अपामी॑वां सवि॒ता सा॑विष॒न्न्य१॒॑ग्वरी॑य॒ इदप॑ सेधं॒त्वद्र॑यः ।
ग्रावा॒ यत्र॑ मधु॒षुदु॒च्यते॑ बृ॒हदा स॒र्वता॑ति॒मदि॑तिं वृणीमहे ॥

अपामीवां सविता साविषन् न्यग् वरीय इद् अप सेधन्त्व् अद्रयः |
ग्रावा यत्र मधुषुद् उच्यते बृहद् आ सर्वतातिम् अदितिं वृणीमहे ||

ápā́mīvām savitā́ sāviṣannyágvárīya ídápa sedhantvádrayaḥ ǀ
grā́vā yátra madhuṣúducyáte bṛhádā́ sarvátātimáditim vṛṇīmahe ǁ

apāmīvāṃ savitā sāviṣan nyag varīya id apa sedhantv adrayaḥ |
grāvā yatra madhuṣud ucyate bṛhad ā sarvatātim aditiṃ vṛṇīmahe ||

अप॑ । अमी॑वाम् । स॒वि॒ता । सा॒वि॒ष॒त् । न्य॑क् । वरी॑यः । इत् । अप॑ । से॒ध॒न्तु॒ । अद्र॑यः ।
ग्रावा॑ । यत्र॑ । म॒धु॒ऽसुत् । उ॒च्यते॑ । बृ॒हत् । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥

अप । अमीवाम् । सविता । साविषत् । न्यक् । वरीयः । इत् । अप । सेधन्तु । अद्रयः ।
ग्रावा । यत्र । मधुऽसुत् । उच्यते । बृहत् । आ । सर्वऽतातिम् । अदितिम् । वृणीमहे ॥

ápa ǀ ámīvām ǀ savitā́ ǀ sāviṣat ǀ nyák ǀ várīyaḥ ǀ ít ǀ ápa ǀ sedhantu ǀ ádrayaḥ ǀ
grā́vā ǀ yátra ǀ madhu-sút ǀ ucyáte ǀ bṛhát ǀ ā́ ǀ sarvá-tātim ǀ áditim ǀ vṛṇīmahe ǁ

apa ǀ amīvām ǀ savitā ǀ sāviṣat ǀ nyak ǀ varīyaḥ ǀ it ǀ apa ǀ sedhantu ǀ adrayaḥ ǀ
grāvā ǀ yatra ǀ madhu-sut ǀ ucyate ǀ bṛhat ǀ ā ǀ sarva-tātim ǀ aditim ǀ vṛṇīmahe ǁ