनः॒ पत्नी॑म॒ग्निर॑दा॒दायु॑षा स॒ह वर्च॑सा ।
    दी॒र्घायु॑रस्या॒ यः पति॒र्जीवा॑ति श॒रदः॑ श॒तं ॥

    पुनः पत्नीम् अग्निर् अदाद् आयुषा सह वर्चसा |
    दीर्घायुर् अस्या यः पतिर् जीवाति शरदः शतम् ||

    púnaḥ pátnīmagníradādā́yuṣā sahá várcasā ǀ
    dīrghā́yurasyā yáḥ pátirjī́vāti śarádaḥ śatám ǁ

    punaḥ patnīm agnir adād āyuṣā saha varcasā |
    dīrghāyur asyā yaḥ patir jīvāti śaradaḥ śatam ||

    पुन॒रिति॑ । पत्नी॑म् । अ॒ग्निः । अ॒दा॒त् । आयु॑षा । स॒ह । वर्च॑सा ।
    दी॒र्घऽआ॑युः । अ॒स्याः॒ । यः । पतिः॑ । जीवा॑ति । श॒रदः॑ । श॒तम् ॥

    पुनरिति । पत्नीम् । अग्निः । अदात् । आयुषा । सह । वर्चसा ।
    दीर्घऽआयुः । अस्याः । यः । पतिः । जीवाति । शरदः । शतम् ॥

    púnaríti ǀ pátnīm ǀ agníḥ ǀ adāt ǀ ā́yuṣā ǀ sahá ǀ várcasā ǀ
    dīrghá-āyuḥ ǀ asyāḥ ǀ yáḥ ǀ pátiḥ ǀ jī́vāti ǀ śarádaḥ ǀ śatám ǁ

    punariti ǀ patnīm ǀ agniḥ ǀ adāt ǀ āyuṣā ǀ saha ǀ varcasā ǀ
    dīrgha-āyuḥ ǀ asyāḥ ǀ yaḥ ǀ patiḥ ǀ jīvāti ǀ śaradaḥ ǀ śatam ǁ

    10.85.39 Aṣṭaka 8.3.27.4Anuvāka 10.7.39Interpretations

40. Ṛk 40

    सोमः॑ प्रथ॒मो वि॑विदे गंध॒र्वो वि॑विद॒ उत्त॑रः ।
    तृ॒तीयो॑ अ॒ग्निष्टे॒ पति॑स्तु॒रीय॑स्ते मनुष्य॒जाः ॥

    सोमः प्रथमो विविदे गन्धर्वो विविद उत्तरः |
    तृतीयो अग्निष् टे पतिस् तुरीयस् ते मनुष्यजाः ||

    sómaḥ prathamó vivide gandharvó vivida úttaraḥ ǀ
    tṛtī́yo agníṣṭe pátisturī́yaste manuṣyajā́ḥ ǁ

    somaḥ prathamo vivide gandharvo vivida uttaraḥ |
    tṛtīyo agniṣ ṭe patis turīyas te manuṣyajāḥ ||

    सोमः॑ । प्र॒थ॒मः । वि॒वि॒दे॒ । ग॒न्ध॒र्वः । वि॒वि॒दे॒ । उत्ऽत॑रः ।
    तृ॒तीयः॑ । अ॒ग्निः । ते॒ । पतिः॑ । तु॒रीयः॑ । ते॒ । म॒नु॒ष्य॒ऽजाः ॥

    सोमः । प्रथमः । विविदे । गन्धर्वः । विविदे । उत्ऽतरः ।
    तृतीयः । अग्निः । ते । पतिः । तुरीयः । ते । मनुष्यऽजाः ॥

    sómaḥ ǀ prathamáḥ ǀ vivide ǀ gandharváḥ ǀ vivide ǀ út-taraḥ ǀ
    tṛtī́yaḥ ǀ agníḥ ǀ te ǀ pátiḥ ǀ turī́yaḥ ǀ te ǀ manuṣya-jā́ḥ ǁ

    somaḥ ǀ prathamaḥ ǀ vivide ǀ gandharvaḥ ǀ vivide ǀ ut-taraḥ ǀ
    tṛtīyaḥ ǀ agniḥ ǀ te ǀ patiḥ ǀ turīyaḥ ǀ te ǀ manuṣya-jāḥ ǁ

    10.85.40 Aṣṭaka 8.3.27.5Anuvāka 10.7.40Interpretations

41. Ṛk 41

    सोमो॑ ददद्गंध॒र्वाय॑ गंध॒र्वो द॑दद॒ग्नये॑ ।
    र॒यिं च॑ पु॒त्रांश्चा॑दाद॒ग्निर्मह्य॒मथो॑ इ॒मां ॥

    सोमो ददद् गन्धर्वाय गन्धर्वो ददद् अग्नये |
    रयिं च पुत्रांश् चादाद् अग्निर् मह्यम् अथो इमाम् ||

    sómo dadadgandharvā́ya gandharvó dadadagnáye ǀ
    rayím ca putrā́ṃścādādagnírmáhyamátho imā́m ǁ

    somo dadad gandharvāya gandharvo dadad agnaye |
    rayiṃ ca putrāṃś cādād agnir mahyam atho imām ||

    सोमः॑ । द॒द॒त् । ग॒न्ध॒र्वाय॑ । ग॒न्ध॒र्वः । द॒द॒त् । अ॒ग्नये॑ ।
    र॒यिम् । च॒ । पु॒त्रान् । च॒ । अ॒दा॒त् । अ॒ग्निः । मह्य॑म् । अथो॒ इति॑ । इ॒माम् ॥

    सोमः । ददत् । गन्धर्वाय । गन्धर्वः । ददत् । अग्नये ।
    रयिम् । च । पुत्रान् । च । अदात् । अग्निः । मह्यम् । अथो इति । इमाम् ॥

    sómaḥ ǀ dadat ǀ gandharvā́ya ǀ gandharváḥ ǀ dadat ǀ agnáye ǀ
    rayím ǀ ca ǀ putrā́n ǀ ca ǀ adāt ǀ agníḥ ǀ máhyam ǀ átho íti ǀ imā́m ǁ

    somaḥ ǀ dadat ǀ gandharvāya ǀ gandharvaḥ ǀ dadat ǀ agnaye ǀ
    rayim ǀ ca ǀ putrān ǀ ca ǀ adāt ǀ agniḥ ǀ mahyam ǀ atho iti ǀ imām ǁ

    10.85.41 Aṣṭaka 8.3.28.1Anuvāka 10.7.41Interpretations

42. Ṛk 42

    इ॒हैव स्तं॒ मा वि यौ॑ष्टं॒ विश्व॒मायु॒र्व्य॑श्नुतं ।
    क्रीळं॑तौ पु॒त्रैर्नप्तृ॑भि॒र्मोद॑मानौ॒ स्वे गृ॒हे ॥

    इहैव स्तम् मा वि यौष्टं विश्वम् आयुर् व्य् अश्नुतम् |
    क्रीऌअन्तौ पुत्रैर् नप्तृभिर् मोदमानौ स्वे गृहे ||

    iháivá stam mā́ ví yauṣṭam víśvamā́yurvyáśnutam ǀ
    krī́ḷantau putráirnáptṛbhirmódamānau své gṛhé ǁ

    ihaiva stam mā vi yauṣṭaṃ viśvam āyur vy aśnutam |
    krīḷantau putrair naptṛbhir modamānau sve gṛhe ||

    इ॒ह । ए॒व । स्त॒म् । मा । वि । यौ॒ष्ट॒म् । विश्व॑म् । आयुः॑ । वि । अ॒श्नु॒त॒म् ।
    क्रीळ॑न्तौ । पु॒त्रैः । नप्तृ॑ऽभिः । मोद॑मानौ । स्वे । गृ॒हे ॥

    इह । एव । स्तम् । मा । वि । यौष्टम् । विश्वम् । आयुः । वि । अश्नुतम् ।
    क्रीळन्तौ । पुत्रैः । नप्तृऽभिः । मोदमानौ । स्वे । गृहे ॥

    ihá ǀ evá ǀ stam ǀ mā́ ǀ ví ǀ yauṣṭam ǀ víśvam ǀ ā́yuḥ ǀ ví ǀ aśnutam ǀ
    krī́ḷantau ǀ putráiḥ ǀ náptṛ-bhiḥ ǀ módamānau ǀ své ǀ gṛhé ǁ

    iha ǀ eva ǀ stam ǀ mā ǀ vi ǀ yauṣṭam ǀ viśvam ǀ āyuḥ ǀ vi ǀ aśnutam ǀ
    krīḷantau ǀ putraiḥ ǀ naptṛ-bhiḥ ǀ modamānau ǀ sve ǀ gṛhe ǁ

    10.85.42 Aṣṭaka 8.3.28.2Anuvāka 10.7.42Interpretations

43. Ṛk 43

    आ नः॑ प्र॒जां ज॑नयतु प्र॒जाप॑तिराजर॒साय॒ सम॑नक्त्वर्य॒मा ।
    अदु॑र्मंगलीः पतिलो॒कमा वि॑श॒ शं नो॑ भव द्वि॒पदे॒ शं चतु॑ष्पदे ॥

    आ नः प्रजां जनयतु प्रजापतिर् आजरसाय सम् अनक्त्व् अर्यमा |
    अदुर्मङ्गलीः पतिलोकम् आ विश शं नो भव द्विपदे शं चतुष्पदे ||

    ā́ naḥ prajā́m janayatu prajā́patirājarasā́ya sámanaktvaryamā́ ǀ
    ádurmaṅgalīḥ patilokámā́ viśa śám no bhava dvipáde śám cátuṣpade ǁ

    ā naḥ prajāṃ janayatu prajāpatir ājarasāya sam anaktv aryamā |
    adurmaṅgalīḥ patilokam ā viśa śaṃ no bhava dvipade śaṃ catuṣpade ||

    आ । नः॒ । प्र॒ऽजाम् । ज॒न॒य॒तु॒ । प्र॒जाऽप॑तिः । आ॒ऽज॒र॒साय॑ । सम् । अ॒न॒क्तु॒ । अ॒र्य॒मा ।
    अदुः॑ऽमङ्गलीः । प॒ति॒ऽलो॒कम् । आ । वि॒श॒ । शम् । नः॒ । भ॒व॒ । द्वि॒ऽपदे॑ । शम् । चतुः॑ऽपदे ॥

    आ । नः । प्रऽजाम् । जनयतु । प्रजाऽपतिः । आऽजरसाय । सम् । अनक्तु । अर्यमा ।
    अदुःऽमङ्गलीः । पतिऽलोकम् । आ । विश । शम् । नः । भव । द्विऽपदे । शम् । चतुःऽपदे ॥

    ā́ ǀ naḥ ǀ pra-jā́m ǀ janayatu ǀ prajā́-patiḥ ǀ ā-jarasā́ya ǀ sám ǀ anaktu ǀ aryamā́ ǀ
    áduḥ-maṅgalīḥ ǀ pati-lokám ǀ ā́ ǀ viśa ǀ śám ǀ naḥ ǀ bhava ǀ dvi-páde ǀ śám ǀ cátuḥ-pade ǁ

    ā ǀ naḥ ǀ pra-jām ǀ janayatu ǀ prajā-patiḥ ǀ ā-jarasāya ǀ sam ǀ anaktu ǀ aryamā ǀ
    aduḥ-maṅgalīḥ ǀ pati-lokam ǀ ā ǀ viśa ǀ śam ǀ naḥ ǀ bhava ǀ dvi-pade ǀ śam ǀ catuḥ-pade ǁ

    10.85.43 Aṣṭaka 8.3.28.3Anuvāka 10.7.43Interpretations

44. Ṛk 44

    अघो॑रचक्षु॒रप॑तिघ्न्येधि शि॒वा प॒शुभ्यः॑ सु॒मनाः॑ सु॒वर्चाः॑ ।
    वी॒र॒सूर्दे॒वका॑मा स्यो॒ना शं नो॑ भव द्वि॒पदे॒ शं चतु॑ष्पदे ॥

    अघोरचक्षुर् अपतिघ्न्य् एधि शिवा पशुभ्यः सुमनाः सुवर्चाः |
    वीरसूर् देवकामा स्योना शं नो भव द्विपदे शं चतुष्पदे ||

    ághoracakṣurápatighnyedhi śivā́ paśúbhyaḥ sumánāḥ suvárcāḥ ǀ
    vīrasū́rdevákāmā syonā́ śám no bhava dvipáde śám cátuṣpade ǁ

    aghoracakṣur apatighny edhi śivā paśubhyaḥ sumanāḥ suvarcāḥ |
    vīrasūr devakāmā syonā śaṃ no bhava dvipade śaṃ catuṣpade ||

    अघो॑रऽचक्षुः । अप॑तिऽघ्नी । ए॒धि॒ । शि॒वा । प॒शुऽभ्यः॑ । सु॒ऽमनाः॑ । सु॒ऽवर्चाः॑ ।
    वी॒र॒ऽसूः । दे॒वऽका॑मा । स्यो॒ना । शम् । नः॒ । भ॒व॒ । द्वि॒ऽपदे॑ । शम् । चतुः॑ऽपदे ॥

    अघोरऽचक्षुः । अपतिऽघ्नी । एधि । शिवा । पशुऽभ्यः । सुऽमनाः । सुऽवर्चाः ।
    वीरऽसूः । देवऽकामा । स्योना । शम् । नः । भव । द्विऽपदे । शम् । चतुःऽपदे ॥

    ághora-cakṣuḥ ǀ ápati-ghnī ǀ edhi ǀ śivā́ ǀ paśú-bhyaḥ ǀ su-mánāḥ ǀ su-várcāḥ ǀ
    vīra-sū́ḥ ǀ devá-kāmā ǀ syonā́ ǀ śám ǀ naḥ ǀ bhava ǀ dvi-páde ǀ śám ǀ cátuḥ-pade ǁ

    aghora-cakṣuḥ ǀ apati-ghnī ǀ edhi ǀ śivā ǀ paśu-bhyaḥ ǀ su-manāḥ ǀ su-varcāḥ ǀ
    vīra-sūḥ ǀ deva-kāmā ǀ syonā ǀ śam ǀ naḥ ǀ bhava ǀ dvi-pade ǀ śam ǀ catuḥ-pade ǁ

    10.85.44 Aṣṭaka 8.3.28.4Anuvāka 10.7.44Interpretations

45. Ṛk 45

    इ॒मां त्वमिं॑द्र मीढ्वः सुपु॒त्रां सु॒भगां॑ कृणु ।
    दशा॑स्यां पु॒त्राना धे॑हि॒ पति॑मेकाद॒शं कृ॑धि ॥

    इमां त्वम् इन्द्र मीढ्वः सुपुत्रां सुभगां कृणु |
    दशास्याम् पुत्रान् आ धेहि पतिम् एकादशं कृधि ||

    imā́m tvámindra mīḍhvaḥ suputrā́m subhágām kṛṇu ǀ
    dáśāsyām putrā́nā́ dhehi pátimekādaśám kṛdhi ǁ

    imāṃ tvam indra mīḍhvaḥ suputrāṃ subhagāṃ kṛṇu |
    daśāsyām putrān ā dhehi patim ekādaśaṃ kṛdhi ||

    इ॒माम् । त्वम् । इ॒न्द्र॒ । मी॒ढ्वः॒ । सु॒ऽपु॒त्राम् । सु॒ऽभगा॑म् । कृ॒णु॒ ।
    दश॑ । अ॒स्या॒म् । पु॒त्रान् । आ । धे॒हि॒ । पति॑म् । ए॒का॒द॒शम् । कृ॒धि॒ ॥

    इमाम् । त्वम् । इन्द्र । मीढ्वः । सुऽपुत्राम् । सुऽभगाम् । कृणु ।
    दश । अस्याम् । पुत्रान् । आ । धेहि । पतिम् । एकादशम् । कृधि ॥

    imā́m ǀ tvám ǀ indra ǀ mīḍhvaḥ ǀ su-putrā́m ǀ su-bhágām ǀ kṛṇu ǀ
    dáśa ǀ asyām ǀ putrā́n ǀ ā́ ǀ dhehi ǀ pátim ǀ ekādaśám ǀ kṛdhi ǁ

    imām ǀ tvam ǀ indra ǀ mīḍhvaḥ ǀ su-putrām ǀ su-bhagām ǀ kṛṇu ǀ
    daśa ǀ asyām ǀ putrān ǀ ā ǀ dhehi ǀ patim ǀ ekādaśam ǀ kṛdhi ǁ

    10.85.45 Aṣṭaka 8.3.28.5Anuvāka 10.7.45Interpretations

46. Ṛk 46

    स॒म्राज्ञी॒ श्वशु॑रे भव स॒म्राज्ञी॑ श्व॒श्र्वां भ॑व ।
    ननां॑दरि स॒म्राज्ञी॑ भव स॒म्राज्ञी॒ अधि॑ दे॒वृषु॑ ॥

    सम्राज्ञी श्वशुरे भव सम्राज्ञी श्वश्र्वाम् भव |
    ननान्दरि सम्राज्ञी भव सम्राज्ञी अधि देवृषु ||

    samrā́jñī śváśure bhava samrā́jñī śvaśrvā́m bhava ǀ
    nánāndari samrā́jñī bhava samrā́jñī ádhi devṛ́ṣu ǁ

    samrājñī śvaśure bhava samrājñī śvaśrvām bhava |
    nanāndari samrājñī bhava samrājñī adhi devṛṣu ||

    स॒म्ऽराज्ञी॑ । श्वशु॑रे । भ॒व॒ । स॒म्ऽराज्ञी॑ । श्व॒श्र्वाम् । भ॒व॒ ।
    नना॑न्दरि । स॒म्ऽराज्ञी॑ । भ॒व॒ । स॒म्ऽराज्ञी॑ । अधि॑ । दे॒वृषु॑ ॥

    सम्ऽराज्ञी । श्वशुरे । भव । सम्ऽराज्ञी । श्वश्र्वाम् । भव ।
    ननान्दरि । सम्ऽराज्ञी । भव । सम्ऽराज्ञी । अधि । देवृषु ॥

    sam-rā́jñī ǀ śváśure ǀ bhava ǀ sam-rā́jñī ǀ śvaśrvā́m ǀ bhava ǀ
    nánāndari ǀ sam-rā́jñī ǀ bhava ǀ sam-rā́jñī ǀ ádhi ǀ devṛ́ṣu ǁ

    sam-rājñī ǀ śvaśure ǀ bhava ǀ sam-rājñī ǀ śvaśrvām ǀ bhava ǀ
    nanāndari ǀ sam-rājñī ǀ bhava ǀ sam-rājñī ǀ adhi ǀ devṛṣu ǁ

    10.85.46 Aṣṭaka 8.3.28.6Anuvāka 10.7.46Interpretations

47. Ṛk 47

    समं॑जंतु॒ विश्वे॑ दे॒वाः समापो॒ हृद॑यानि नौ ।
    सं मा॑त॒रिश्वा॒ सं धा॒ता समु॒ देष्ट्री॑ दधातु नौ ॥

    सम् अञ्जन्तु विश्वे देवाः सम् आपो हृदयानि नौ |
    सम् मातरिश्वा सं धाता सम् उ देष्ट्री दधातु नौ ||

    sámañjantu víśve devā́ḥ sámā́po hṛ́dayāni nau ǀ
    sám mātaríśvā sám dhātā́ sámu déṣṭrī dadhātu nau ǁ

    sam añjantu viśve devāḥ sam āpo hṛdayāni nau |
    sam mātariśvā saṃ dhātā sam u deṣṭrī dadhātu nau ||

    सम् । अ॒ञ्ज॒न्तु॒ । विश्वे॑ । दे॒वाः । सम् । आपः॑ । हृद॑यानि । नौ॒ ।
    सम् । मा॒त॒रिश्वा॑ । सम् । धा॒ता । सम् । ऊं॒ इति॑ । देष्ट्री॑ । द॒धा॒तु॒ । नौ॒ ॥

    सम् । अञ्जन्तु । विश्वे । देवाः । सम् । आपः । हृदयानि । नौ ।
    सम् । मातरिश्वा । सम् । धाता । सम् । ऊं इति । देष्ट्री । दधातु । नौ ॥

    sám ǀ añjantu ǀ víśve ǀ devā́ḥ ǀ sám ǀ ā́paḥ ǀ hṛ́dayāni ǀ nau ǀ
    sám ǀ mātaríśvā ǀ sám ǀ dhātā́ ǀ sám ǀ ūṃ íti ǀ déṣṭrī ǀ dadhātu ǀ nau ǁ

    sam ǀ añjantu ǀ viśve ǀ devāḥ ǀ sam ǀ āpaḥ ǀ hṛdayāni ǀ nau ǀ
    sam ǀ mātariśvā ǀ sam ǀ dhātā ǀ sam ǀ ūṃ iti ǀ deṣṭrī ǀ dadhātu ǀ nau ǁ

    10.85.47 Aṣṭaka 8.3.28.7Anuvāka 10.7.47Interpretations

Text, recitation and interpretations from the Ṛgveda database of theveda.org.in.