1.2१.२ततो गते शाकुनिके कपोती प्राह दुःखिता । (१।२)
tato gate śākunike kapotī prāha duḥkhitā |
1.3१.३संस्मृत्य भर्तारम् अथो रुदती शोकमूर्छिता ॥ (१।३)
saṃsmṛtya bhartāram atho rudatī śokamūrchitā ||
2.1२.१नाहं ते विप्रियं कान्त कदाचिद् अपि संस्मरे । (२।१)
nāhaṃ te vipriyaṃ kānta kadācid api saṃsmare |
2.2२.२सर्वा वै विधवा नारी बहुपुत्रापि खेचर । (२।२)
sarvā vai vidhavā nārī bahuputrāpi khecara |
2.3२.३शोच्या भवति बन्धूनां पतिहीना मनस्विनी ॥ (२।३)
śocyā bhavati bandhūnāṃ patihīnā manasvinī ||
3.1३.१लालिताहं त्वया नित्यं बहुमानाच्च सान्त्विता । (३।१)
lālitāhaṃ tvayā nityaṃ bahumānācca sāntvitā |
3.2३.२वचनैर् मधुरैः स्निग्धैर् असकृत् सुमनोहरैः ॥ (३।२)
vacanair madhuraiḥ snigdhair asakṛt sumanoharaiḥ ||
4.1४.१कन्दरेषु च शैलानां नदीनां निर्झरेषु च । (४।१)
kandareṣu ca śailānāṃ nadīnāṃ nirjhareṣu ca |
4.2४.२द्रुमाग्रेषु च रम्येषु रमिताहं त्वया प्रिय ॥ (४।२)
drumāgreṣu ca ramyeṣu ramitāhaṃ tvayā priya ||
5.1५.१आकाशगमने चैव सुखिताहं त्वया सुखम् । (५।१)
ākāśagamane caiva sukhitāhaṃ tvayā sukham |
5.2५.२विहृतास्मि त्वया कान्त तन्मे नाद्यास्ति किंचन ॥ (५।२)
vihṛtāsmi tvayā kānta tanme nādyāsti kiṃcana ||
6.1६.१मितं ददाति हि पिता मितं माता मितं सुतः । (६।१)
mitaṃ dadāti hi pitā mitaṃ mātā mitaṃ sutaḥ |
6.2६.२अमितस्य तु दातारं भर्तारं का न पूजयेत् ॥ (६।२)
amitasya tu dātāraṃ bhartāraṃ kā na pūjayet ||
7.1७.१नास्ति भर्तृसमो नाथो न च भर्तृसमं सुखम् । (७।१)
nāsti bhartṛsamo nātho na ca bhartṛsamaṃ sukham |
7.2७.२विसृज्य धनसर्वस्वं भर्ता वै शरणं स्त्रियाः ॥ (७।२)
visṛjya dhanasarvasvaṃ bhartā vai śaraṇaṃ striyāḥ ||
8.1८.१न कार्यम् इह मे नाथ जीवितेन त्वया विना । (८।१)
na kāryam iha me nātha jīvitena tvayā vinā |
8.2८.२पतिहीनापि का नारी सती जीवितुम् उत्सहेत् ॥ (८।२)
patihīnāpi kā nārī satī jīvitum utsahet ||
9.1९.१एवं विलप्य बहुधा करुणं सा सुदुःखिता । (९।१)
evaṃ vilapya bahudhā karuṇaṃ sā suduḥkhitā |
9.2९.२पतिव्रता संप्रदीप्तं प्रविवेश हुताशनम् ॥ (९।२)
pativratā saṃpradīptaṃ praviveśa hutāśanam ||
10.1१०.१ततश्चित्राम्बरधरं भर्तारं सान्वपश्यत । (१०।१)
tataścitrāmbaradharaṃ bhartāraṃ sānvapaśyata |
10.2१०.२विमानस्थं सुकृतिभिः पूज्यमानं महात्मभिः ॥ (१०।२)
vimānasthaṃ sukṛtibhiḥ pūjyamānaṃ mahātmabhiḥ ||
11.1११.१चित्रमाल्याम्बरधरं सर्वाभरणभूषितम् । (११।१)
citramālyāmbaradharaṃ sarvābharaṇabhūṣitam |
11.2११.२विमानशतकोटीभिर् आवृतं पुण्यकीर्तिभिः ॥ (११।२)
vimānaśatakoṭībhir āvṛtaṃ puṇyakīrtibhiḥ ||
12.1१२.१ततः स्वर्गगतः पक्षी भार्यया सह संगतः । (१२।१)
tataḥ svargagataḥ pakṣī bhāryayā saha saṃgataḥ |
12.2१२.२कर्मणा पूजितस्तेन रेमे तत्र स भार्यया ॥ (१२।२)
karmaṇā pūjitastena reme tatra sa bhāryayā ||
Data courtesy of The Digital Corpus of Sanskrit.
