श्रीमार्कण्डेय उवाच । (१।१)

ततो गच्छेत्तु राजेन्द्र तीर्थं परमशोभनम् । (१।२)

नराणां पापनाशाय अगस्त्येश्वरमुत्तमम् ॥ (१।३)

तत्र स्नात्वा नरो राजन् मुच्यते ब्रह्महत्यया । (२।१)

कार्त्तिकस्य तु मासस्य कृष्णपक्षे चतुर्दशी ॥ (२।२)

घृतेन स्नापयेद् देवं समाधिस्थो जितेन्द्रियः । (३।१)

एकविंशतिकुलोपेतो च्यवेदैश्वरात् पदात् ॥ (३।२)

धनं चोपानहौ छत्रं दद्याच्च घृतकम्बलम् । (४।१)

भोजनं चैव सर्वेषां सर्वं कोटिगुणं भवेत् ॥ (४।२)

इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे अगस्त्येश्वरतीर्थमाहात्म्यवर्णनं नाम चतुःषष्टितमो ऽध्यायः ॥ (५।१)