1.2१.२सुदक्षिणस्तु काम्बोजो रथ एकगुणो मतः । (१।२)
sudakṣiṇastu kāmbojo ratha ekaguṇo mataḥ |
1.3१.३तवार्थसिद्धिम् आकाङ्क्षन् योत्स्यते समरे परैः ॥ (१।३)
tavārthasiddhim ākāṅkṣan yotsyate samare paraiḥ ||
2.1२.१एतस्य रथसिंहस्य तवार्थे राजसत्तम । (२।१)
etasya rathasiṃhasya tavārthe rājasattama |
2.2२.२पराक्रमं यथेन्द्रस्य द्रक्ष्यन्ति कुरवो युधि ॥ (२।२)
parākramaṃ yathendrasya drakṣyanti kuravo yudhi ||
3.1३.१एतस्य रथवंशो हि तिग्मवेगप्रहारिणाम् । (३।१)
etasya rathavaṃśo hi tigmavegaprahāriṇām |
3.2३.२काम्बोजानां महाराज शलभानाम् इवायतिः ॥ (३।२)
kāmbojānāṃ mahārāja śalabhānām ivāyatiḥ ||
4.1४.१नीलो माहिष्मतीवासी नीलवर्मधरस्तव । (४।१)
nīlo māhiṣmatīvāsī nīlavarmadharastava |
4.2४.२रथवंशेन शत्रूणां कदनं वै करिष्यति ॥ (४।२)
rathavaṃśena śatrūṇāṃ kadanaṃ vai kariṣyati ||
5.1५.१कृतवैरः पुरा चैव सहदेवेन पार्थिवः । (५।१)
kṛtavairaḥ purā caiva sahadevena pārthivaḥ |
5.2५.२योत्स्यते सततं राजंस्तवार्थे कुरुसत्तम ॥ (५।२)
yotsyate satataṃ rājaṃstavārthe kurusattama ||
6.1६.१विन्दानुविन्दावावन्त्यौ समेतौ रथसत्तमौ । (६।१)
vindānuvindāvāvantyau sametau rathasattamau |
6.2६.२कृतिनौ समरे तात दृढवीर्यपराक्रमौ ॥ (६।२)
kṛtinau samare tāta dṛḍhavīryaparākramau ||
7.1७.१एतौ तौ पुरुषव्याघ्रौ रिपुसैन्यं प्रधक्ष्यतः । (७।१)
etau tau puruṣavyāghrau ripusainyaṃ pradhakṣyataḥ |
7.2७.२गदाप्रासासिनाराचैस् तोमरैश्च भुजच्युतैः ॥ (७।२)
gadāprāsāsinārācais tomaraiśca bhujacyutaiḥ ||
8.1८.१युद्धाभिकामौ समरे क्रीडन्ताविव यूथपौ । (८।१)
yuddhābhikāmau samare krīḍantāviva yūthapau |
8.2८.२यूथमध्ये महाराज विचरन्तौ कृतान्तवत् ॥ (८।२)
yūthamadhye mahārāja vicarantau kṛtāntavat ||
9.1९.१त्रिगर्ता भ्रातरः पञ्च रथोदारा मता मम । (९।१)
trigartā bhrātaraḥ pañca rathodārā matā mama |
9.2९.२कृतवैराश्च पार्थेन विराटनगरे तदा ॥ (९।२)
kṛtavairāśca pārthena virāṭanagare tadā ||
10.1१०.१मकरा इव राजेन्द्र समुद्धततरङ्गिणीम् । (१०।१)
makarā iva rājendra samuddhatataraṅgiṇīm |
10.2१०.२गङ्गां विक्षोभयिष्यन्ति पार्थानां युधि वाहिनीम् ॥ (१०।२)
gaṅgāṃ vikṣobhayiṣyanti pārthānāṃ yudhi vāhinīm ||
11.1११.१ते रथाः पञ्च राजेन्द्र येषां सत्यरथो मुखम् । (११।१)
te rathāḥ pañca rājendra yeṣāṃ satyaratho mukham |
11.2११.२एते योत्स्यन्ति समरे संस्मरन्तः पुरा कृतम् ॥ (११।२)
ete yotsyanti samare saṃsmarantaḥ purā kṛtam ||
12.1१२.१व्यलीकं पाण्डवेयेन भीमसेनानुजेन ह । (१२।१)
vyalīkaṃ pāṇḍaveyena bhīmasenānujena ha |
12.2१२.२दिशो विजयता राजञ् श्वेतवाहेन भारत ॥ (१२।२)
diśo vijayatā rājañ śvetavāhena bhārata ||
13.1१३.१ते हनिष्यन्ति पार्थानां समासाद्य महारथान् । (१३।१)
te haniṣyanti pārthānāṃ samāsādya mahārathān |
13.2१३.२वरान् वरान्महेष्वासान् क्षत्रियाणां धुरंधराः ॥ (१३।२)
varān varānmaheṣvāsān kṣatriyāṇāṃ dhuraṃdharāḥ ||
14.1१४.१लक्ष्मणस्तव पुत्रस्तु तथा दुःशासनस्य च । (१४।१)
lakṣmaṇastava putrastu tathā duḥśāsanasya ca |
14.2१४.२उभौ तौ पुरुषव्याघ्रौ संग्रामेष्वनिवर्तिनौ ॥ (१४।२)
ubhau tau puruṣavyāghrau saṃgrāmeṣvanivartinau ||
15.1१५.१तरुणौ सुकुमारौ च राजपुत्रौ तरस्विनौ । (१५।१)
taruṇau sukumārau ca rājaputrau tarasvinau |
15.2१५.२युद्धानां च विशेषज्ञौ प्रणेतारौ च सर्वशः ॥ (१५।२)
yuddhānāṃ ca viśeṣajñau praṇetārau ca sarvaśaḥ ||
16.1१६.१रथौ तौ रथशार्दूल मतौ मे रथसत्तमौ । (१६।१)
rathau tau rathaśārdūla matau me rathasattamau |
16.2१६.२क्षत्रधर्मरतौ वीरौ महत् कर्म करिष्यतः ॥ (१६।२)
kṣatradharmaratau vīrau mahat karma kariṣyataḥ ||
17.1१७.१दण्डधारो महाराज रथ एको नरर्षभः । (१७।१)
daṇḍadhāro mahārāja ratha eko nararṣabhaḥ |
17.2१७.२योत्स्यते समरं प्राप्य स्वेन सैन्येन पालितः ॥ (१७।२)
yotsyate samaraṃ prāpya svena sainyena pālitaḥ ||
18.1१८.१बृहद्बलस्तथा राजा कौसल्यो रथसत्तमः । (१८।१)
bṛhadbalastathā rājā kausalyo rathasattamaḥ |
18.2१८.२रथो मम मतस्तात दृढवेगपराक्रमः ॥ (१८।२)
ratho mama matastāta dṛḍhavegaparākramaḥ ||
19.1१९.१एष योत्स्यति संग्रामे स्वां चमूं संप्रहर्षयन् । (१९।१)
eṣa yotsyati saṃgrāme svāṃ camūṃ saṃpraharṣayan |
19.2१९.२उग्रायुधो महेष्वासो धार्तराष्ट्रहिते रतः ॥ (१९।२)
ugrāyudho maheṣvāso dhārtarāṣṭrahite rataḥ ||
20.1२०.१कृपः शारद्वतो राजन् रथयूथपयूथपः । (२०।१)
kṛpaḥ śāradvato rājan rathayūthapayūthapaḥ |
20.2२०.२प्रियान् प्राणान् परित्यज्य प्रधक्ष्यति रिपूंस्तव ॥ (२०।२)
priyān prāṇān parityajya pradhakṣyati ripūṃstava ||
21.1२१.१गौतमस्य महर्षेर् य आचार्यस्य शरद्वतः । (२१।१)
gautamasya maharṣer ya ācāryasya śaradvataḥ |
21.2२१.२कार्त्तिकेय इवाजेयः शरस्तम्बात् सुतो ऽभवत् ॥ (२१।२)
kārttikeya ivājeyaḥ śarastambāt suto 'bhavat ||
22.1२२.१एष सेनां बहुविधां विविधायुधकार्मुकाम् । (२२।१)
eṣa senāṃ bahuvidhāṃ vividhāyudhakārmukām |
22.2२२.२अग्निवत् समरे तात चरिष्यति विमर्दयन् ॥ (२२।२)
agnivat samare tāta cariṣyati vimardayan ||
Data courtesy of The Digital Corpus of Sanskrit.
