श्रीमार्कण्डेय उवाच । (१।१)

अषाढीतीर्थम् आगच्छेत् ततो भूपालनन्दन । (१।२)

कामिकं रूपमास्थाय स्थितो यत्र महेश्वरः ॥ (१।३)

चातुर्युगम् इदं तीर्थं सर्वतीर्थेष्वनुत्तमम् । (२।१)

तत्र स्नात्वा नरो राजन् रुद्रस्यानुचरो भवेत् ॥ (२।२)

तत्र तीर्थे तु यः कश्चित् कुरुते प्राणमोक्षणम् । (३।१)

अनिवर्तिका गतिस्तस्य रुद्रलोकाद् असंशयम् ॥ (३।२)

इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे अषाढीतीर्थमाहात्म्यवर्णनं नाम षोडशोत्तरद्विशततमो ऽध्यायः ॥ (४।१)