श्रीमार्कण्डेय उवाच । (१।१)

रेवाया उत्तरे कूले तीर्थं परमशोभनम् । (१।२)

रविणा निर्मितं पार्थ सर्वपापक्षयंकरम् ॥ (१।३)

स्वांशेन भास्करस्तत्र तिष्ठते चोत्तरे तटे । (२।१)

सर्वव्याधिहरः पुंसां नर्मदायां व्यवस्थितः ॥ (२।२)

षष्ठ्यांषष्ठ्यां नृपश्रेष्ठ ह्यष्टम्यां च चतुर्दशीम् । (३।१)

स्नानं यः कारयेन्मर्त्यः श्राद्धं प्रेतेषु भक्तितः । (३।२)

तस्य पापक्षयः पार्थ सूर्यलोके महीयते ॥ (३।३)

ततः स्वर्गाच्च्युतः सो ऽपि जायते विमले कुले । (४।१)

धनाढ्यो व्याधिनिर्मुक्तो जीवेज्जन्मनिजन्मनि ॥ (४।२)

इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे रवितीर्थमाहात्म्यवर्णनं नाम सप्ततितमो ऽध्यायः ॥ (५।१)