श्रीमार्कण्डेय उवाच । (१।१)

ततो गच्छेत्तु राजेन्द्र तीर्थं परमशोभनम् । (१।२)

अयोनिजं महापुण्यं सर्वपापप्रणाशनम् ॥ (१।३)

अयोनिजे नरः स्नात्वा पूजयेत् परमेश्वरम् । (२।१)

पितृदेवार्चनं कृत्वा मुच्यते सर्वकिल्बिषैः ॥ (२।२)

तत्र तीर्थे तु विधिना प्राणत्यागं करोति यः । (३।१)

स कदाचिन्महाराज योनिद्वारं न पश्यति ॥ (३।२)

इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे अयोनिसम्भवतीर्थमाहात्म्यवर्णनं नाम चतुर्दशाधिकशततमो ऽध्यायः ॥ (४।१)