श्रीमार्कण्डेय उवाच । (१।१)

ततो गच्छेन् महीपाल देवतीर्थमनुत्तमम् । (१।२)

यत्र सिद्धा महाभागा देवाः सेन्द्रा युधिष्ठिर ॥ (१।३)

स्नानं दानं जपो होमः स्वाध्यायो देवतार्चनम् । (२।१)

तत्र तीर्थप्रभावेन कृतमानन्त्यमश्नुते ॥ (२।२)

विशेषाद्भाद्रपदे तु कृष्णपक्षे त्रयोदशीम् । (३।१)

प्रधानं सर्वतीर्थानां देवैरध्यासितं पुरा ॥ (३।२)

स्नात्वा त्रयोदशीदिने श्राद्धं कृत्वा विधानतः । (४।१)

देवैः संस्थापितं देवं सम्पूज्य वृषभध्वजम् । (४।२)

सर्वपापविनिर्मुक्तो रुद्रलोकमवाप्नुयात् ॥ (४।३)

इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे देवतीर्थमाहात्म्यवर्णनं नामैकोत्तरद्विशततमो ऽध्यायः ॥ (५।१)