ते हि द्यावा॑पृथि॒वी मा॒तरा॑ म॒ही दे॒वी दे॒वांजन्म॑ना य॒ज्ञिये॑ इ॒तः ।
उ॒भे बि॑भृत उ॒भयं॒ भरी॑मभिः पु॒रू रेतां॑सि पि॒तृभि॑श्च सिंचतः ॥

ते हि द्यावापृथिवी मातरा मही देवी देवाञ् जन्मना यज्ञिये इतः |
उभे बिभृत उभयम् भरीमभिः पुरू रेतांसि पितृभिश् च सिञ्चतः ||

té hí dyā́vāpṛthivī́ mātárā mahī́ devī́ devā́ñjánmanā yajñíye itáḥ ǀ
ubhé bibhṛta ubháyam bhárīmabhiḥ purū́ rétāṃsi pitṛ́bhiśca siñcataḥ ǁ

te hi dyāvāpṛthivī mātarā mahī devī devāñ janmanā yajñiye itaḥ |
ubhe bibhṛta ubhayam bharīmabhiḥ purū retāṃsi pitṛbhiś ca siñcataḥ ||

ते । हि । द्यावा॑पृथि॒वी इति॑ । मा॒तरा॑ । म॒ही इति॑ । दे॒वी इति॑ । दे॒वान् । जन्म॑ना । य॒ज्ञिये॒ इति॑ । इ॒तः ।
उ॒भे इति॑ । बि॒भृ॒तः॒ । उ॒भय॑म् । भरी॑मऽभिः । पु॒रु । रेतां॑सि । पि॒तृऽभिः॑ । च॒ । सि॒ञ्च॒तः॒ ॥

ते । हि । द्यावापृथिवी इति । मातरा । मही इति । देवी इति । देवान् । जन्मना । यज्ञिये इति । इतः ।
उभे इति । बिभृतः । उभयम् । भरीमऽभिः । पुरु । रेतांसि । पितृऽभिः । च । सिञ्चतः ॥

té ǀ hí ǀ dyā́vāpṛthivī́ íti ǀ mātárā ǀ mahī́ íti ǀ devī́ íti ǀ devā́n ǀ jánmanā ǀ yajñíye íti ǀ itáḥ ǀ
ubhé íti ǀ bibhṛtaḥ ǀ ubháyam ǀ bhárīma-bhiḥ ǀ purú ǀ rétāṃsi ǀ pitṛ́-bhiḥ ǀ ca ǀ siñcataḥ ǁ

te ǀ hi ǀ dyāvāpṛthivī iti ǀ mātarā ǀ mahī iti ǀ devī iti ǀ devān ǀ janmanā ǀ yajñiye iti ǀ itaḥ ǀ
ubhe iti ǀ bibhṛtaḥ ǀ ubhayam ǀ bharīma-bhiḥ ǀ puru ǀ retāṃsi ǀ pitṛ-bhiḥ ǀ ca ǀ siñcataḥ ǁ