नारायणं नमस्कृत्य नरं चैव नरोत्तमम् । (१।१)

देवीं सरस्वतीं चैव ततो जयम् उदीरयेत् । (१।२)

ॐ नमो भगवते तस्मै व्यासायामिततेजसे । (१।३)

यस्य प्रसादाद् वक्ष्यामि नारायणकथां शुभाम् । (१।४)

ततो ऽज्ञानतमोऽन्धस्य कावस्था जगतो भवेत् । (१।५)

जनमेजय उवाच । (१।६)

मयस्य तु कथां दिव्यां श्रोतुम् इच्छामि सत्तम । (१।७)

सभां चैव कृतां तेन धर्मराजस्य धीमतः । (१।८)

जनमेजय उवाच । (१।९)

रक्षितः पाण्डवा [॥। औ२ ज़ेइछेन्झ्] मयो नाम महासुरः । (१।१०)

कृष्णाच्च पावकाच्चैव पार्थेनामिततेजसा । (१।११)

स चकार यद् ऊर्ध्वं वै कर्म प्रत्ययकारकम् । (१।१२)

तद् ब्रूहि भगवन् सर्वं प्राणदाय किरीटिने । (१।१३)

जनमेजयः । (१।१४)

अर्जुनो जयतां श्रेष्ठो मोक्षयित्वा मयं तदा । (१।१५)

किं चकार महातेजास्तन्मे ब्रूहि द्विजोत्तम ॥ (१।१६)