मार्कण्डेय उवाच । (१।१)

ततो गच्छेद्धरापाल शीवतीर्थमनुत्तमम् । (१।२)

दर्शनाद्यस्य देवस्य मुच्यते सर्वकिल्बिषैः ॥ (१।३)

शिवतीर्थे तु यः स्नात्वा जितक्रोधो जितेन्द्रियः । (२।१)

पूजयेत महादेवं सो ऽग्निष्टोमफलं लभेत् ॥ (२।२)

तत्र तीर्थे तु यो भक्त्या सोपवासो ऽर्चयेच्छिवम् । (३।१)

अनिवर्तिका गतिस्तस्य रुद्रलोकाद् असंशयम् ॥ (३।२)

इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे शिवतीर्थमाहात्म्यवर्णनं नाम पञ्चचत्वारिंशदधिकशततमो ऽध्यायः ॥ (४।१)