Devatā देवता

Viśvedevās

Ṛṣi ऋषि

1: Pratha Vāsiṣṭha; 2: Sapratha Bhāradvāja; 3: Gharma Saurya

Chandas छन्दस्

Triṣṭubh

1. Ṛk 1

   प्रथ॑श्च॒ यस्य॑ स॒प्रथ॑श्च॒ नामानु॑ष्टुभस्य ह॒विषो॑ ह॒विर्यत् ।
   धा॒तुर्द्युता॑नात्सवि॒तुश्च॒ विष्णो॑ रथंत॒रमा ज॑भारा॒ वसि॑ष्ठः ॥

   प्रथश् च यस्य सप्रथश् च नामानुष्टुभस्य हविषो हविर् यत् |
   धातुर् द्युतानात् सवितुश् च विष्णो रथन्तरम् आ जभारा वसिष्ठः ||

   práthaśca yásya sapráthaśca nā́mā́nuṣṭubhasya havíṣo havíryát ǀ
   dhātúrdyútānātsavitúśca víṣṇo rathaṃtarámā́ jabhārā vásiṣṭhaḥ ǁ

   prathaś ca yasya saprathaś ca nāmānuṣṭubhasya haviṣo havir yat |
   dhātur dyutānāt savituś ca viṣṇo rathantaram ā jabhārā vasiṣṭhaḥ ||

   प्रथः॑ । च॒ । यस्य॑ । स॒ऽप्रथः॑ । च॒ । नाम॑ । आनु॑ऽस्तुभस्य । ह॒विषः॑ । ह॒विः । यत् ।
   धा॒तुः । द्युता॑नात् । स॒वि॒तुः । च॒ । विष्णोः॑ । र॒थ॒म्ऽत॒रम् । आ । ज॒भा॒र॒ । वसि॑ष्ठः ॥

   प्रथः । च । यस्य । सऽप्रथः । च । नाम । आनुऽस्तुभस्य । हविषः । हविः । यत् ।
   धातुः । द्युतानात् । सवितुः । च । विष्णोः । रथम्ऽतरम् । आ । जभार । वसिष्ठः ॥

   práthaḥ ǀ ca ǀ yásya ǀ sa-práthaḥ ǀ ca ǀ nā́ma ǀ ā́nu-stubhasya ǀ havíṣaḥ ǀ havíḥ ǀ yát ǀ
   dhātúḥ ǀ dyútānāt ǀ savitúḥ ǀ ca ǀ víṣṇoḥ ǀ ratham-tarám ǀ ā́ ǀ jabhāra ǀ vásiṣṭhaḥ ǁ

   prathaḥ ǀ ca ǀ yasya ǀ sa-prathaḥ ǀ ca ǀ nāma ǀ ānu-stubhasya ǀ haviṣaḥ ǀ haviḥ ǀ yat ǀ
   dhātuḥ ǀ dyutānāt ǀ savituḥ ǀ ca ǀ viṣṇoḥ ǀ ratham-taram ǀ ā ǀ jabhāra ǀ vasiṣṭhaḥ ǁ

   10.181.1 Aṣṭaka 8.8.39.1Anuvāka 10.12.134Interpretations

2. Ṛk 2

   अविं॑दं॒ते अति॑हितं॒ यदासी॑द्य॒ज्ञस्य॒ धाम॑ पर॒मं गुहा॒ यत् ।
   धा॒तुर्द्युता॑नात्सवि॒तुश्च॒ विष्णो॑र्भ॒रद्वा॑जो बृ॒हदा च॑क्रे अ॒ग्नेः ॥

   अविन्दन् ते अतिहितं यद् आसीद् यज्ञस्य धाम परमं गुहा यत् |
   धातुर् द्युतानात् सवितुश् च विष्णोर् भरद्वाजो बृहद् आ चक्रे अग्नेः ||

   ávindanté átihitam yádā́sīdyajñásya dhā́ma paramám gúhā yát ǀ
   dhātúrdyútānātsavitúśca víṣṇorbharádvājo bṛhádā́ cakre agnéḥ ǁ

   avindan te atihitaṃ yad āsīd yajñasya dhāma paramaṃ guhā yat |
   dhātur dyutānāt savituś ca viṣṇor bharadvājo bṛhad ā cakre agneḥ ||

   अवि॑न्दन् । ते । अति॑ऽहितम् । यत् । आसी॑त् । य॒ज्ञस्य॑ । धाम॑ । प॒र॒मम् । गुहा॑ । यत् ।
   धा॒तुः । द्युता॑नात् । स॒वि॒तुः । च॒ । विष्णोः॑ । भ॒रत्ऽवा॑जः । बृ॒हत् । आ । च॒क्रे॒ । अ॒ग्नेः ॥

   अविन्दन् । ते । अतिऽहितम् । यत् । आसीत् । यज्ञस्य । धाम । परमम् । गुहा । यत् ।
   धातुः । द्युतानात् । सवितुः । च । विष्णोः । भरत्ऽवाजः । बृहत् । आ । चक्रे । अग्नेः ॥

   ávindan ǀ té ǀ áti-hitam ǀ yát ǀ ā́sīt ǀ yajñásya ǀ dhā́ma ǀ paramám ǀ gúhā ǀ yát ǀ
   dhātúḥ ǀ dyútānāt ǀ savitúḥ ǀ ca ǀ víṣṇoḥ ǀ bharát-vājaḥ ǀ bṛhát ǀ ā́ ǀ cakre ǀ agnéḥ ǁ

   avindan ǀ te ǀ ati-hitam ǀ yat ǀ āsīt ǀ yajñasya ǀ dhāma ǀ paramam ǀ guhā ǀ yat ǀ
   dhātuḥ ǀ dyutānāt ǀ savituḥ ǀ ca ǀ viṣṇoḥ ǀ bharat-vājaḥ ǀ bṛhat ǀ ā ǀ cakre ǀ agneḥ ǁ

   10.181.2 Aṣṭaka 8.8.39.2Anuvāka 10.12.135Interpretations

3. Ṛk 3

   ते॑ऽविंद॒न्मन॑सा॒ दीध्या॑ना॒ यजुः॑ ष्क॒न्नं प्र॑थ॒मं दे॑व॒यानं॑ ।
   धा॒तुर्द्युता॑नात्सवि॒तुश्च॒ विष्णो॒रा सूर्या॑दभरन्घ॒र्ममे॒ते ॥

   ते ऽविन्दन् मनसा दीध्याना यजु ष्कन्नम् प्रथमं देवयानम् |
   धातुर् द्युतानात् सवितुश् च विष्णोर् आ सूर्याद् अभरन् घर्मम् एते ||

   té’vindanmánasā dī́dhyānā yájuḥ ṣkannám prathamám devayā́nam ǀ
   dhātúrdyútānātsavitúśca víṣṇorā́ sū́ryādabharangharmámeté ǁ

   te 'vindan manasā dīdhyānā yaju ṣkannam prathamaṃ devayānam |
   dhātur dyutānāt savituś ca viṣṇor ā sūryād abharan gharmam ete ||

   ते । अ॒वि॒न्द॒न् । मन॑सा । दीध्या॑नाः । यजुः॑ । स्क॒न्नम् । प्र॒थ॒मम् । दे॒व॒ऽयान॑म् ।
   धा॒तुः । द्युता॑नात् । स॒वि॒तुः । च॒ । विष्णोः॑ । आ । सूर्या॑त् । अ॒भ॒र॒न् । घ॒र्मम् । ए॒ते ॥

   ते । अविन्दन् । मनसा । दीध्यानाः । यजुः । स्कन्नम् । प्रथमम् । देवऽयानम् ।
   धातुः । द्युतानात् । सवितुः । च । विष्णोः । आ । सूर्यात् । अभरन् । घर्मम् । एते ॥

   té ǀ avindan ǀ mánasā ǀ dī́dhyānāḥ ǀ yájuḥ ǀ skannám ǀ prathamám ǀ deva-yā́nam ǀ
   dhātúḥ ǀ dyútānāt ǀ savitúḥ ǀ ca ǀ víṣṇoḥ ǀ ā́ ǀ sū́ryāt ǀ abharan ǀ gharmám ǀ eté ǁ

   te ǀ avindan ǀ manasā ǀ dīdhyānāḥ ǀ yajuḥ ǀ skannam ǀ prathamam ǀ deva-yānam ǀ
   dhātuḥ ǀ dyutānāt ǀ savituḥ ǀ ca ǀ viṣṇoḥ ǀ ā ǀ sūryāt ǀ abharan ǀ gharmam ǀ ete ǁ

   10.181.3 Aṣṭaka 8.8.39.3Anuvāka 10.12.136Interpretations

Text, recitation and interpretations from the Ṛgveda database of theveda.org.in.