ऋ॒तावा॑नं महि॒षं वि॒श्वद॑र्शतम॒ग्निं सु॒म्नाय॑ दधिरे पु॒रो जनाः॑ ।
श्रुत्क॑र्णं स॒प्रथ॑स्तमं त्वा गि॒रा दैव्यं॒ मानु॑षा यु॒गा ॥

ऋतावानम् महिषं विश्वदर्शतम् अग्निं सुम्नाय दधिरे पुरो जनाः |
श्रुत्कर्णं सप्रथस्तमं त्वा गिरा दैव्यम् मानुषा युगा ||

ṛtā́vānam mahiṣám viśvádarśatamagním sumnā́ya dadhire puró jánāḥ ǀ
śrútkarṇam sapráthastamam tvā girā́ dáivyam mā́nuṣā yugā́ ǁ

ṛtāvānam mahiṣaṃ viśvadarśatam agniṃ sumnāya dadhire puro janāḥ |
śrutkarṇaṃ saprathastamaṃ tvā girā daivyam mānuṣā yugā ||

ऋ॒तऽवा॑नम् । म॒हि॒षम् । वि॒श्वऽद॑र्शतम् । अ॒ग्निम् । सु॒म्नाय॑ । द॒धि॒रे॒ । पु॒रः । जनाः॑ ।
श्रुत्ऽक॑र्णम् । स॒प्रथः॑ऽतमम् । त्वा॒ । गि॒रा । दैव्य॑म् । मानु॑षा । यु॒गा ॥

ऋतऽवानम् । महिषम् । विश्वऽदर्शतम् । अग्निम् । सुम्नाय । दधिरे । पुरः । जनाः ।
श्रुत्ऽकर्णम् । सप्रथःऽतमम् । त्वा । गिरा । दैव्यम् । मानुषा । युगा ॥

ṛtá-vānam ǀ mahiṣám ǀ viśvá-darśatam ǀ agním ǀ sumnā́ya ǀ dadhire ǀ puráḥ ǀ jánāḥ ǀ
śrút-karṇam ǀ sapráthaḥ-tamam ǀ tvā ǀ girā́ ǀ dáivyam ǀ mā́nuṣā ǀ yugā́ ǁ

ṛta-vānam ǀ mahiṣam ǀ viśva-darśatam ǀ agnim ǀ sumnāya ǀ dadhire ǀ puraḥ ǀ janāḥ ǀ
śrut-karṇam ǀ saprathaḥ-tamam ǀ tvā ǀ girā ǀ daivyam ǀ mānuṣā ǀ yugā ǁ