श्रीमार्कण्डेय उवाच । (१।१)

ततो गच्छेन्महाराज नागतीर्थमनुत्तमम् । (१।२)

आश्विनस्य सिते पक्षे पञ्चम्यां नियतः शुचिः ॥ (१।३)

रात्रौ जागरणं कृत्वा गन्धधूपनिवेदनैः । (२।१)

प्रभाते विमले स्नात्वा श्राद्धं कृत्वा यथाविधि ॥ (२।२)

मुच्यते सर्वपापेभ्यो नात्र कार्या विचारणा । (३।१)

तत्र तीर्थे तु यो राजन्प्राणत्यागं करिष्यति ॥ (३।२)

अनिवर्तिका गतिस्तस्य प्रोवाचेति शिवः स्वयम् ॥ (४।१)

इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे नागतीर्थमाहात्म्यवर्णनं नाम त्रिषष्ट्युत्तरशततमो ऽध्यायः ॥ (५।१)